شحالكم بنات و طباخاات
بغيت اكلتين جان حد يعرف خخخخ
اول وحده السبجي الهندي (خضره)
والثانيه
ابا طريقة عيش مكس مع لحم مفروم و فيه معاه اي صلصه روب او شي ثاني
بس اهم شي طريقة العيش مع اللحم المفروم ^_^
ومشكوره الي بتساعدني
بس العيش باللحم.. ذكرتيني مره كنت مسويه محشي كوسا و زادت عندي الحشوه..
بناتي و ابوهم خلوا المحشي في صوب و كلوا الحشوه
المهم.. على ما اذكر..
اني استخدمت عيش مصري
اول شي قليت شويه بصل و ثوم و حطيت عليه اللحم و عقب العيش المغسول وشبت و كزبره
طبعا حق المحشي ما سويته وايد.. بس إللي زاد حطيت عليه ماي و يمكن شويه صلصل " مب متأكده"
و لا تنسين الملح و البهارات
مسويه 5 كوسايات و زاد عيش وايد بس طلع العيش احمر
ابا يكون العيش ابيض لونه تقريبا
الف شكر اختي ^_^
يبي الخضره اللي تبينها مثل
القرع الاخضر , كوسى ,باذنجان ,بطاطا اذا حبيتي , جزر المهم الخضره اللي تبينها
بس اهما اللي ذكرتهم اول شي
حبتين بصل مفروم
3 فصوص ثوم
زنجبيل مدقوق حسب الرغبه
حبوب خردل قفشه وحده
كزبره , كركم , كمون طشونه , ملح
وكاري بتاي بتلقينه ورق اخضر
احمسي البصل والثوم والزنجبيل وبعدين حطي الخردل والورق البتاي وحطي البهار والملح
ضيفي الخضاار وحمسيهن مع المكونات اللي قبل شوي وحطي ماي حسب كمية الخضار اللي في الجدر
بس موب وااايد عسب اتكون الخلطه يامده غطي الجدر الين تستوي الخضار وعقب بااالعافيه
بنسبه للأرز نفس ما تفضلن الخوات
والسموحه
المشاركة الأصلية كتبت بواسطة هوى الروح 
مسويه 5 كوسايات و زاد عيش وايد بس طلع العيش احمر
ابا يكون العيش ابيض لونه تقريبا
الف شكر اختي ^_^
اذاا تبين العيش ابيض لا تحطين صلصه
بس بصل وثوم والحم والشبت وكلح وفلفل احمر شويه عشان الطعم
احمسي البصل والثوم وحطي الحم ويوم يستوي شوي ضيفي العيش وصبي فوقه شوية ماااي
خليه حبته حيه شوي وبس ^_^ انشاالله تفيدج الوصفااات