الوالد الله يحفظه كان ساير مكان حكومي مابا اقول وين المهم سفط سيارته في الباركنات الخارجيه وحدر المبنى
لما ظهر لقى سيارته مدعومه دعمه م الخاطر ودور على رقم او شي يستدل منه ع الفاعل مالقى شي
المهم سار مركز الشرطه قالوله الفاعل مجهول مانقدر نسويلك شي غير انك تاخذ ورقة الحادث من عندنا عسب التصليح
ابوي تم يرمس معارفه من المسؤولين وكلهم نفس الكلام
سار ابوي التأمين و ودى الورقه ف التأمين بالغصب دخلوا السياره لانه المتسبب مجهول
صلحوا السياره واتحمل ابويه جزء من التصليح وكان دوم يردد حسبي الله ونعم الوكيل والله ينتقم من هالشخص شر انتقام وتمت سيارته سبوعين فالتصليح والسياره وكاله ماصار له من ظهرها غير فتره قريبه
المهم ابويه من تخترب سياره وتتصلح يعافها هذا طبعه ويبيعها وياخذ م الوكاله غيرها
وتم كاره السياره ويظهر في سيارته الثانيه حتى يوم طلعت من التصليح وقفها في البيت
ومرن الشهور واتفاجأ ابوي بأتصال ع تيلفونه امس
ابويه استغرب ورد وطلع الريال اللي داعمنه هو اللي متصلبه قاله ابويه يمكن انت غلطان فالرقم
قال الريال لا انا قاصدنك انت اذا كنت صاحب السياره يلي رقمها كذا نوعها كذا موديل كذا لونها كذا ويبت رقمك بطريقتي
ابويه قاله اكيد يبته من المرور قاله المهم يبته
وقال لابويه اباك تسامحني ع اللي سويته اكيد انت تميت تدعي علي وعيالي ثنين طاحوا مرضى
ابوي قاله اسمع اعيالك مالهم خص وانا مادعيت اللهم قلت الله ينتقم منه شر انتقام لاني تلعوزت بين التأمين ومراكز الشرطه
المهم الريال قاله انا شردت عن المخالفه يوم دعمتك مع انها 500 درهم ومع انه سيارتك بتتصلح بالتأمين ماليه بس الشيطان ضحك عليه والحينه عندي مشكله ثانيه ولازم ادفع 50 الف الخ
قاله ابوي انا عسكري متقاعد ولو كان واحد غيري جان سار يفتح بلاغ عليك عن الضرر اللي صاب سيارته خاصه انك بتتعاقب لانك شردت من موقع الحادث و انا بسامحك لسبب واحد بس لان رمضان جريب
المهم الريال تلاقى مع ابويه واستسمح منه واثبت له انه صدق تلوز بعد هالحادثه وابوي شاف الورقه اللي عنده واللي يمطالب فيها ب50الف ف تم ينصحه انه مثل هالحركات غش وظلم وهالحركات بتطوف ع الشرطه و ع التأمين وعليه انا كأنسان بس ماتروم تشرد من ربك
لو كان دفع ال500 درهم واعترف من البدايه ماكان ابويه بيلجا لله بالدعاء عليه
وهذي عبره لكل اللي يتصرفون مع الناس بهالطريقه
سبحان الله
هاي عبره ليدعم خلق الله ويشــــــرد حسبي الله ونعم الوكيل
المفروض الانسان يحاول قد ما يقدر ما يحط نفسه فمثل هالمواقف
عشان محد يدعي عليه الله يسهل اموره ويشفي عياله
والحمدلله ( دعاء المظلوم مستجاب )
=)
جزاه الله خير ابوج مبين انه انسان صالح بسببين الأول لأن الله استجاب دعائه ونصره
وثاني شي لأن قلبه كبير وسامحه
الله يطول بعمره
حق المظلوم بيرجع ولو بعد حين ..
والحمدلله ان أبوك فوض أمره لرب العالمين من أول..