مثلا كل وحده تدخل تكتب عمر ولدها ولا بنتها يعني تاريخ الميلاد وشو يحب من الأكل وشو ما يحب ونظام نومه كيف ..؟؟ وشو المهارات ألي يعرفها ؟؟
يا الله أنا راح أبتدي ..
ولدي أسمه أحمد
عمره سنه و4 أيام 
632007
وزنه ولله الحمد 11 كيلو
يحب من الأأكل العيش مع الروب والخضار مع الشوفان والزبادي ويموت في شي أسمه جبن وخاصة الكيري ومن الفواكه يحي التفاح والكمثرى ويحب العصاير بكل أنواعاها ..
وبالنسبه لرقاده متعبني شوي ينام الساعه 8 وينش أحينا فالليل بس من أرضعه يرد يرقد والظهر يرقد الساعه 12 وينش عالساعه وحده ونص ..
وبالنسبه للمهارت يحب يشخبط بالقلم ويركب المكعبات ويحب شي أسمه سيارات .. ولعب الكوره ..
يا الله أتريااااااااااااااكن
انا ولدي اسمه محمد وعمره 3 سنين و9 شهور 21-6 -2004
وزنه 18 ونص الحمد لله بس اتمنى يمتن اكثر
يحب ياكل زين وخاصة الصمون مع الجبن ويشرب الحليب زين
ويحب الفواكه والتمر والكاكاو
رقاده بعد زين يرقد عشر في الليل او تسع ونص وينش تسع
هواياته التكسير والدمار لكل شي الكتروني خخخخخخخ
ما مخلي شي ما شاء الله ، وبعد يلون ويكتب لين رقم 3 بس
واكثر شي يحبه الاسئله مطلع عيني من الاسئله
حافظ بعض السور القصيره والاناشيد
ويضرب اخته الصغيره
الله يحفظه
ومشكوره عالمشاركه ..
شو يا أمهات ما عجبكن موضوعي ..
ولدي اسمه سعود وعمره سنتين و6 شهور 9 / 9 / 2024
وزنه 15 فديته والله
الا يحبه من الاكل
الصبح : توست وجبن ( كرافت أو كيري ) والحليب طبعاً واهم شي زيتون وبيض مرات.
الظهر : عيش لازم معاه روب ( اخته طالعه شراته بالروب ) ويحب الدياي والسمج وعصير مانجو
الليل : شوربه ومكرونه والعصير طبعاً والجبن
والا مريحنى انه ما يحب الكاكاو وايد يعنى شوي
وفي الرقاد مشاء الله عليه من هو صغير يحب الرقاد وما تعبينى الحمدالله لحد ما كبر والحين نفس الشئ
وهو اكثر الالعاب يحبها السيارات والدراجات كل مكان نسيره لازم يشتري سيارة يعنى امس شرء سيارة من تويزر اس ولما طلعنا مرينا ادنوك وما رضى يطلع الا يشتري سيارة، ويحب عبود زخوه بعد ويحب ام علاوي كل عيايز فريج اسميهم ام علاوي.
واكثر القنوات يحب يطالعها قير ون الا مالت السيارات، وخاصة لما يعرضون مهرجان ليوا ( تل مرعب ) أو عوافي مشاء الله عليه اكثر المتابعين للقناة.
والشئ الا اغار منه مرات وموب طول الوقت ( يحب ابوك اكثر منى ) خخخخخخخ
فديته والله ولدية
الله يخليلكم عيالكم إنشاء الله
عمره سنه و 3 شهور 29-11-2006
يحب ياكل الصمون ويا الجبن والعسل و احيانا زبدة الفول السوداني، يحب ياكل العيش مع الروب و يحب المعكرونة و الشوربة.
وبالنسبه لرقاده نوعن ما مخليته يرقد على روتين وااااحد ،،، و انا وااااااااااايد اعصب اذا اخترب هالروتين …
وبالنسبه للمهارت يحب يشخبط بالقلم و يحب يمسك الكتاب و يتم يقلب فيه و يموت في الكورة والسيارات بس الكورة اكثر…..و صح بعد يحب الحيوانات الدياي و العصافير والسمك و الغنم ….