اولا كيفكم ياسيدات الامارات…..اذا قال لك زوجك انه بيتزوج عليك… وحتى كان يمزح ……
كيف راح تتصرفي…. ايش راح تقولي … وتتصرفي بحكمه
واذا استشهد بالايات القرانيه وقالك انه هالشي موحرام وش تردي …بطريقه تخليه ينسى الفكره………………..
,,,,, نبغى الكل يشارك علشان تستفيد,,,
اللأسباب لزواجه الثاني وبعدها أقرر مصيري معاه
الشرع أحلل لكن أحس الموضوع بيسبب التوتر أبعد عنه
خخخخخخ
اختي انا صار لي هالموقف فعلا .. قبل كم شهر اتاخرت علي الدوره قلت لريلي اخاف اكون حامل لان بنتي عمرها سنه و ثلاث شهور و يايبتها بعمليه طلبت منه يشتري لي جهاز الفحص
قالي احملي الحينه ليش ما تبين تحملين قلت له تو الناس بنتي صغيره وانا حملي متعب رد علي بالصاعقه وقال شفتي فايدة التعدد
انا طالعته وقلت بسكت لكني شوي حسيت النار تاكل فيني وضغطي قام يرتفع و الدنيا صات حااااره خاصه اني متزوجه من سنتين وقايمه فيه بكل شي
قلت اوكي ما يهمني سير الدرب جدامك بس انا مالي قعده عندك ولا تحلم اتشوفني وباخذ بنتي وبسير بيت اهلي ومتى ما بغيت بنتك تعال
تغير ويهه وقال بنتي باخذها عندي وهو محرج.. قلت له حتى صرف ما ابيك تصرف علي وشغلي للحينه يبوني و على فكره في رياييل للحينه يتمنوني زوجه و اني اعيش مع ريال لي وحدي احسن من ريال مقسم نفسه بين بيتين
شفته تغير و زعل.. شوي ياني يبي يضحكني قلت قوم عني انت ما ترحمني..قال هاتي الللي عندج بعد قلت الحينه انا يوم طلبت منك انك ترحمني شوي من تعب الحمل والولاده بس بغيتك تاجل شوي الحمل مو تلغيه قمت اتفكر بالثانيه
عيل ربعك لهم اسنين ما ايبوون اعيال ولا سوو مثلك.. و بعدين تعال بخبرك افرض يعني مثلا لو اني وانا على ذمتك بس في قلبي شخص ثاني وهالشي مو بيدي بتنقهر ولا لاء قام يقول لي ما يجوز وحرام قلت خله عنك بتنقهر قال هيه قلت عيل انا بعد لي قلب
و انا والله اغلي من القهر
و احيد اول ما اتزوجنا كان يمزح ويقول لي انا ابيج انتي تخطبين لي مثل ام فلان ( قاري قصه عن وحده خطبت لزوجها) ضحكت عليه وقلت له ترا هذي تبي فراق زوجها و ما اتحبه ولا اللي اتحب ما تتمنا تفارق حبيبها وتتقاسمه مع ثانيين
بس صدق شي يقهر حتى وانا اتذكر السالفه احس اني متغصصه