~ خبز بالجبـــن ~ و كأنه من التنور إلى صحنك 2024.

بســــــــــــــم الله الرحمن الرحــــــــــيم

في البداية أحب أشكر صاحبة الطريقة: Miss.Malath
من منتدى آخـــر..
جربت الطريقة و طلعت حلوة ما شاء الله.. فحبيت أنقلها لكم مع بعض الإضافات البسيطة باللون الأحمر..

و من هنا ننطلق~
قبل لا بدأ بالطريقه احب انبه لبعض الأمور اللي لازم ناخذها بعين الإعتبار ..

مثل ما انتو عارفين هذا خبز .. ومن اهم عوامل نجاح الخبز وانتفاخه ( حراره الفرن)
لذلك :

1/ الفرن لازم يكون حاااااار جداً … ويشغل قبل بوقت ..
2/ نشغل العين اللي فوق واللي تحت ..
فـ لاتجيني وحده وتشغل اللي تحت وتقول ما نجح الخبز ..
او تغامر وتسويه ووحده من العيون (اما اللي فوق ولا اللي تحت) عطلانه وتقول ما انتفخ الخبز ..
يعني بالعربي لازم العيون اللي فوق واللي تحت تشغلينها ع الاخر ..
3/ قبل لانفرد الخبز نتركه يتخمر شي 5 -10 دقايق
هذه الملاحظات مهمة جدااا و يجب أخذها بعين الاعتبار خليجية

يالله نبدأ بالطريقه :

العجينه ..

نصف كوب لبن// ربع كوب ماء// ربع كوب زيت << وبكذا يكون عندنا كاس كامل من السوائل
اقل من فنجان سكر ناعم
ملعقه كبيرة (ممسوحه) خميره فوريه
2 كاس طحين

نخفق السوائل مع السكر ثم نضيف المواد الجافه ونعجنها عدددددددل

ونخليها تتخمر بمكان دافئ تتخمر تقريبا 30 دقيقه .. أنا خذت مني ساعة كاملة..

في هالوقت هذا نجهز الحشوه …
طبعاً الحشوه اختياري ولا انتي ملزومه انك تسوين مثل حشوتي …
المجال مفتوح اذا بغيتي
(زعتر وزيت – جبن سائل – جبن شيدر …. الخ )

بس كـ بدايه احسن سوي الشيدر ^^

سويت حشوتين بالشيدر ( شيدر عادي – شيدر حراق )

نبدأ بالحشوة:
نقطع الفلفل صغييير .. ونبشر الجبنه ..

في هالوقت هذا تكون العجينه تخمرت
ومثل ما تشوفون في الصوره كيف تضاعف حجمها و جواتها هواء ..

نرش سطح صينيه كبيره بالطحين
نقسم العجينه لكور (حجم الكور راجع لك انتي … اذا تبين الخبز صغير او كبير) أنا سويته صغير و قسمته إلى 12 كورة

بعد ما انتهينها من تقسيم العجينه
نبدأ ع طوول بالحشوه .. نضغط ع الكوره ثم نحشيها بالجبنه (هنا الجبنه الحراق ) ونحاول نكثر من الحشوه لانه بعد ما نفردها رح تتوزع ويكون الجبن قليل ..