انتي ياحلوة ياللي سافرتي تايلند ..
كل شي تعرفينه عن تايلند .. زين ومب زين .. اكتبيه هني في هالموووضوع ..
.
.
اباه يكون دليل .. لي .. ولغيري .. ضروري .. لحاجة ما ^__^
يلا نشوف تجاربكن في كل شي .. ( الايجابيه والسلبيه )
الفنادق – المطاعم – التكلفه – السكن – الاماكن السياحية – طرق المواصلات …. الخ
.
.
بدش العرب المسافرون .. وباخذ كل شي ..
بس اريد تجاربكن انتن بعد ..
.
.
يلااااا ابشوف تفاعل .. عشان نفيد بعض ..
وايد استاانست>>>> كنا لمه عشان جذي
أول ماوصلنا تمينا في بانكوك كمن يوم وعقب رحنا شنغماي ساعه بالطياره
حلوه شنغماري احلى شي يوم ركبت الفيل والشلالاااات
وعقب ردينا بانكوك وسكنا في شارع العرب زحمممه كله هل الاماراااااات
اللي عيبني في بانكوك مولاتهاااا وفيه حديقه حلووه بس والله ناسيه اسمها هيه برا بانكوك
وهذا اللي في بالي الحييين
اذا تبين اي شي انا حاضره
أول ما وصلنا مطار بانكوك كنا حاجزين طيارة لشنغماي
شنغماي طبيعة ولا أروع
سكنا فندق رويال برينسس هو على طول في شارع السوق الليلي
من باب الفندق يمينج ويسارج السوق
وااااايد فيه أشياء بس الواحد يتنقى لأن الجوده مب ذاك الزود
رحنا الرحلات=
رحلة حديقة الفيلة
حديقة الأفاعي
حديقة القرود
الشلالات
مصنع الذهب والكريستالات
وصرااااحة ما رحت مولاتها بس يقولون حلوة
وعقب ردينا بانكوك
وحلـــــــــــــــــــــــــفت يمين ما عاد أردلنها
شو وسخ وريحة و كتمة لووووووووعة جبد
تصديقين ليلتها صحت صياح
المهم قزرت هاذيج الأيام
وسكنا في فندق يديد نقع توه كان فاتح على أيامنا
أسمه جراند سوكوموفيت
نظيف وحلو
في بانكوك ما تحوطت وااايد غير في كمن مول
مثل توكيو / روبنسون/ أم بي كي / واحد ما أذكر أسمه كان كله ماركات
مولاتهم حلوة والأحلى تنزيلاتهم في الصيف
من حظي أننا بعد ما وصلنا بانكوك كان في قروب من جماعتنا يايين علشان يسون فحوصات
ومن ضمنهم أختي والله أنها ونستني فديتها في حواطة المولات
مااااااااااااتت على المولات لو تروم كان سارت كل سنة بس علشان تتشرى
وسمحيلي هذا إللي عندي
يعني المناطق الثانيه احلى
بوكت
و شنقماي
ولي عوده …
للرفع
سكنا في شقق فندقية جدددددددددداااااااااا فخخخخخخخخخخخمممممممممممممة
كنا 4 اشخاص بس و سكنا فيها و الليلة كانت بـ350 مع انه سرنا شهر 7
اسم الفندق somrset اعتقد جي الاسبلنغ و عندهم فرع هني في البلاد في دبي بس الغرفة على 2300 !!!! شوفي اليووور و شوفي الفرق!!!
احلى مراكزهم MBK و اللي فيه ماركات
بس اذا تبين احلى مول عندهم فعلا فعلا من حيث الماركات او الثياب العادية و الالكترونيات و المطاعم و كل شيييييي فانصحج
بمول سام باراجون
هذا من كبره مستحيل تخلصينه في يوم او يومين لانه جد مول يناسب الجميييييييييييييع من كافة الطبقات و جدا رائع و منظم و حلو
سرنا سفاري و جزيرة بتايا بس ما عيبتني وايد
بس احلى شي فيهاا التوك توك جد روووعة هالعربة هي عبارة عن دراجة بس تحمل شخصين الى ثلاثه بالغصب هههههههههه و حلاته بشيلتج و عباتج راكبتنها
اذا حبيتي اختي تفاصيل اكثر للفندق او صور طرشيلي عالخاص و براويج صور من تصويرنا مش من موقعهم ^_^
موفقة^_^
طولي بعمرررررررررررررج تاايلند عجيـــــــبه (ابى اسير لها مره ثاانيــه )
الوااحد اللي بيسير لها بيحس براااااااااااحه نفسيـــــــــــــــــــــــــــه
والحلووو انه اسعاارهم رخيصــــــــــــه بعد ( لو يقولووون لج السعر رخيص عدنا بس بعد يوم تكاسرين وياهم ينزلون لو شافوج مصره وبتسيرين لأنه بالنسبه لهم ربحانين من ورااج بس انتي ف كل الحالااات رخيص بس مافي مانع نرخص زياده خخخخخ )
بالنسبــه لي اول ماوصلنا لشهر العسل لتااايلند يسلنا ف بانكوك يووم وااااااااااااااحد وعقب سرنا شنقهاي
صرااااااااااااااااااااااااااااااااحه ،، رووووووووووووووووعه شويه عليهااااااااااااااااااااا
طبيــعه ،، وجوو روومانسي ولا حلــــــــــــــــى ،، وصدق تحسين انج ف رااحة تامــه من كل الضغوطات اللي حواليج
ورخيصـــــــــــــــــــه ،، واغراااضهم وااااااايد حلووه هناااك ،،
وفيهااا مطاااااااعم عربية وااااااايد ،، وحلووه بعد خخخ
يلسنا فيها 4 اياام ورووحنا عقب على جزيرة بووكيــت ،،
حلووووووه الجزيره وربشــــــــــــــــــــــه وماعليهااااااااااااااا كلاااااااااام ( بس غاليه مقااارنة انها ف تااايلند بالنسبه للامااكن الثانيــه )
بس اللي يبى صدق يسوي ريلاكس من صدعة السوووق والربشــه يسير لاقوونا بيتش ،، مكان يبعد عن المدينة بحوالي نص ساعه او ساعه الا ربع ،، وشاليهااااااات تخبل ،، تبعدج عن كل شئ ممكن يعكر مزاااااااااجج ومنتجع كبير فيه كل شئ من مطااااااعم وغيره وبحر ،،
يلسنا ف بوكيت 4 اياام ،، وردينا لبانكوك عشان نتم فيها اسبووع او اقل بشوي اظن ونرد ،،
وصرااااااااااحه بانكووووووك حلووه باسوااقها ،، صح وصخــه شوي ( يعني يبالج بناطلين غامجه + عباه قصيره + جووتي ) لأنه كله بيخيص من تحت اسود خخخخخخخخخخخخخخ ،، بس ف الايام العاديه ( اقصد ايام السنة ماعدا الصيف ) سارت لها وحده من الاهل تقوول نظيفه لأنه مافيها زحمه وناااااااااااس ،،
واحنا سكنا ف فندق سكومفيت سوفيتيل ،، فندق واايد حلوو وراقي ،، ويبالج مشئ مال 5 – 7 دقايق لين المطاعم العربية وحي العرب اللي قالوا لج البناات عنـــــــــــــــه ،،
بالمختصـــــــــر المفيد عيـــبتني واايد ،، ولو سنحت لي الفرصه اسير مره ثاااانيه مابتردد ،، لأنج مابتملين من منااظر الطبيعة اللي هناك سواء للاستجمام ،، ومنااظر البظاعه لوكنتي سايره للسوق خخخخخخخخ ،،
وعلى فكرة غنااتي ،، ربيعتيه كل سنه هي واهلهاااا هناااااك وزهاااااااااااابها كله من هناك ( من الحين تشتري بس عرسها بعده عقب سنتين خخخخخخخخخ ) من تسير تايلند ترد لنا بشغلات وسواااااااااالف رووعه وغريبه ،،
وياللله جاان بتسيرين شليني وياج خخخخخخخخخخ