ناوية إن شاء الله أسير البحرين ويا ويا ريلي في الويكند، و بغيت أعرف أماكن محلات العبي أو أساميهم، و خاصة المحلات الي تفصل في يومين أو الي عندهم موديلات رهيبة و الي ممكن يطرشون العبي لين الامارات ..
غير هذا، بغيت أعرف الأماكن الحلوة الي في البحرين ..
و مشكووووورين مقدما
وعن الاماكن الحلوه :- ممكن اتزورون جزر حوار وعين عذاري وقلعة عراد ومتحف البحرين بعد روعه و بيت القرآن ..
وممكن اتسيرون السناتر مثل السيف والعالي والدانه و جيان
●
●
. حياج الله الغالية.. بتنورين والله ^.^
بالنسبة لمحلات العبي.. مثل ما قالولج عندنا في سوق المحرق شارع كله محلات عبايات.. يعني اختاري اللي تبينه ^.^
وعندج بعد شارع بوكوارة في الرفاع.. وشارع جدعلي في مدينة عيسى
هذي الثلاث أماكن اللي محلات العبايات منتشرة فيها..
وفي مجمع السيف في محل اسمه زمردة عباياته رووعة بس اسعاره مرتفعة مب مثل المحلات اللي برة يعني..
بس عن سالفة التوصيل للإمارات ماعندي فكرة ^^"
أما محلات الطلعة.. طبعا الحين صيف وحر واحنا ماعندنا وايد محلات للتمشي وجي بس عندج منتزه عين عذاري توه كم اسبوع فتحوه بعد التجديد "انا للحين مارحت صراحة" بس وايد يمدحوونه.. وعندج جنة ***** المفقودة.. مسوينها على وايلد وادي عندكم..
وامممممم أما المجمعات فهم 4..
السيف والبحرين والعالي والدانة
مجمع السيف حلووو للتسوق والماركات.. خاصة الاجنحة الجديدة..
مجمع البحرين عائلئ ووايد أهدأ من السيف حتى بالويك اند
اما مجمع العالي والدانة انا شخصيا ماحبهم وايد ^^" بس وايد اسمع ييونهم من الخليج للتسوق وجي
= )
وهذا اللي عندي حاليا.. أي خدمة ثانية لا تترددين ^.^ .
●
●
●