ال Scabies و ما أدراك ما Scabies؟

اشحالكم؟ عساكم بخير = )

.
.
.

بنوتات بس بغيت اخبركم عن تجربتي عسب تستفيدون و ما تتبهدلون شرااتي

.
.
.

من شهر 3 و انا اعاني من حساسية شدييييدة.. اتيني فليل بالاخص او يوم اتسبح او يوم اشل.. و اتم الحكة عندي لين ما اهلك و ارقد..!

ما تخوووز مول مول مول

و اتيني في اماكن معينة.. على الفخوذ و على الايد قبل الكوع بشكل خاص و الصراحة تعبت و انا اسير عند الدكاترة و تظهرلي حبوب صغيروووووونة و تخوز اليوم الثاني و حتى الاحمرار يخوز

كل واحد يقولي فيج شي.. و هم مش عارفين.. تميت اعاني لين الأسبوع اللي طاف

يتني هالحكة و ما رمت ارقد حتى

سرت الدوام مسطله و على طول انطلقت عند احسن دكتور عندنا في العيادة

قلتله دكتور انا كذا كذا مشكلتي و الصراحة تعبت من الادوية و كريمات الحساسية

و الله مافي شي ما جربته.. كل شي جربت و ما خاااز

قالوا فيج حساسية من اكل ولا من دوا و لا فيج ارتيكاريا.. يعني كل ما اسير يقولون فيني علة يديدة و علاج يديد

يوم سرت عند هالدكتور.. شرحتله بالضبط مشكلتي و قالي على طول انتي فيج Scabies او اللي يسمونه الجرب..!

تخيلوا.. هذا ايي من الجلاب.. و انا عمري ما قربت منهم

بس يقولي اكيد تعاديتي من مريض عندج و للعلم.. انا مناعتي مب وايد.. يعني على طول اتعادى من الناس

المهم قالي انتي شو ماخذه قبل.. قلتله انا ماخذه كريم اسمه Eurax HC و فادني بس ترد الحساسية

قالي عيل اكيد جيه فيج لانه هالكريم اصلا فيه مضاد للجرب بس بنسبة قليلة فيردلج

و عسب الحمد الله نحن نظاف و لله الحمد.. تختفي الآثار

يقولي العمال او اللي في الجيش يعني اللي ما يكونون وايد نظاف اتم الحبوب فينعرف المرض

المهم عطاني كريم اسمه Malathion لازم ينحط في الويكند لمدة 24 ساعة بالضبط

جسمج كااامل ما عدا الراس و الرقبه..

حتى لو تتوضين و لا تغسلين ايدج.. تردين تحطينه و اليوم الثاني عقب ما تتسبحين..

خلاااص بترتاحين.. , الحساسية بتروح.. بس الثياب اللي كنتي لابستنها لازم تعقينها او تودينها كوي بالبخار

.
.
.

للي ما يعرفون شو الجرب

هو عبارة عن حشرة صغيرة تعيش في قنوات في الجلد

فتيلس تحط بيضاتها و تمشي في هالقنوات فتبدا الحساسية و الحكة

و يوم تشلين الشعر.. نفس الشي.. انتي تسحبين المنطقة فهي تتحرك و تحط بيض و تمشي

و فليل تزيد الحكة لانها تحب الرطوبة و الدفا فيوم تتلحفين تحصل هالعوامل و تبدا تتحرك بعد