بتابع موضوع الكنافه اول شي كانت الكنافه بالقشطه
واليوم سويت الكنافه بالجبن العكاوي ( اخيرا )
بسم الله الرحمن الرحيم
اولا جبن العكاوي معروف انه مالح الافضل نخليه في الماي اربع ساعات وكل ساعه
نغير الماي طبعا نخليه في الثلاجه // انا غيرت الماي خلال يوم يعني حطيته من امس
وبدلت الماي على راحتي واليوم استخدمته ولازم انشفه زين خلوه في مشخله عقب
نشفوه بالكينكس الخاص بالمطابخ
وهاي صورته
لين ما ينشف الجبن نحضر الكنافه اول شي نقطعها بالمقص صغار
عقب نخلط الكنافه بالزبده عقب ما نسخن الزبده انا استخدمت حوالي 270 جرام
من الزبده ( حطيت في الصوره علبة الكنافه )
ونرص نص الكنافه في البايروكس ( اضغطو عليها زين ) وفي الفرن
وعقب الفرن
عقب من نظهر الكنافه نفتت الجبن العكاوي ونحطه عليها في النص
ابعدو عن الاطراف
ونحط الطبقه الثانيه من الكنافه ونرص زين
ونرجعها للفرن ونرفع البايركوس فوق عشان تستوي الطبقه اللي فوق
ومن تستوي الطبقه اللي فوق ننزل البايروكس تحت ونخفض الحراره شوي ونغطي القالب
عشان بس تسيح الجبنه ( على فكره كل هالخطوات ما تاخذ وقت طويل )
ونطلع الكنافه وننثر عليها الفستق ونصب القطر ( 2 ونص كوب سكر و1 ونص كوب ماء
اضافة شوية ماء ورد وماء زهر ( وشوية ليمون حسب الرغبه ) ونخليه يفور لين يغلظ شوي
يم يم
وشكرا جزيلا لكل من تزور او ترد على موضوعي
ني مغرومه بطبااااخش (صرت عامريه ههه)
ماشاءالله عليج ,,ان شاءالله بطبقهاااا
تسلم ايدج
طبااااااااااااااااااااخة درجة اولى
شكلي في رمضان بيي افطر عندج
يسلمو حبوبة على الطبخة
المشاركة الأصلية كتبت بواسطة الحب الاول 
ني مغرومه بطبااااخش (صرت عامريه ههه)
ماشاءالله عليج ,,ان شاءالله بطبقهاااا
تسلم ايدج
منوووره موضوعي وحياج الله
المشاركة الأصلية كتبت بواسطة عيون قصيد طبااااااااااااااااااااخة درجة اولى
شكلي في رمضان بيي افطر عندج
يسلمو حبوبة على الطبخة
البيت بيتج
منووووووره يا عسل
ماشاء الله عليج بس عندي طلب ممكن ؟؟
طريقة عمل لقيمات