فديتكم بنات اجازتي قدرت اخذها بتاريخ 5 11 فقلت بسافر ماليزيا وتايلند لمدة عشرين يوم وابا استانس في هالسفرة لانها بتكون اول مرة ..
فما ادري لو ترتبولي جدول سياحي من خبراتكن في السفر
انا من دبي والسفرة بتكون حق 2 فقط
ومع اي مكتب ارتب هالجدول لانكم تعرفون هالمكاتب يكسرون ظهر الواحد ويرتبولهم الجداول على حسب الزين حقهم هم هب حق اللي بيسافر
وشي ثاني ابا اسال عنه الدرجة السياحية في طيران الامارات ولا الاتحاد احسن؟؟ والفندق يكون خمس نجوم مانبا نتبهدل مع الفنادق ..
.. بارك الله فيكم خواتي 
وكتب لكم اجركم وثوابكم 
وانا بانتظاركم ..
:
:
:
البنات ما بيقصرن (ما عندي خلفيه عن تايلاند و ماليزيا سايرتلها من زمان فيمكن م افيدج فيها)
بخصوص الدرجة السياحيه في الاتحاد و الامارات الصراحه يعتمد عالطيارة. لاني جربت الثنتين و كلهن زينيين احس من الطيرانات الثانية.
يا نجمتنا الذهبية
تسلمين
انا قلت بيزات درجة البيزنس بخليهن حق الشوبنج عسب جيه ابا اعرف السياحية سبع ساعات كيف بتكون
مشكورة اختي ما قصرتي
بانتظار باقي السيدات بارك الله فيهن ان شاء الله ..
عين الصواب انج تيودين فلوسج حق لشوبينغ (^_^) ههههههه كلنا جيه.
بخصوص ترتيب رحلتج بتحصلين في القسم موضوع مثبت عن تايلاند و بتحصلين بعد وايد تقارير للبنات عن ماليزيا ان شاء الله يفيدونج (^_^)
ههههههههههههههههه
أول شي ظحكني العنوان (بسافر وماأعرف شو السالفه)
أختي قسمي سفرتج أول شي
وبعدين خلي أول السفره ماليزيا وبعدين تاليلند عشان الشوبنج
وماتميين تشللين أغراضج الزايده وانتي تتحوطين لأنج بتكرهينهن
ههههههههههه
دخلي دليل ماليزيا
أنا رحت ماليزيا هالصيف وسنغافوره
وكل حجوزات ماليزيا كانت عن طريق دليل ماليزيا
ماشاء الله في ناس يحجزولج الفنادق اللي تبينها(على فكره الفنادق موجوده مع الصور مع الأسعار)
وأسعارهم وايد زينه
إحنا حجزنا 14 يوم في 6 مناطق طلع علينا حول ال 6000
يعني أسعار ببلاش مقارنه بمكاتب السفريات اللي عندنا
(تصدقين حجزنا شقه فندقيه في منتجع أفاموسا في ماليزيا الليله ب 200 وشي تقريبا يوم سار زوجي مكتب السفريات وسأل عن الفنادق قالوله الليله ب 800
ليييييييييييييييييييييييش؟؟؟؟؟؟؟؟
وعندهم كذلك المواصلات ايوفرونها لج كيف ماتبين للحواطه هناك
من وإلى المطار
وناس أمناء إحنا حولنا لهم 20% من المبلغ عن طريق الوسترن يونيون والباقي بعد 3 أيام يونا لين الفندق وخذوا عنا الباقي وعطونا وصولات الفنادق
والحمد لله حركتنا كانت سهله ومريحه
أما عن تايلاند إحجزوا من هني لأني ماعندي خبره وايد رحت إلها مره وحده بس
أما عن السفر في الدرجه السياحيه فهو مريح لأن الطياره كبيره لأن المسافه طويله وانتوا 2 يعني كبار ماشاء الله وماراح تتعبون
شو أقول أنا عندي 3 يهال ماشاء الله عليهم
بس الحمد لله رقدوا في السفره
أتمنى إني فدتج وأي أستفسار أنا حاضره