الغاليات ممكن تساعدوني وتنصحنوني بالأغراض اللي راح أحتاجها أو تلزمني أخذها معاي لبنتي عمرها 8 شهور لأننا مسافرين أوربا (ميونخ – النمسا – سويسرا – فرنسا ) على تاريخ 15 مارس ..
مساعدتكم راح تنقذني لأني أول مرة أسافر مع ياهل ومادري شو راح أحتاج..؟؟؟ أهل الخبرة ساعدوني جزاكم الله ألف خير..
انا ما عندي خبره بس اظني سفرتي اليايه بتكون مثلج فإن شاء الله صاحبات الخبرة يفيدونا ^_^
في هذي الفترة بتكون برد على الياهل انصحج تاخذين انر ويرات له وخذي ملابس شتويه وكابات صوف عشان نغطين راسة واذنه
وهيلابات ودلاغات وغير بعد فنايل خذي كميه وفوط وحفاضاط وخذي بعد حليب لولدج اذا هو يرضع مرضعة وخذي مراضع كميه وملاهي وبعد خذي معاج صابون وعدة غسيل المراضع من كل شيء حطي احتياطاتج والكلينكس المنظف وشامبو وصابون شيء اكيد
وهيلابات ودلاغات وغير بعد فنايل خذي كميه وفوط وحفاضاط وخذي بعد حليب لولدج اذا هو يرضع مرضعة وخذي مراضع كميه وملاهي وبعد خذي معاج صابون وعدة غسيل المراضع من كل شيء حطي احتياطاتج والكلينكس المنظف وشامبو وصابون شيء اكيد
فديتج عشان ماتتعبين اذا كانت فترة السفر شويه حطي كل لبسة مع اندروير مع الزيليغ مع بعض عشان يوم اتطلعين الاغارض تلسينه ماتفرفرين الثياب وتتلعوزين وانتي رايحة المطار اهم شي لبستين كاملات دامه صغيرة يمكن توصخ عمرها بسرعة وطبعا حليبها وعصير اذا عندج وبسكويت واذا تاكل روب مثلا صغيروالعاب وكلينكس معطر جونسون وفوطة صغيرة
وانصحج نصيحة اذا بتنج متعودة على اكل معين مثل عيش وخضروات مهروسة خذي معاج الجدر الصغير اللي يشتغل بالكهربا وخذي المعكرونه الصغير لسان العصفور ولا كيس عيش صغير وسويلها هناك عشان ماتتلعوزين في اكلها وروب خذيلها من هناك وفارليز وسيرلاك للريوق العربانه واذا ذكرت شي بخبرج..
وسفرة موفقة
وانصحج نصيحة اذا بتنج متعودة على اكل معين مثل عيش وخضروات مهروسة خذي معاج الجدر الصغير اللي يشتغل بالكهربا وخذي المعكرونه الصغير لسان العصفور ولا كيس عيش صغير وسويلها هناك عشان ماتتلعوزين في اكلها وروب خذيلها من هناك وفارليز وسيرلاك للريوق العربانه واذا ذكرت شي بخبرج..
وسفرة موفقة
أهم شي الملابس الثجيلة والحليب ولا كل شي موجود البامبرز والمنظفات الخ
واول ما توصلون لازم بتسيرون السوبر ماركت ف خذو الاغراض الي تحتاجونها
واول ما توصلون لازم بتسيرون السوبر ماركت ف خذو الاغراض الي تحتاجونها
لاتنسين اكل البيبي لازم واغراضه ضروريه اتكون وياج
المشاركة الأصلية كتبت بواسطة Miss Cavalli 
انا ما عندي خبره بس اظني سفرتي اليايه بتكون مثلج فإن شاء الله صاحبات الخبرة يفيدونا ^_^
مشكورة على المرور وان شاء الله البنات يفيدونا..