شحالكن خواتي ؟
اليوم كان ثاني يوم لي في شتاء ميونخ و طلعنا صوب المارين شوي و اتغدينا ^.^
الجو كان بااااارررد في النهار مووت اكثر عن البارحة
و اول ما طلعنا الصبح كان يطيح السنوو رووعة وناسة لول 
بس الصراحة الشتا في اوروبا بشكل عام ملللل و كآبه لأن النهار قصير و الليل طويل و ماشي عرب وايد و ماشي اماكن نسيرها في البرد !
و قلت باخذكم جوله بالصور في المارين عشان تشوفون الفرق بين صيف ميونخ و شتاها القارص هههه
هنيه اول ما طلعنا من الفندق
هاي الأكشاك والمطاعم مسوينها في ساحة النوافير (كارل بلاتس) بمناسبة الكريسمس
النافوره متجمده من البررد هههه
الناس كلهم مشتين و مستورين 
سبحاان الله فرق شاسع بين الصيف والشتا !
هنيه دخلنا نتغدا انا وخواتي في روما كافيه و صورتلكن الزينه مال الكرسمس
طلبنا باستا وذ وايت صوص ومشروم (بينيه) و بيتزا مارغريتا و فرنش فرايز يم يمي لذيييذ
بس ما صورت الأكل لأن اليوع كافر
هاي الأكشاك بعد مسوينها على امتداد المارين لين ساحة الكنيسه عشان احتفالات الكرسمس مالهم
هذي الحديقة الصغيره اللي ورى الكنيسه مستويه بيضا من الثلوج ^^
انا ماسكه الثلج و اختي يالسه تلعب .. يهال وحليلنا ههههه
حلااته هوت جوكليت من ماك كافيه يدفي في هالبرررد 
و اخييراً صوره من الدرب و نحن رادين الشقة
:
:
في النهاية اتمنى الموضوع البسيط ينال على اعجابكم
و دعواتكم حق ابويه ان شاء الله يقوم بالسلامة و يرجع البلاد سالم معافى 
دمتمـ بود
تعجبني هادية وماشي زحمة …
أتردون بسلامة انشالله
ولا تحرمينا من يومياتج الجميلة….
تعرفين اني وااااااااااايد احب ميونخ
حبيتا من اول سفرة االلي ويا ريلي وان شاللة كل سنة
تردون بالسلامة الله يعطيه الصحة والعافية
مشكورة على الصور النايس