ساعات اقرب الناس لك مايستحقون هالاشياء
ساعات مهما كان قلبك حنون لما تلقى الجفا حولك
وبكل مكان يمل هالقلب ومع الايام يصير قـاسي !!
ساعات تضحي بكل شي وتتنازل عن اي شي بس
يجي وقت ماتلقى احد يقدر لك تضحياتك
ساعتها بس لما تشوف نفسك ماتملك شي غير [ الكرامه ]
لانها الشي الوحيد الي تقدر تتمسك فيه بعد ماخسرت كل شي ..اوقات نقول لما ننجرح الحبيب ينسينا هـالجرح الاخو الاخت الصديق الاهل
بس لما يجي وقت تلقاهم كلهم ضدك مافي احد جالس يسندك ويساعدك
مافي احد مقدر لك الشي الي انت جالس تسويه ياترى ايش راح تسوي !
ايش ممكن تعمل ؟ كيف راح تتصرف ..راح تسير الكرامه هي الشي الوحيد ماراح تقبل تتنازل اكثر من كذا وراحت
تبعد عنهم اذا مو بإيدك .. غصبا عنك ويمكن يكون قلبك مجروح وحاب
انك ترجع تكلمهم
بس عزة نفسك تمنعك
ساعات تكون من قلبك لسه تحب هالشخص لسه له معزه ومكانه
ماتمحيها الجروح والاغلاط لما تسمع اخباره يصير ودك تمسك جوالك
ودق عليه تسأل تكلمه .. لما تشوف يصير ودك تحضنه تسأله بشوق
وش مسوي وشلون دنياك ؟ لما تشوفه يضحك قلبك من جوا محروق
ودك تضحك معاه وتسولف له لما يصير محتاج ودك تساعده
بس عزة نفسك اقوى واكبر من انك ترمي كل شي سواه ورى ظهرك
وتروح لعنده وتكلمه ومع ان القلب يكون مجروح من هالشخص لكن يضل القلب يسأل عنه ويحن له
لـمـا الحبيب مايقدرك ..لما تضحي وتتنازل وتحب حبيبك ساعات اكثر من روحك لما
توفي له وتخلص له وبسبب غلطه تافهه او زلة لسان او لما يكون
هو اصلا ناوي الفرقا ينهدم كل شي بينكم .. تصير تشوفه كأنه غريب
تجي عينك فعينه وماتقدر تكلمه انت متلهف تكلمه متلهف تحضنه
متلهف تسأله عن اخباره ويمكن هو نفسك واكثر
لكن ي حاجز اقوى واكبر من انك تتعداه وتروح للشخص الي تحبه
ساعات لما يجرحك حبيبك يبقى القلب مع كل دقه يحبه لكن يصيري خدش
صعب كثير انه يترمم لو تمر سنين يضل هالخدش بنفس الالم ونفس القسوه
والجرح لما يجي من شخص عزيز يعلم ويبقى اثره موجود ..اصعب شي لما تجي عينك فعين الي تحبه
وتضطر انك ماتبين له الشوق او الجرح الي
صار فيك من بعده
لكن تضل في ناس تقول للحبيب الي يهجرها او يزل ويغلط معاها [ خطاك ضيع غلاك ]
ياترى انتو من هالناس ؟؟
لما الاخ مايقدرك ..
برأي اصعب بكثير من جرح اي احد
لانه اخوك جمعكم بيت واحد وذكريات وحده
اذيه وحده وشيطنه وحده بكيتو مع بعض وزعلتو مع بعض
تهاوشتو ورضيتو لكن جا يوم اخوك فيه صار عدوك
لما تخاف عليه تصيرون طالعين وهو نايم وتقول لا حرام ينام واحنا
نستانس وتصحيه وبعد مايصحى يجازيك انه هو يضحك ويستانس
وتارك انت لحالك ولا يفكر يسأل عليك
لما تعطيه تحاول ماتضايقه ولما تشوف زعلان تواسيه
وفجأه بسبب زله خفيفه يقعد بالشهور مايكلمك لا واذا لقا له
صديق او احد معاه يتشكى منك ويقولك انك مضايقه !
اصعب شي لما يصيرون الاخوان ضد بعض او مابينهم حب وجو
عائلي شي يحزن لان الاخوه احلى شي بالدنيا
بس ماينفع انك تضحي لهم وتحبهم وهم يجازونك بأنهم يفضلون
الغير عليك وانك انت اخر همهم
وتصير تطالع فأخوك كانك ماتعرفه وكأنكم اغراب
لما تجلسون مع بعض ويصير الصمت هو الشي الوحيد الي بينكم
لما الصديق مايقدرك ..
صديقك الي تحكي له كل اسرارك وتسمع اسراره
تسمع همومه تساعده لما يعرف هالصديق انك بهاللحظه
بالذات مو متحمل اي جرح او اي الم زياده ويترك ويروح ويخليك
مجروح ولحالك لما يعرف انك جالس تبكي وتتألم ولا يسأل فيك
:
:
صعب كثير انك تضحي عشان الناس وبزله وحده منك ينسونك
ويعاملونك على زلتك ذي وينسون كل شي سويته
وتكون اصعب واقسى لما تجي من ناس غالين
صعب كثير انك تمسح دموع الي حولك
ويكونون هذول الي مسحت دموعهم سبب بأنك تبكي
وتتألم
صعب كثير ان تخلص وتوفي لناس بسرعه يطلع وجهها القبيح
وتصير تقولك اقسى لفظ وهي تضحك وابتسامتها بتشق وجههاصعب كثير انك تكون مـلاك .. والناس تكون وحوش
الاسئله :
1 – انت من النوع الي طيبته زايده عن الحد المفروض ؟
2 – طيبتك سببت لك مشاكل ؟ وايش هو الموقف الي حسيت فيه فعلا
ان العالم ماتستحق هالطيبه ؟
3 – لو اخوك / صديقك / حبيبك تركك لحالك وكان يتفرج عليك وانت وحيد
وماعندك احد تشيكله وتحكي معاه ولا التفت لك وجا يوم شفت فيه هالشخص
محتاج مساعده كثير .. هل راح ترمي كرامتك وتروح عنده وتساعده ؟ ولا عزة
نفسك بتكون اقوى من انك تنسى موقفه معاك ؟
4 – لو حصلت مشكله سخيفه جدا بينك وبين شخص تحبه ويهم [ مو شرط حبيب
حتى لو اخ او صديق ] وخلتكم هالمشكله تضلون بالشهور او حتى بالسنين ماتكلمون
بعض هل ممكن تراجع نفسك وتروح وتعتذر له انت حتى لو كان هو الغلطان ؟
5 – انت ماشي على هالجمله [ قد ما اخذ قد ما اعطي ] او تعطي بدون ماتسأل
حتى لو انجرحت او ماحد قدر عطاءك ؟
6 – متى تضطر انك ماتكلم الناس الي تحبهم وتتجاهلهم مع انك تبي تصافحهم
وتكلمهم ؟
7 – انت تأيد المثل الي يقول [ من باعنا برخيص بتراب بعناه ] جتى لو كان شخص غالي
بس باعك هل راح تقدر انك تنساه او تبيعه ؟
:
:
بإنتظار ردودكم وتعليقكم
ولو عندكم اضافه المجال مفتوح[/B][/SIZE]
لكم شكري
هيه طيبتي ماله حدود للاسف
2 – طيبتك سببت لك مشاكل ؟ وايش هو الموقف الي حسيت فيه فعلا
ان العالم ماتستحق هالطيبه ؟
هيه وااايد سببت لي مشاكل هالطيبه.. كل ما اساعد شخص اعزه واوقف ويااه ف مشكلته ينسى هالمعروف..
3 – لو اخوك / صديقك / حبيبك تركك لحالك وكان يتفرج عليك وانت وحيد
وماعندك احد تشيكله وتحكي معاه ولا التفت لك وجا يوم شفت فيه هالشخص
محتاج مساعده كثير .. هل راح ترمي كرامتك وتروح عنده وتساعده ؟ ولا عزة
نفسك بتكون اقوى من انك تنسى موقفه معاك ؟لا لان اللي ينكسر ما راح يتصلح
4 – لو حصلت مشكله سخيفه جدا بينك وبين شخص تحبه ويهم [ مو شرط حبيب
حتى لو اخ او صديق ] وخلتكم هالمشكله تضلون بالشهور او حتى بالسنين ماتكلمون
بعض هل ممكن تراجع نفسك وتروح وتعتذر له انت حتى لو كان هو الغلطان ؟
اكييييييييييييييد بعتذر لاني اخاف اموت وحد زعلان مني حتى لو مب غلطانه
5 – انت ماشي على هالجمله [ قد ما اخذ قد ما اعطي ] او تعطي بدون ماتسأل
حتى لو انجرحت او ماحد قدر عطاءك ؟
اعطي من دون ما اخذ
6 – متى تضطر انك ماتكلم الناس الي تحبهم وتتجاهلهم مع انك تبي تصافحهم
وتكلمهم ؟
اذا حسيت انهم هم ما يبون وجودي ف حياتهم
7 – انت تأيد المثل الي يقول [ من باعنا برخيص بتراب بعناه ] جتى لو كان شخص غالي
بس باعك هل راح تقدر انك تنساه او تبيعه ؟
ما ابيعه بس بنساه لان الواحد اهم شي عنده كرامته..
مشكوره الغلا ع الموضوع الحلووووو والله يعطيج العافيه ..
مب كل الناااااااااااااس تستحق اتكون طيب معاهم