الحمدلله انتهت السنة الدراسية على خير و كانت فيها تجربتي في مجلس امهات المدرسة لعيالي بس تقريبا أنا ما أعرف هذي الامور و بغيت استفسر عن بعض الاشياء عشان السنة الياية ان شاء الله
لاني ما كنت راضية كل الرضى عن الحال في المدرسة و انا و حدة ما اقدر اغير عيالي في مدرسة ثانية لكن متأكدة أني أقدر أغير من مدرستهم للمستوى اللي اريده أو حتى يكون قريب منه
اتمنى من اللي خاضوا هذي التجربة يشاركونا بأرآهم
هل التجربة كانت ناجحة أو فاشلة (قدرت تغيري شي أو مشاركتكم كمجلس شو غير في المدرسة )؟
الاعضاء كم كان عددهم تقريبا ؟
شو دور المدرسة في الفعاليات اللي شاركتوا فيها ؟(من ناحية المساعدة المادية أو التنظيمية أو حتى المعنوية )
النشاطات اللي تسوها كيف تغطو ا الجزء المادي منها ( عن طريق الاعضاء أو المدرسة أو راعي يدعمكم أو كانت عندكم مشاريع ومن ارباحها تستنفعن )؟
(الهدايا اللي كنتوا تقدموها للطلاب و في المناسبات شاركونا بأسماء محلاتها أو أفكار منها عشان الكل يستفيد )
(بالنسبه لمشاركتنا كان عدد الاعضاء 4 بس و دور المدرسة كان ضعيف تقريبا من كل النواحي و المادة كانت مقسمة علينا نحن الاربع مما كان يسبب حرج للبعض و قت ما كنا نطلب و الهدايا كانت عادية و رخيصة مثل الالعاب من اسواق الامارات وبالنسبة للمشاركات الكبيرة كانت دروع و شهادات تقدير)
أريد أعرف أكثر عشان ما احس أني مقصرة في شيء
و السموحة على الاطالة