بقول القصة من البداية
أنا ساكنة في بيتي من 12 سنة ..يعني تزوجت وأنا عندي بيت .. والحمدالله زوجي دخله وايد زين وأنا عندي بعد ..
طبعا فكرنا نبني بيت يديد وصار الموضوع والحمدالله أنا وهو بعد عدنا بيتين ايجار .. المشكلة في إني مساهمة في كل هذه البيوت.. وطبعا لازم الوحدة تساعد زوجها وما فيها شيء بس الشيءإنه يتفق مع أهله في أخذ بيوت الايجار لهم لين ما يبنون بيت يديد من غير ما ياخذ برايي ..مع العلم بس الله عاطنهم و دخلهم احسن بوايد منا ..
أنا انسانه مسالمة وعادي عندي بس ليش هم ما سألوني وعلى الاقل راعوا حاجتنا لهذي البيوت وخصوصا عيالنا الخمس في مدارس خاصة .. واللي قاهرني إنه ما سالني ولا شاورني .. كأن هذه 12 سنة تبخرت.. بصراحة كتبت من فيض وما أعرف كيف أتصرف معاهم وخصوصا هم من الناس اللي ما يتلومون..
.gif "12 (29)")
صارحيه بهالشيء
أشوف الأحسن انج تعاتبينه عتاب المحب يعني ليش ما خبرتني بالشي هذا ؟
و تشوفينه شو بيقول ، خاصة و انكم محتاجين لإيجارات البيت عشان نفقات اليهال مثل ما قلتي ،،
عاد هذا ريلج و انتي أدرى بشخصيته مننا ( ما شاء الله عشرة 12 سنة )
εїз
انا اشوف ما فيها شي حبيبتي هذيل اهله يعني مساله وقت لين ما يخلص بيتهم بيسرون صح ولا انا غلطانه بعدين اكيد هو قال انج ما بتعارضين لانهم حسبت اهلج هذا اذا انتي عادتنهم شرااات اهلج
واللي ما فيه خير على اهله ما فيه خير لا على زوجته ولا على الناس
فبتكون بادره حلوه منج لو انج ما تحطين في بالج انج تزعلين من هالشي يعني اتقولين الحمدلله ريلج دخله زين يعني قادر يدفع للمدارس واذا كان هو شايف عمره هوب قادر انه يصرف جاان ما عرض خدماته لاهله صح ولا لأ
بعدين هوب حلوه يعني يقول لاهله يدفعون الايجار البيت لانه هم بعد ربوه وعلوموه وكبروه وصرفوا عليه من هو صغير لين ما ستوا ريال وكون عمره خله يرد جميله شوي لاهله
وسلاااامتج الشيخه
هيه صح لو تبين اتعاتبينه عاتبيه بس خلج عادي يعني قوليله يا فلاااان ليش ما خبرتني انك عطيت اهلك البيت يعني لو خبرتني اتهقي اني بمانع اكيد لالا ومن هالكلاااام بس بدون ضرابه وصريخ وتفليع عسب يحط في باله اذا مره ثانيه يسوي شي يشاورج
والله يهديج
المشكلة مب في أمه وأبوه ..المشكله في إخته وأخوه ..أنا كلمته قال لي تبين ولا ما تبين هذيله بيوتي … ما أعرف أنا محتاره بين إني زوجته وحبيبته وبين إنه على آخر العمر يرد عليه مثل هذا الرد.. وانا انسانه مسالمة .. وهم يدرون إنه محتاج لهذي البيوت يعني يقدرون يأجرون 3 بيوت بدال الواحد .. الله يسامحهم ويسامح حرمت أخوه وزوج أخته ..
انا ريلي قبل ما يملج عليه كان يبني بيت والحمدلله خلص لما خطبني اشترطوا هلي انه يسكني روحي بس هو يبى يسكن مع اهله قلت مب مشكله انا راضية اسكن مع أهله وحطيت الواله في مكان أمه وأخوي مكان ريلي ما راح أرضى على أمي هل شي انه مرت أخوي ترفض انه أمي تسكن معاها المهم بعدني ما عرست بس الحين ندمانه ندمانه ندمانه لو أقولها مليون مره شوية أهله ما عندهم أسلوب ابدا بس ريلي الحمدلله غير أحس أحيانا أنهم مب أهله بس أختي العوده أتقول لما اتعاشرينهم يمكن يتغيرون بس انا فاقده الامل فيهم بس بحاول عشانه …. والحمدلله على كل حال ….،،
المشاركة الأصلية كتبت بواسطة uaeeyes99 
انا اشوف ما فيها شي حبيبتي هذيل اهله يعني مساله وقت لين ما يخلص بيتهم بيسرون صح ولا انا غلطانه بعدين اكيد هو قال انج ما بتعارضين لانهم حسبت اهلج هذا اذا انتي عادتنهم شرااات اهلج
واللي ما فيه خير على اهله ما فيه خير لا على زوجته ولا على الناس
فبتكون بادره حلوه منج لو انج ما تحطين في بالج انج تزعلين من هالشي يعني اتقولين الحمدلله ريلج دخله زين يعني قادر يدفع للمدارس واذا كان هو شايف عمره هوب قادر انه يصرف جاان ما عرض خدماته لاهله صح ولا لأ
بعدين هوب حلوه يعني يقول لاهله يدفعون الايجار البيت لانه هم بعد ربوه وعلوموه وكبروه وصرفوا عليه من هو صغير لين ما ستوا ريال وكون عمره خله يرد جميله شوي لاهله
وسلاااامتج الشيخه
هيه صح لو تبين اتعاتبينه عاتبيه بس خلج عادي يعني قوليله يا فلاااان ليش ما خبرتني انك عطيت اهلك البيت يعني لو خبرتني اتهقي اني بمانع اكيد لالا ومن هالكلاااام بس بدون ضرابه وصريخ وتفليع عسب يحط في باله اذا مره ثانيه يسوي شي يشاورج
والله يهديج