مساء الخير حبيباتي
حبايبي أنا متزوجه من 9 شهور وأنا وريلي ساكنين فبيت أهله نزين ……. ريلي يداوم من الصبح لين العصر …… ويوم أي من الدوم تخيلو يرقد لين العشاء يحب الرقاد بس صدقوني أنا مقدره ظروف الدوام والشغل وتعب بس ا طوفه صلاة المغرب…..بس تخيلو يعني طول اليوم اكون بروحي وما عندي حميات بس وحده في الثانويه وحمياني فأبوظبي متزوجين فأيلس كله فصالتي…. وكله أكون ملانه بس أتسلى ع النت بس بعد أبي أحس إني متزوجه……. بعد ها كله بقولكم والله ريلي مو مقصر ويايه أي شي فخاطري يسويه لي يوم فاظي يعني يعوضني فالإجازات (الموظوووووووع) وأنتو تعرفون أول سنة زوج هو موب فاهمني وأنا موب فاهمتنه ……. حبايبي أنا عمري 21 وريلي 27 بس أسلوبي وياه أكبر من سني بوايد أنا إنسانه والحمد لله حلوووه وريلي أحلى بس المشكله مافي فريلي الله يهديه ويصلحه آآآآآآآآآآمين يكلم بنات بتلفون خاص يعني بس حقهم ويخليه دوم في السياره بس أنا مره وحده شفته تخيلو بالغلط فسألته وأرتبك وايد وقال مايخصج …. المهم زعلت وراظاني المهم دايما يطلع فليل وأهله كلهم رقود وأنا وهو فملحق أقولكم ياخذ مفتاح السياره وييلس في السياره جي ساعه ولا ساعتين يرمسهم ويوم رمسته عن ها الشي قال إعتبريني إنسان والخيانه فدمي أوكي ورقد وهو مايحب حد يواجه بأغلاطه… الخخ.. المهم بعد فتره غير أسلوبه وصار يخلي مفتاح سيارته في الحجره بس أكتشفت معاه مفتاح ثاني والله أنا ما أراقب تحركاته بس هو فاظح عمره خاشنه في درج نعله برع بس انا طنشته …….. الشي الثاني المسنجر من أسبوع ما كان طالع من الصفحه فجفت أسامي بنات ظايفنهم وياه وطنشة بس لأني وااااااااايد ظعفت من التفكير والصياح والله دااااااايما أدعي وأصلي وأقري القرآن أنا ولله الحمد ملتزمه ……. بس لو تشوفونه موب مقصر أبدا وإنسان الكل يحبه بس ها عيبه أفيدوني كيف أغير اسلوبي أفاتحه في هالأشياء اللي هو حسباله أنا ما أعرفها……… بليز أحس أبي اسير بيت اهلي اغير جو بس أخاف أنا اسير ويتمادى وياخذ راحته والله أدري واااااااااااااااايد طولت عليكم السموووحه فديتكم.
حبيبتي نصيحة مني عن تجربة طبعااا ..
لا تواجهينه .. خليج ريلاكس .. و ذكيه .. و تابعي تحركاته اوكيه عيوني ..
حاولي تعرفين عن شو يدور عند هالبنات و مب لاقنه عندج ..
جربي تحطين مسجل صغير بالسيارة بدون مايدري .. و تسجلين مكالماته و تعرفين شو بالضبط يكلمهن .. و كيف الأسلوب و طريقة الكلام وياهن و عن شو يعبر .. و بتعرفين بهالطريقة شو يبا ..
شيكي على تيلفونه وقت رقاده و شوفي المسجات .. شو يكتبن له .. شو يكتب لهن .. و جي
بالصبر و بالمتابعه .. بتعرفين شو يبا و عن شو يدور ..
و إذا ماعندج استعداد تنفذين هالطريقة ..
استعيني بربج .. بأسلوبج الحلو .. و بشخصيتج القوية ..
و حاولي تعرفين مفتاح ريلج وين ..
والله ييسر لج أمورج .. و يسعدكم يارب .. و يبعد عنج و عنا بنات الحرام ..
لو منج بقوله يوم تعرف نفسك جي ليش تاخذ بنات الناس وتعذبهم وياك اول شي اصلب عمرك عقب
عرس مو تاخذني وتقولي هاطبعي رضيتي ولاانرضيتي مابغيره بس شو انقول غيره الله يهديه خلاص انتي خذتيه..
لاتعورين راسج ويا هالانسان ( الله يهديه )
سبحان الله الحياة الزوجية عالم ودنيا ثانية
عليج بسورة البقرة اقرايه كل يوم يفضل عقب كل صلاة والاستغفار والرقية الشرعية
ووقناة المجد على طول في الصالة الغرفة
والله يصلح ريلج
مادري شو اللي يحصلونه عند بنات الشوارع ومايحصلونه عندنا..؟
ماقول غير حسبي الله ونعم الوكيل على بنات الحرام … والله يصبرنا