نا عن نفسي حريم خوان ريلي والنعم وللحين ماعندي اخو معرس
علاقتي الحمدلله حلوه بحرمه اخوي
جوفي بقولج لو حرمه اخوج تقولج تعالي معنا في حاله كنت اخو الزوج
تقولج من باب المجامله يعني
بس هي تبى تطلع مع ريلها اكيد بروحهم عسب تحس انها مستقله ومعرسه ومكونه اسره
وعادي هالشي
بالنسبه لي صراحه احيانا تطلب مني اطلع معاهم واحيانا ما تطلب
وانا اوافق ع حسب المكان لو كان عندي شغل فيه اروح واذا لا ما اروح استحي اروح معاهم ما احب اكون ثقيله او رزه هههه بعدين احس فشله
^__^
و الحمدلله علاقتنا وايد زينه في البيت و اهم شي نحن ما ندخل ف خصوصيات بعض عسب ما تصير مشاكل
يعني ما اتم اطلع فيها عيوب ولا اعلق عليها ولا ادخل عمري مثلا في شو مشتريه ولا شو لابسه
و لا ليش جيه سوت ولا ليش جيه رمست ما يخصني
انا احترمها وهي تحترمني وايد والحمدلله
هي في بيتنا من اربع سنين
والله يشهد علي ما صارت من بينا لين الحين ولا مشكله ولا حتى رمسه خفيفه
وان شاء الله ما تصير
وربي يوفقج الغاليه
لو كنتي بتعرسين اهم شي ام ريلج تراج مب بس تاخذين الريال امه احيانا تكون اهم منه لانه هي اللي يابته ولها فضل عليه وعليج
احترميها وراعيها وحتى لو قطت عليج رمسه عامليها شرات ما تعاملين امج لان المعروف ان ام الزوج بطبيعتها الفطريه تغار من حرمه ولدها لانها دايما تحط ف بالها انه هاي الانسانه بتاخذ ولدي مني
لكن لو شافتج انتي زينه وتحترمينها و ما تسوين شي يزعلها بتحطج فوق راسها
و امي الحمدلله وايد تحب مرت اخوي حتى لو اخوي زعلها يا ويله
تعصب عليه وما ترضى عليها و البيت كله يقوم عليه
لكن لو كانت مرت اخوي شريه وله من تحت لين تحت وتسوي مشاكل هههه جان بتنتطرد من البيت !
و اذا كان اخوج بيعرس لا تحاتين يا الغاليه احترمي حرمه اخوج ولا ترمسين من ورها لان الرمسه توصل
و عامليها بأدب عسب تفرضين عليها انها تحترمج و حاولي تبنين وياها علاقه ود
وبتلاحظين انه اخوج بعد بيحترمج اكثر عن قبل
والله يوفقج دنيا واخره
الله لايغير علينا
بالعكس هي طيييبه بس مزااجيه وبسسسسرعه تزعل…واخووي طبعا ماانشووفه الصااحب ساااحب
والثانيه يعني الله يستر جاان ماتلحقها