مرحبا خواتي اليوم ابغي اتكلم وياكم في ظاهره للاسف منتتشره وايد عندنا اللي هي الاولاد والبنات اللي بعدهم ما خلصوا مرحلة الاعداديه و في يدهم موبايلات ,الله يسلمكن وحده اعرفها عندهاا بنت في الصف السابع و كل ما استوى شي في البيت تدقدق حق ربيعتها وتخبرها شو يالس يصير و امها ما تقول شي مستانسه ان بنتها عندها موبايل و يوم نرمسها تقول انتو عندكم , اوكي نحن صح عندنا بس نحن كبار بس انا اخوي يابلي الموبايل و انا عمري فوق 20 للاستعمال الضروري , ومره ولد خالي في الابتدائيه قاعد يرمس عن الموبايلات وانه يبغي موبايل قلناله انت بعدك صغير قال عيل ليش ربيعه اهل شاريله موبايل جديد وهو قبل عنده موبايلين … انا انصدمت @@ , انا مستغربه بعض الاهالي كيف يفكرون , ليكون عيالهم عندهم مشاريع مهمه وعطوهم الموبايل و نحن ما ندري ؟ يعني الحين البنات اللي اعمارهم فوق 18 كافي لو تييهم وحده مكالمه بالغلط و البنت على نياتها تضيع فما بالكم باليهال اللي بالابتدائيه و الاعداديه او حتى بالثانويه , تفكير بعض الاهالي انه عادي او عسب يخلون عيالهم يكشخون جدام الناس نا سيين المشاكل اللي يمكن تيي من وراء هالموبايلات , الله يرحم زمان يوم اهلناحتى تلفون البيت ما يخلونا نرد عليه خوف علينا و من القصص اللي يسمعونها و من المشاكل اللي تيي من التليفونات هب اللحين , اذا البنات الصغار من الحين عندهم موبايلات عيل باجر لو كبروا شو بسوون ؟ واذا ضاعت البنت يقولون ليش بناتنا ضاعوا؟ احيده مره ياهل عمره 10 او 11 بغى يرقمني وهو ما ينلام و السبب اللي يشوفه و انا كم مره نبشت في موبايلات عيال خالاتي وحصلت فيهم صور و فيديوهات الله لا يراويكم وهم على فكره منهم في الابتدائي واللي في الاعدادي وعقب قاموا يقفلون الموبايل برقم سري عسب محد يشوف داخل الموبايل لا و اذا بغوا موبايل جديد امهاتهم ركض عطوهم بيزات عسب يشترون موبايلات جديده صدق شي يقهر, و شي من الحريم يشتغلن فعسب يطمنون على عيالهم يعطونهم موبايل و هذا عذر اقبح من ذنب اذا الولد عود ما اعتقد في مانع بس اذا بنات و في البيت عادي يستعملون تلفون البيت هب شرط موبايل يا خواتي تحذرن على عيالكن و اللي عندها اخوان يهال و امها تسمح لاخوانها يشيلون الموبايل تفهم امها و تسحب الموبايل منهم او على الاقل لا تخلونهم يحطون باس وورد عسب تشيكون على موبايلاتهم كل فتره و بالنسبه لبعض الامهات اللي عادي عندهم بناتهم يشترن موبايلات ويستعملنه اقول خافوا الله عيالكم امانه حافظو عليهم
و السموحه ^^
و السموحه ^^
انه اشوف اكبير غلط اليهال عندهم فوونات
شوفييييييييييييييييي اذا انتي علمتهم ع صح من اهم صغارررررر صدقنيي بكبيرون اهم يستخدمونه صح اول شي الثاني ام تشوف بنتهاااا ترمس منو الازم يكون في راقيه مب بس جي خلاص عندهم موبابيل هوو صح غلط في هل زمان جي يصيرررر
الله يخليج اي مرحله الاعداديه
انا اخوي الصغير صف ثالث ابتدائي وعنده فون .. وحتى اختي الصغيره نفس الحاله ..
اونه فضيحه اسير مدرسه ومايكون عندي فون وكل ربعي عندهم ..
وحت الوالده عسب اتشجعه ع الدراسه كل سنه تاخذ له فون يديد كل ماينجح بدرجات عاليه ..
مممممم
وجهة نظري ان هاشي مب سلبي ..
بس الغلط ان انوفر لهم رصيد بلا قياس ..
التلفون شي مهم يعني لو ضاع في مكان كيف بيقدرو نيحصلونة
يعني الاهل مب يعطون وخلاص لام اتكون فيه رقاابه على التلفون يعني مثلن فليل يشلونة عنهم ويطالعونة يعني ما يعطونهم الخيط والمخيط وخلاص والتلفون مب عيب لو كان في الشي الضرووري
آلُلَّـ?ـ المستعان
انا ماأيد يكون عن الصغار تلفووووووووووون الا للضرورة القصوى
يعني نشتري تلفون للاستخدام العائلي ونحطه فالبيت ونعطيه اياه اذا احتاجه اما يكون دايما معه ماأيد ابد هالفكرة
يعني نشتري تلفون للاستخدام العائلي ونحطه فالبيت ونعطيه اياه اذا احتاجه اما يكون دايما معه ماأيد ابد هالفكرة