أطقم الولادة وجلابيات الربى 2024.

شحالكن خواتي .. عساااكن بخير ..

عندي استفسار بسيط .. أتمنى تساعدوني

بغيت اعرف وين ممكن احصل طقم الفراش مال المستشفى جاهز .. او حتى تفصيل

وطقم المولود .. وطقم الأم بأسعار مناسبة

ووين ممكن أفصل جلابيات للمستشفى

وجلابيات عقب الربى للبيت بأسعار حلوة

اللي تعرف أتمنى ادليني .. ..

وكلنا بنستفيد

ومشكوررررات مقدماً

والسموحهـ

وعليكم السلام ورحمة الله وبركاته

بخير الحمد لله

الغالية حياج الله على رابط موضوعي ..

عندي أطقم للمواليد .. بألوان مختلفة وممكن نفصل لج على ذوقج اللون اللي تبينه
ونفصل بعد للمستشفى ..

وسوينا لأخوات من المنتدى ومن برع جلابيات … فخمات للمستشفى شغل دانتيل وحرير وتور
وجلابيات القطن والدانتيل للبيت خفايف ..

إذا حابة بطرش لج بعض الصور على الخاص ..

وحياج الله في موضوعي ……. الرابط في التوقيع

أختي.. ادخلي مول سيدات الإمارات وبتحصلين وااايد تاجرات ما شاء الله يفصلن الأطقم للأم والبيبي.. بالنسبة للجلابيات شوفي المول الذهبي محل ملكة الليل غاليري، أنا شخصيا خذت من عندها، وجلابياتها إيطالية وووااااايد راقية، وفي محلات تفصل جلابيات الدانتيل، إذا إنتي من رأس الخيمة بقولج عن ها المحلات وأسعارهم وووايد أوكي بين 120 درهم و 350 درهم ، ويل أو قطن ع حسب اختيارج..

مشكورة أختي ام أسما .. وبشوف الموضوع .. وإذا عيبني شي برد عليج
شغلج ماشاء الله ما عليه كلالام .. بس ممكن اطرشيلي صور الجلابيات .. وأسعارهن

مشكورة الغالية ما قصرتي

للأسف أنا مب من راس الخيمة .. بس ممكن أوصلي حد من اهلي

ما عليج أمارة ممكن تعطيني أساميهن ..

ويزاج ربي ألف خير

اختي بالنسبة لفراش المستشفى انا خذت طقم روعة من الملابلازا حقي وحق ولدي نفس الموديل ب800 درهم
اما بالنسبة للجلابيات المستشفى بتحصيلين محل في الملابلازا تحت على الكورنر عندهم جلابيات دانتيل وشوي اسعارة غالية بس روعة،،،

اما بالنسبة لجلابيات الاربعين بتحصلين في معرض الملابلازا جلابيات قطن حلوة مع دانتيل وعقم للرضاعة
او سوق عكاظ

ولو بغيتي اي شي انا حاضرة بس ادعيلي الله ييسر ولادتي لاني بربي الشهر الياي

مشكورة أم مطر.. ما قصرتي الغالية
بمر أطالعهم إن شاء الله
الله يسهل عليج ويسر عليج الولادة
وتقر عينج بوليدج