امانه اللي بتقرا موضوعي ما يمر عليها هاليوم والا هي مسوية خير وتكتبه لنا اذا قدرت عشان تفتح الابواب للاخوات انه يسوونه(الدال على الخير كفاعله)…..
مثال(1): في قطيعة حاصله بين الارحام …تخبرنا الاخت انها راحت وحاولت الاصلاح والحمدلله توفقت…حتى لو ما توفقت…انكتب لها الاجر والثواب…
مثال(2):اخت شافت العامل اللي ينظف الشارع وعطته مبلغ بسيط او مدت عليه ماي اكل اي شي …يمكن تشوفونه شي تافه وهو عند الله جبال من الحسنات…
مثال(3):تدخلين البيت وانتي يايبه خير للبيت كله…اكل او ملابس او
اي شي يفرح الاهل…(خيركم..خيركم لاهله)
مثال(4):تشترين للبشكارة اللي في البيت لبس او تمديلها بشيء بسيط وتقولين لها عشان شغلتج زين هاي اكرامية…هي بتخلص زيادة..وانت لتج الاجر والشغل الزين…
وااااااااااااااايد…دروب الخير…بس في ناس غافلين عنها واول ماتذكرينهم…يعتمدونه وتخيلو الاجر والثواب لكل انسان قلدتج في خير انتي سويتيه..وحد شافه وسوى شراته…انتي تاخذين اجر كل من طبق وهم من ينقص من اجرهم شي…..
الله يوفقني واياكم في رضا الله وحب الله……
ماعندي فكره حاليا …….
اللهم ,,
إني أسألك نعمة دائمة ,,
تفيض بها خيراتك ,,
وتتوسع بها أرزاقك ,,
وتتضاعف بها بركاتك ,,
وتزيد بها أفضالك ,,
وأعوذ بك ,,,
من أن تزول عني نعمك ,,
وتنقص عني خيراتك ,,
وتنقطع عني أرزاقك ,,,
وتنتهي عني بركاتك ,,
وتذهب عني أفضالك ,,,