ابر الكولاجين تنفع ولا بهاي الحاله.!!؟؟!! 2024.

السلام عليكم ياحلون..^^

طبعا بعد انتهاء مدة حب الشباب الله لا يعودها ان شاء الله قولو

الحمدالله ويهي صاير صاافي وابيض شرات جسمي مب قبل ويهي اسود وجسمي ابيض جني صابغه ويهي بصبغ اسود و..

المهم الزبده الحين…

يوم كنت صغيره ظهرلي بويهي جدري والجدري لين اليوم هذا ماخاز عني ..يعني الحفر موجوده تقريبا خمس حفر بويهي على شكل دائري وانا متعقده منهااا وحتى استحي اجابل الناس والسبه هاي الحفر ما ادري ليش مع انها مب ذاك الزود مشوهه ويهي بس متعقده منها ومب عارفه شو اسوي الصرااااحه..

الحين السؤال الي يطرح نفسه هل ابر الكولاجين تفيد بهاي الحاله يعني للتعبئه ولا لا والي جربت بليز تخبرني لانه مستعيله وابا اروح بأقرب وقت..

والسؤال الثاني والي من راس الخيمه عندنا علاج فراكسل ولا مش موجود في راك..؟؟

بليز عطوووني راايكم بالابر تفيد ولا لا ولا تبخلون عليه بالدعااء بالتوفيج..

ويزااكم الله كل خير..

حبيت ارفع لج الموضوع

ان شاء الله البنات يفيدونج ^^

هلا اختي
انا ماجربت الابر الحمدلله ماحتاي … بس اللي اسمعه ان الفيلرز هو الي يملي الحفر ماسمعت عن ابر الكولاجين
واتوقع ان في ليزر خاص يشيل الندوب …. سيري عند الدكتوره سميحه لطفي فالشارجه وااايد شاطره
والله يوفقح الغاليه

ابر الكولاجين الي اعرفه لانها تعطي رطوبه للبشره و تعيد شبابها لكن ما تملي الحفر

يمكن تقصدين ابر "الفلرز"و "البوتوكس" !! بس هم هالابر ما راح تكأدي الغرض..

جربي تروحين عن كلداري "دبي"

و ان شاء الله راح يفيدج موفقه

للرفع

اها الفيلرز ماسمعت عنه تصدقين..

يعني مش موجود فراك لازم اروح الشارجه اممممممممم..المهم بشووف ويصير خير ويزاج الله كل خير ع ردج لي..