خواتي انا وايد محبطة وودي افضفض واقول الي بخاطري ولول اني دايما احب افضفض واشكي لله في سجودي حبيباتي انا وايد صارت لي مشاكل بحياتي والسبب ذنوبي انا وايد غلطت وظلمت نفسي ودايما اذكر ماضيي الاليم واصيح واندم على كل الي سويته وبسبب هالشي خسرت اشيا وايد كل انسان مبتلى بسبب الذنوب بس كل ابن ادم خطاء وخير الخطائين التوابين انا ودي اسوي اشياء ارضي بها ربي عشان انا ارضى وترتاح نفسي واكفر عن كل الذنوب انا الحمدلله الحين التزمت وامحافظة على فروضي واقوم الليل ومرات اقرى قرآن بس بعد وايد الوم نفسي على الي سويته وولو انه الي صار لي من سنين ودايما اتمنى يرد بي الزمن عشان اصلح اخطائي (الحمدلله على كل حال ) تخيلوا لو لا المشاكل الي صارت لي لما كنت الحين محافظة على صلاة الفجر لاني قبل مول ما اعرفها دايما كنت اجمعها مع الظهر واخر صلاوتي وايد واجمعهن بس الحين الحمدلله محافظة عليهن ودايما اذكر الماضي وابا شي ينسيني الماضي كلنا يذنب ورب العالمين يتوب على عبادة والتائب من الذنب كـ من لا ذنب له..
يارب اغفر لي ..
العيب انه يتم ع الغلط ومايصلحه
دامج تبتي لربج اعتبري ان الامور انحلت خلاص .. اهم شي التوبة الخاالصة لوجه الله انج متأكدة ان خلاص مستحيل تردين ع الغلط وربنا غفور
( ان الله يحب التوابين ويحب المتطهرين )
التزمي بالصلوات الخمس بـ وقتها والتزمي بـ قراءة القرآن والاستغفار والاذكار
وحاولي انج تتعودين على قيام الليل والله انج بتحسين براحه فظييييعه وهـ الوقت انتهزي الفرصة وادعي باللي تتمنينه
ولاتفكرين فـ الماضي خلاص إنسية شوفي مستقبلج وفكري بكل خطوة قبل لاتخطينهاا
وان شاء الله ربنا بيغفرلج
الله يوفقج ويثبتج ع الايمان 
والله فرحتك من قلبي
احلا مافي حياة العبد التوب النصوحة
يارب باعد بيننا و بين خطايانا كما باعدت بين مشارق الارض و مغاربها
و ربي يثبتك عالطاعه ياااااااااااااااااااااااااااارب
و يهديني و اياك الى سواء السبيل
والله حتى انا في حياتي بعض الامور الي ندمانه عليها من قلبي
ياااااااااااااااااااااااااااااااااااااااارب اغفر لي خطاياي يارب
إن ربج يحببببج
إن الله يهدي من يشآآآء
وانتي من المهتديييين
شو أحسسسن من هالشي
المآضي انسيييه
ربج غفووور كريييم
وأهم شي التوبة الصآلحة
وهالمشآكل اللي صآرتلج تكفير للذنوب ولج أجر ان شآءالله
لآ تضآيجين بعمرج
وطآلعي لجدآم ^^
ابن آدم لآزم يغلط بس الأهم إن مآ يكرر غلطته
وكل شي رآح أو مشكلة صآرتلج ربج بيعوضج عنهآ خير
قولي الحمدلله مليوون مرة
على فكرة ذكرتيني بعمررري وآيد
عسب جيه متعآطفة ويآج
تدرين إني أنآ قبل سنة ونص الحمدلله رب العآلمين منعم علي بكلللل شي
ومب قآصرني شي
وكنت الصلوآت أيآم مآ أصليهآ
القرآن من رمضآن لرمضآن
ودمووعي كآن تطييح على المعآصي
يآليت لو كآنت دموع ندم لآ دمووع فرآق ومن هالخرآبيط
صآرتلي مششكلة وفقدت شي غآلي علي
ومن عققب صحييت على عمري
وشوي شوي قمت ألتزم بصلوآتي والقرآن وقيآم الليل
ربي عوضني عن الشي اللي فقدته ولله الحمد ويسرلي أموري
قبل يوم كنت أرقد كنت أنش من نووومي مترووعة من الكوآبيس
أمآ ألحينه أنش من نومي وأيلس سآعة كآملة أفكر بالحلم أحسهآ بشآرة لي
تدرين رحت العمرة 3 مرآت
في كل مرة أرووح كنت أحس عآدي
بس آخرر مرة حسيت ولأول مرة أعمر فيهآ
تدريين ليش ؟؟؟
لأأن حسيت قلبي متعلق بربي
ويوم كنآ بنودع المكآن قلت لأمي إن نروح الحرم ونيلس شوي وأحس دمووعي بتطيح على فرآق هالمكآن
أخآف بآجر رب العآلمين يآخذ أمآنته ومآ رآح أشوف بيته مرة ثآنية
يوم كنت أصلي في الحرم كنت أحس بمعآني الآيآت وكنت أدمع بس أحآول أمسك عمري عسب محد يحس فيني
تدرين يوم أتذكر الشي اللي خسرته صح أتحسف عليه بس بنفس الوقت أحمد ربي مليوون مرة
لولآ هالشي ول أنآ بعدني على المعآصي ويمكن أموت وأنآ أعصي ربي
يوم أفكر
أٌقول بخآطري كيف أدور على السعآدة وأنآ صلآتي مآ أصليهآ
وسبحآن الله ألحينه كل مآ طلبت من ربي شي يستجآب لي
الحمدلله رب العآلمين الأمور تتيسر
والمآضي اللي كنت أقول مستحييل انسآه نسيييته وبديت صفحة يديدة
لآ تخلين المآضي يدمر حآضرج ومستقبلج
عيشي يومج
ربي يوفقج ^^