أبا مدرسة تراعي الاطفال ذوي النشاط المفرط مضطربي الانتباه 2024.

شحالكن خواتي ان شاء الله بأحسن حال؟؟؟

خواتي مثل ما هو واضح من العنوان محتاجة لمدرسة تراعي ولدي

من اسبوع قال لنا دكتور الاطفال إن عنده ها العرض (النشاط المفرط واضطراب الانتباه) ولازم نتلاحق عليه دام بعده صغير (تراه kg1) ——> للمعلومية: هذا مب مرض نفسي او تخلف عقلي …. لا هو مجرد طفل نسبة ذكائه عالية لكن حركته زايدة وما يقدر ييلس و يركز لمدة طويلة..

فعشان جيه هو يحتاج ان المدرّسة تركز معاه و تعامله بحنان لأن العنف يولد العناد عنده….

مدرسته الحالية بالصف حوالي الثلاثين طالب وخبرت المس مالته بحالته بس ما ارتحت لتعاملها معه دوم مطنشته وتخلي اليهال الثانين يطقونه….. هو هادي وشيطنته بس مع عمره يعني عادي احصله يلاعب شنطته ولا قلامته بالصف والمدرسة يالسة تشرح!!!!

باستخف وركبني الهم ما ادري شو اسوي بمن اتصل استشير ما اعرف… اتصلت على كذا مدرسة على مستوى مثل المدار و الاتحاد بس قالو لي ما نقبل هااليهال ولا يخصنا اذا اصريتم وسجلتوه عندنا….

شو أسوي

أختي اللهم لك الحمد إن ابنج سليم عقلياً وجسدياً

ثانياً أنتِ بحاجة للبحث عن فصول دراسية قليلة العدد وهذا على الأغلب قد يتوفر في المدارس الخاصة

طبعاً المدارس الحكومية من الصعب تطلبين من المدرسة مراعاة طالب واحد في مقابل 30 طالب آخر، خصوصاً إن الأولاد من الأساس متعبين وحركيين، فكيف بطالب لديه طاقة أكبر منهم

فالأفضل لأبنج تبحثين عن مدرسة العدد فيها قليل بحيث تركز المدرسة عليه

وأتمنى لج ولأبنج التوفيق والله يعينج

الله يجزاج خير اختي

بس يا اختي وين احصل مثل ها المدرسة تصدقين اني اتصلت على 4 مدارس خاصة بس كلهم قالو ما نستقبل طالب فيه ها الحالة!

والمشكلة إني يديدة على العين ما اعرف وين لازم اسير …..

حطيه في مدرسة خاصة و خلي المدرسات يراعونة بس لا تخبرينهم انه عنده هالاضطراب بس قوليلهم و دايما رددي عليهم انه يراعونة و يشجعونة … و الله يشفيه يااااااااااااااااااااااااارب و يشفي عيالنا اجمعين يااااااااااااااارب

الله يخليه لج …………..جوفي انصحج في الاتحاد………. انا ولدي ذكي ما شاء الله بس مستواه بدا ينزل لان ما يحب يركز وايد ………وهو كان من النوع الا ما يجلس في مكانه مستحيل

يعني اكبر عقاب له ان اقوه اجلس لا تتحرك

الهم الحين في ثالث لاحظت معلمه الرياضيات انه يجاوب اجابات غر منطقيه يعني اي كلام في الاوراق ……ويوم اطلع عالسبورة يجاوب صح …. فتمت تاخذه في الفسحه غرفتها وتخليه يحل ويوم يخلص تخليه يطلع وطبعا قبل يشتري اكل……….والحمدلله كان يجاوب صح وما يغلط ….بس هذا خله يركز اكثر في الصف عشان هو يريد يلعب في الفسحه مع ربعه….

فاقولج ………….الاتاد واااايد اوكي وعندهم طوه بال …….بس معلمه لمعلمه يختلف اسلوبهن

هلا الغاليه والله يشافيلج ولدج
بس الغاليه انتي اكبر غلط انج اتخبرين اي مدرسه بيسيرها عن حاله ولدج توكلي ع الله ودخليه اي مدرسه زينه وف العين مثل الظفره ول المستقبل وما في داعي اتخبرينهم عن مشكلة ولدج عشان ما يركزووووون عليه حرام بعده صغير فديته بس قوليلهم انه حركي شويه وان شاء الله من يدخل الروضه بيتغير انتي بس جربي اول شهر ودووووم أسألي عنه الحركه الزايده مب مرض
ها ما وصيج تحملي اتخبرينهم عن حالته وتوكلي ع الله وخلي الامور طبيعيه ولا تحاتين فديتج عشان لا يعقدوووون ف اليهال وما يركزووون عليه وعقب يلاحظ معاملتهم له غير عن الباجين تحملي
والله يحفضلج ولدج يارب ويخليه الكم فديت روحه

الغاليه حطيه فمدرسه عاديه بس شوفي المدارس اللي يكون عدد الطلاب فيها قليل وعندهم تحفيظ قران انا بقولج عن تجربة اختي ولدها مثل ولدج الله يحفظه بخبرج شو سوت اول شي الطفل اللي من هذا النوع الكهربا فالمخ عنده تكون زايده ومافي شي يضبط جسم الانسان غير القران سبحان الله من حطت ولدها فمركز تحفيظ هدااشوي
شي ثاني لاتقوين للمدرسه ها الشي عشان ما يعاملونه بشكل غير الطلاب ويتعقد نص الاطفال الحين حركييين
شي ثاني ومهم جدا له عشان تقل حركته فالمدرسه طلعي نشاطه فالبيت وسجليه فانشطه رياضيه يطلع طاقته فشي مفيد
شي مهم اكله يؤثر على الحركه امنعي عنه الشيبس والغازات والحلويات والشوكولا اللي تحتوي على الون صناعيه ونكهات ومواد حافظه كلها تزيد الحركه واعطيه فواكه وخضار وحبوب وقليي من النشويات اكيد اي طفل يبا سويت بس لاتحرمينه لكن قلللي لا تتكلمين جدامه او تشتكين من حركته وكل يوم عيذيه ودايما شغلي سوره البقره فالبيت والسياره واقري عليه بيهدا وايد كل اللي قلته عن تجربه والله يبارك فيه ويصلحه واي شي انا حاضره