بنات بوظبي اللي يصممن عبي لنفسهم بلييييز لا اطنشوووووون!

بنات انا حابه افصل عبي من تصميمي لنفسي لان الصراحه ما القى وايد اشياء تعجبني فالسوق بس اباكم اتدلوني ع محل عبي اعطي التصميم و الاكسسوارات اذا اريد احط اكسسوارات غريبهو يفصل اوكي بس تكون اسعاره معقولة…..بنات بليز لا اطنشونييييي!

هلا الغاليه …في خياط عبي اسمة شيخة في شارع المطار عند الخيايط بس من ورا المعارض
مره رحت له قال لي هاتي اي موديل واسوي لج ..بس ماجربت اني اعطيه موديل ويسويلي .
وان شاء الله يساعدنج البنات ..

تسلمين الغاليه…..واتريا باقي بنات بوظبي…………………….يلا يا بنات محتاجه تعاونكم……………..

السلام عليكم الغالية

فديتج انا من بني ياس وفي في شرق سبعة خياط اسمه السيدة المبتسمة اولا انسان متفاهم واااااااااااااااااااايد اهم شي انج تفهمينه الفكرة صح وااااااااااااااااايد متعاون اي شي تبينه عادي يسويه مو مشكلة عنده واااااااااااااايد تحسينه يحب يتعلم تعرفين صح هو خياط بس ما يلبس اللي يخيطه ويعرف ان الحرمة هي اللي تعرف لسامانها ,, المهم الغالية لو تحبين تتعاملين وياه انا اقولج هو ما شاء الله عليه واااايد فهيم يعني رسمي التصميم اللي تبينه او خليه هو يرسملج وتفاهمي وياه ,, بالنسبة لاسعاره ما ادري انا اشوفها اوكي بس انا اخيط عنده عباية سادة بـ 120 درهم بس صدق خياطته اوكي والقماشة باردة وحلوة يعني من النوعية اللي اغسل والبس لا حر لا قرف لا شي ,,

والسموحة على القصور والله يوفقج وييسر لج الخير ان شاء الله دنيا واخره

@ اختكم في الله @

ام ناصر