السلام عليكم ورحمة الله وبركاته..
عزيزاتي انا عندي الحمد لله والشكر عيال بنات واولاد بس موقفه من فتره بمنع طبيعي .. وعندي زياده رهيبه في الوزن وطبعا سوالي تاخر في الحمل فرحت لدكتورتي وقالت لي خلاص بنبدا اول شيء نرتب الدورة ونزلتها وبدات تعطيني ابر جونال اف 75 في 3يوم وخامس يوم وسابع يوم واليوم سويت أشعة االصبغه انا طبعا ماعرف شو هي بس دخلت المنتديات بس اقرا عنها .. طلعت شيء مب سهل مرعب من كلام الي جربوه .. وتميت خايفه ومتردده اسير ولا المهم ريلي شجعني ورحت وكانت لازم اسويها في عيادة إمج في الشارجه عند دكتوره اسمها ميرفت مدحت علام .. وطبعا كانت موصتني اخذ تحميله بس ما خذتها يوم سرت قالت لي لازم تاخذينها علشان التقلصات ما تستوي وعطتني ابره وطبعا خلتني 45 دقيقة وعقب بدأت اول شيء اشعه عاديه للبطن .. ودخلت الدكتوره وأنا قلبي يدق من الزيغه .. يوم دخلت صدق هدتني وشرحت لي شو بتسوي وكم مدتها 5دقايق ..فتحت الرحم بالملقط وثبتته واشتغلت والله شغلها كلها ماخذ غير 3 دقايق ترش سائل في الرحم وبس والحمد لله الحمد لله كانت وايد سهله .. وايدها تبارك الله خفيفه .. انا مب داخله اكتب عنها علشان الدعايه ..بس ابا البنات المقبلات عليها يرتاحن نفسيا ولا يسمعون الجانب السلبي .. بس عقبها تم فيه الم شرات الم الدورة مستمر وقالت لي الدكتوره قبل لا تسويه انه هذا الطبيعي .. سامحوني بنات طولت عليكم بس دعواتكم لي اني ما احتاج الابر زياده والله يسر لي الحمل السليم المعافى الخلق والخلقه .. دون زياده ولا نقصان .. في اليوم السابع قالت لي الدكتوره انه فيه 4 بويضات ببس الحجم صغير دعواتكم خواتي
عزيزاتي انا عندي الحمد لله والشكر عيال بنات واولاد بس موقفه من فتره بمنع طبيعي .. وعندي زياده رهيبه في الوزن وطبعا سوالي تاخر في الحمل فرحت لدكتورتي وقالت لي خلاص بنبدا اول شيء نرتب الدورة ونزلتها وبدات تعطيني ابر جونال اف 75 في 3يوم وخامس يوم وسابع يوم واليوم سويت أشعة االصبغه انا طبعا ماعرف شو هي بس دخلت المنتديات بس اقرا عنها .. طلعت شيء مب سهل مرعب من كلام الي جربوه .. وتميت خايفه ومتردده اسير ولا المهم ريلي شجعني ورحت وكانت لازم اسويها في عيادة إمج في الشارجه عند دكتوره اسمها ميرفت مدحت علام .. وطبعا كانت موصتني اخذ تحميله بس ما خذتها يوم سرت قالت لي لازم تاخذينها علشان التقلصات ما تستوي وعطتني ابره وطبعا خلتني 45 دقيقة وعقب بدأت اول شيء اشعه عاديه للبطن .. ودخلت الدكتوره وأنا قلبي يدق من الزيغه .. يوم دخلت صدق هدتني وشرحت لي شو بتسوي وكم مدتها 5دقايق ..فتحت الرحم بالملقط وثبتته واشتغلت والله شغلها كلها ماخذ غير 3 دقايق ترش سائل في الرحم وبس والحمد لله الحمد لله كانت وايد سهله .. وايدها تبارك الله خفيفه .. انا مب داخله اكتب عنها علشان الدعايه ..بس ابا البنات المقبلات عليها يرتاحن نفسيا ولا يسمعون الجانب السلبي .. بس عقبها تم فيه الم شرات الم الدورة مستمر وقالت لي الدكتوره قبل لا تسويه انه هذا الطبيعي .. سامحوني بنات طولت عليكم بس دعواتكم لي اني ما احتاج الابر زياده والله يسر لي الحمل السليم المعافى الخلق والخلقه .. دون زياده ولا نقصان .. في اليوم السابع قالت لي الدكتوره انه فيه 4 بويضات ببس الحجم صغير دعواتكم خواتي
يزاجج الله خير ادا ماصار معي حمل هالشهرقالت الدكتوره بتسؤيها لي الله يرزقنا يميع الذريه الصالحه ?ن شـْاءِ اللـٌه
ان شاء الله تحملين .. والله يسهل عليج ويرزقج يارب .. انا من زمان ما دخلت المنتدى بسبب ظروف بس والله وايد احبه واحب البنات ..وماهان علي اسوي الاشعه بسهوله وما طمنكم ..
ان شاء الله تحملين .. والله يسهل عليج ويرزقج يارب .. انا من زمان ما دخلت المنتدى بسبب ظروف بس والله وايد احبه واحب البنات ..وماهان علي اسوي الاشعه بسهوله وما طمنكم ..
انا مسويتها بمستشفى الامارات كوزمسيرج
عند الدكتورة ميرنا
بدون اي تحميله ولا مسكنات
عند الدكتورة ميرنا
بدون اي تحميله ولا مسكنات
وكان مؤلم وكنت مرره شادة على جسمي
الله يرزقج اختي ويرزقنا اجمعين
الله يقويج يارب ويسهل عليج وعليه وهلى كل المسلمات يارب ..
رحت للدكتوره وقالت لي لازم اليوم اخذ ابرتين لانه البويضه صغيره .. انا من الربكه ما سالتها في نفس الوقت الابر ولا متفرقات .. قالت لمدة 3 ايام تاخذين ابرتين في اليوم واذا اضطرينا بنزيدها لثلاث ابر .. الله لا يحوجني يارب لثلاث .. بنات الخبره في ابر خبروني فديتكم بتجاربكم لاني ما عرف هذا صح ولا غلط .. انا استخدم ابر جونال اف 75.