الصابون الأفريقي مصنوع من زبدة الشيا والكاكاو وأوراق موز البلاتين وجوز الهند وأولين النخيل ويستخدم أساسا للبثور وإزالة آثارها والتخفيف من التجاعيد.
طريقة عمل الصابون الأسود الأفريقي السائل … طريقة سهلة وبسيطة
أول شي نقطع الصابون الي قطع صغيرة بهالشكل
ونحطها في علبة … أنا هذي العلبة كان فيها صابون مغربي غسلتها ونشفتها وبعدين حطيت فيها القطع
وبعدين صبيت عليها ماي لين غطيت الصابون كامل … وبتطلع شوية رغوة
حركيه عدل بالملعقة وهذا شكله عقب فترة
في اليوم الثاني بيذوب تماما وتقدرين تحطين فيه بعض الزيوت الأساسية .. أنا حطيت زيت الشاي مع الافندار
الشاي ينفع للبثور ولقشرة الشعر وأنا أستخدمه كمادة حافظة للصابون بعد … واللافندار(الخزامي ) بعد روعة للجسم والشعر ويساعد في علاج البثر وقرص الحشرات والحروق …. وايد أحب ريحته.
وأحين بنخلط زبدة الشيا الخام مع الزيوت … خصوصا مع برودة الجو تحتاجين لكريم أيرطب الجسم ويحميه من الجفاف.
أنا حطيت تقريبا كيلو شيا لأني بخلط عدة روائح مختلفة … قبل ما تخلطين حاولي إتعرفين شو الزيوت الي تناسب بعض
مثلا زيت الورد ينفع تخلطين معاه الباشولي.
وهذي بعض الزيوت وأستخداماتها وأهم شي إنها تكون خالصة ومستخرجة على البارد:
زيت القرنفل : منعش ومطهر للبشرة ويفيد في علاج حبوب الوجه.
زيت القرفة: يستخدم في عمل مساج لتغذية البشرة وتجميلها ويعالج حروق الشمس.
زيت البابونج: مهدئ ويستخدم مع حمام الزيت لتلطيف البشرة ومقاومة تهيج الجلد ويساعد على زوال الحبوب.
زيت الكافور: يستخدم كملين ومطهر للجلد ويفيد في علاج متاعب البشرة الدهنية.
زيت الافندر: معطر وملين ومجمل للبشرة ويستخدم في الحمامات.
زيت حبة البركة: يستخدم كمنظف قوي للبشرة ومضاد للالتهابات ويستخدم في غسل الشعر حيث يقويه وينعمه.
زيت الميرمية : يغذي الشعر وينشط فروة الراس ويستخدم كصبغه طبيعية لتغميق لون الشعر.
زيت خشب الصندل: مهدئ للأعصاب ومطهر للجلد ومقاوم للطفح الجلدي ومفيد للإجهاد والبشرة الجافة.
زيت اليلانج: منعش ويستخدم في حالات الإجهاد والتوتر.
زيت البلقاء: مضاد للجراثيم ويستخدم في حالات البثور والتقرحات.
زيت الورد: مسكن لحالات الاكتئاب.
أول شي نخلط الشيا بالخلاط الكهربائي بعد إضافة الزيوت الحاملة… أنا حطيت زيت بذرة العنب
وزيت الخروع
وزيت اللوز وزهرة ربيع المساء
وأخيرا وقت إضافة الزيوت الأساسية .. شي حطيت فيه زيت الورد الخالص مع الباشولي
والثاني حطيت فيه الحمضيات … تساعد في تفتيح البشرة بس أهم شي ما تطلعين فيه برع في الشمس ويفضل إنج تحطينه وقت النوم.
وأتمنى إن الموضوع ينال إعجابكم.gif "13 (56)")
دايما مواضيعج مميزه
المشاركة الأصلية كتبت بواسطة mischocolat 
دايما مواضيعج مميزه
تسلمين الغالية …. كلج ذووووق
ما شا الله عليج الله يقويج ويبارك لج في هالطرح الطيب
يزاج الله كل خير