الصراحه أنا وحده موووووووووليه ما اعرف احط ميكب حتى الأساس والجحال ما اعرف احطه عدل .. جني يهااالووو
بغيت اتعلم لان في وايد اشياء اسمعها وما اعرف حق شو يستخدمونه..
مثلا شو احط قبل الكريم أساس .. وشو أحط عقب وكيف احط الجحال؟؟
أنا أبا اتعلم طريقة الميكب للمناسبات البسيطه والطلعات وحق الدوام..
عيبتني الصور اللي حطتها لاليك مره ..بسيط وحلو .. الجحال بو مطه..
وخبرني شو الماركات الحلوه؟!وشو الموضه الحينه
وياليت اللي عندها صور اتحطها عشان اقلد الطريقه..
الصراحه انا الكل يقول لي ليش ماا تتعدلين ليش ما تكشخين؟!
لألاكشخ واتعدل وبعد يقولون لي وين كشختج؟؟ امحق كشخه خخخخخخ
واتريا ردج يا لاليك..
حبيبتي انا بقولج عن تجاربي ..
تراني كنت شراتج ما اعرف احط ميك اب وكنت كله عبالي ان مابيي يوم وبكون بيرفكت فالميك اب ..بس صدقيني مافي حد بيعرف ع عييونج شراتج ..لوو كانت خبيرت تجميل..!!
اهم شي اريد اعرف شو لون بشرتج..!!
انا لون بشرتي حنطاويه مايل عالبرونز ..!!
واهم شي اذا انتي سمره لا تحاولين تفتحين نفسج لا بالعكس ابرزي سمارج بتطلعين احلى من انج تفتحين نفسج ..!!
اهم شي العنايه بالبشره هذا اهم شي والله انا ما كنت اهتم بس يتني فتره بشرتي ولا صلامة منجا ناشفه لووووووووول ..!!
خلنا من الهذربااان لووووول نبدا فالجد..
اهم الادوات دام انتي مبتدأه..
1-البيسك ..تعتمد عالماركه اللي تناسب بشرتج ..عندج ماك او ايف سان لوران..
2- الفاونديشن ..عندج للنهار من ماكس فاكتور او جيرلان..للمساء عندج ماك ميك اب فوريفر..
3-الكونسيلر ..احسن الكونسيلرات اللي نزلت في مجلات المكياج ..التوب ون مال ايف سان لوران الذهبي ..يعطيج انعكاس للضوء بس ما ينفع روحه لازم تخطلين معاه نوع ثاني..عندج من لانكوم او ديور..
4- الكونباكت او البودره.. انا استعمل من جيرلان..بس يمدحون ماك..وعندج كلينيك للبشره الحساسه او الدهنيه..!! وتنفع للنهار اكثر..
5 – البلاشر ..في منه أنواع الكريمي و الباودر..!! ويعتمد عليج شو اللون والماركه اللي تبينها..انا ستعمل من كل ماركه..(من كل بستان زهره) لووووووول
6-الجحال..عاد هذا اهم شي النوعيه الزينه..انا جبت ماك اسود فاحم بس يسيح بسرعه..وجربت كلارنس بعد حلو بس يسيح..احلى نوعين ديور بس مب الواتر بروف..وحجال من بينفيت هذا للحين استعمله وااايد حلوو..
وخذت من المنتدى جحال سمايلنج وايد حلوو بعد بس ضيعته للاسف لووول..
7- الشادوز ..عندي واايد ألوان من ماك بس ما استعمله اخذ من شانيل و ديور و كلينيك وHR و لانكوم و بودي شوب و من بنفيت..و بيكسي..
8- الآيلاينر.. من لانكووم ذا بيست ون..واايد حلوو و نيناريشي واايد رووعه..
9- الماسكارا ..HR حلوو بس مب ع كل حد و لانكوووم لليوم وهو يتصدر التوب 10 فالمجلات الميك اب..و ديور روووعه و ايف سان لوران بعد روووعه ..
10- القلوسات و الارواج.. يعتمد عليج والماركه اللي تبينها..!! ماك و بينفت و ديوور التوب عني رووعه ووعه..!!
لووووووووول مطول المحاظره..^.^..
واي سؤال من عنووووني..!!
ماروم افيدج لاني مب راعية مكياج ^^
المشاركة الأصلية كتبت بواسطة الحب الاول 
عادي فديتج يمكن لان يدينج ما خذت عالجحال..
تقدرين تستعملين فشان الشدو الصغيره و ارسمي ع عينج بالشادو الخفيف عشان تضبطين الجحال يوم تحسين ان ضبطتيها استعملي الجال او الاي لاينر..
انا كنت حادره بنك ربيعتيه الفارسـ&^^
بشرتي نفس لون بشرتج بالضبط..حنطيه على برونز اشويه..
وبشرتي مختلطه ..
وعن الجحال ابصراحه وااايد يسيح ويستوي شكلي مبهدل.. لدرجه اني ما احط جحال الحينه أحط آي لينير لوووول
حد شراتي!!^^
والصبح ما أحط كريم أساس .. أحط مرطب وبودره.. لان أحب يكون لوكي طبيعي.. بس أحس بشرتي تتقشر!!
شو رايج؟
صح شو البيسك؟! ليكون هذا اللي يخفي العيوب؟!
الصراحه وااايد أستفدت منج
..
انشاء الله بسوي شوبينق وباخذ من اللي ذكرتيه..
أسعدني تواجدج ودووم اتابع مواضيعج الحلوه
تراج صدق شي شي^.^
منهم فارسة دبي و الظبيانية و غيرهن.