بنات العين الي عندها فكره بليز اتساعدني انا اعرف كم من نادي بس ابا احسن نادي في العين من حيث النظافه ونفس الوقت بغيت استفيد من الاشتراك
اترياكم بنات العين^^
برد لسؤالج.. جوفي ماعندنا غير هالنوادي :
– الاكسير عدال توام: زحمة وموب راقي بس عندهم الات وايد ومسبح. ودوم احصل بنات مالهم فالرياضة مول! بس ييون عسب يرمسن وياخذن صور لعمارهن! ودوم التلفزيون عالي والمدربة تعطيج ويه اول يوم والباجي سوالف ويا ربيعاتها! اسعاره زينة بس.
– بيرفيكت ويت عدال كارفور: دشيته مرة عسب اشجوفه. بيت عادي الصالون حاطين فيه جهازين مشي وبس! شي صالة للايروبيك. ماسألت عالاسعار لان ماعيبني. ها من ثلاث سنين يمكن غيرو الحين.
– كرومويل: افضلهم. فمستشفى كرومويل. راقي والمكان نظيف. وشي مسبح بدون مدربة. الاسعار غالية. 500 جيم و 350 مسبح ولو الاثنين ب 700. الاجهزة بس عندهم ثلاث اجهزة مشي وثنتين سيكل وثنتين اوربتراك وها مال العضلات و rowing machine وكلاسات زومبا وايروبيكس. بس مول ماعجبتني الكلاسات اولا زحمة وتقريبا تعطي المستوى الاول يعني ماحد بيتعب ولا بيعرق! وغير جي ماعرف ارقص زومبا! ماحبيت. مشكلتة بعد فالبنات اللي يسيرن للرمسة والسوالف والتصوير ويخلن المسجل عالعااااااااااااااااااااليييييييييييييييي!!!!! صدج عيال مدارس!!! وراعية الصالة ماتهزبهن ولاشي عادي. طفشت منهن.
– كولينيري: فالمجمع التجاري. ماعرفت اسعاره سرت وودرته. صالة الايروبيك كبيرة بس صالة الاجهزة مخنوقة! يمكن غرفتي اكبر عنها! ورطوبة وحر.
– لايف لاين ولا فتنس لايف اللي قبل سيلكور فالجيمي: للبنات الفترة الصباحية بس. ماعرف شي عن الاسعار بس الصالة وايد كبيرة.
– فندق ايلا عنه صالة وايد حلوة ومسبح بس الاربعاء للبنات وباقي الايام مختلط والفترة الصباحية حريم. بس غالي. واكيد ماينفع!
– شي صالة في لاروشا بس سمعت المدربة تركت مادري دقي عليهم واسالي.
يعني الخلاصة: سوي دايت وجوفي اليوتيوب وسوي تمارين بغرفتج !! لين يسوولنا نادي محترم فالعين 
او سيري اتمشي كل يوم نص ساعة فالحديقة ( عندج الجاهلي ولا المريجب للسيدات) شي بنات يركضن ويتمشن هناك
