ابغي احمل 000ردوا ع اسئلتي ولكم الاجر ان شاءالله 2024.

حبيباتي بغيتت منكم تردون ع اسئلتي ولكم الاجر ان شاء الله
1- اول ما عرست كان في تكيس في المبايض وتعالجت منه لمدة شهرين لان كان حجمة صغير و راح عني الكيس وهذا كان عند الدكتورة امينة اللي في راك وبعديها بفترة تعالجت وياها لمدة 4 شهور ع اساس احمل وسويت التحاليل ان وريلي وكل شي الحمدللة زين ولكن ما استوى حمل وما اتعرف شو السبب وبعدها رحت عند نيرملا بعد اللي في راك وقالت نفس الكلام كل شي زين بس انه في التهابات خفيفة وعطتني دواء وقالت لي انها راحت بس اونة لازم اسوي اشعة صبغية عشان تتاكد اذا في انسداد في قناة فالوب والا لا بس انا احاف لانها مؤلمة ورحت مشتشفى راس الخيمة الجديد على اساس اسويها
فقالت لي الدكتورة انه في التهابات وافرازات ورائحة كريهة وما تنصحني اني اسويها لااني بعدني ما كملت سنة وبعدها بفترة رحت اليها وعطتني دواء للالتهابات بس ما فادني خفت شوي فحبيت اسالكم
1-هل في طريقة لتاكد من سلامة قناة فالوب غير الاشعة الصبغية؟
2- هل ممكن ان اسوي تلقيح صناعي بدون عمل هذا الاشعة و شو الاشياء المطلوب تحليلها؟
3- وين تنصحوني اروح اي عيادة في راك ومنو راحت عند حد وفادها؟
4- هل ممكن ان الحيوان المنوي ما يوصل لقناة فالوب ع اساس ان مايدخل الا بضع من في الداخل او ان طريقة الجماع غلط؟
5- اذا تعرفون حرمة تمسح قريبة من راك عشان اروح اليها؟
6-كم مدة فترة العلاج الازمة لازالة التهابات من المهبل علما ان يطلع في البول خيوط بيضاء وان احر مرة نزلت لي الدورة كنت مسوية تحليل حمل منزلي واحد طلع ايجابي و الثاني طلع سلبي يعني عادي تنزل الدورة واكون حامل معني سويت سونار وطلعت مب حامل؟

اسفة ع الاطالة ولكم مني جزيل الشكر

ان شالله الخوات بيردن عليج ويفيدونج

يارب بعزتك وقدرتك وقوتك

انك ترزق اختي بالله بذريه الصالحه يارب عاجلا غير اجل

يارب العالمين

لا إله الا انت سبحانك اني كنت من الظالمين

اختي ادعي كثر ماتقدرين …ربج قادر على كل شي

للرفع

هلا الغاليه انشالله الله بيرزقج بالذريه الصالحه

وانصحج بالدكتوره أوراس في الشارجه لانه ما شالله وااايدين حملوا على ايدها

والله يسهل انشالله

أختي أنا من راك والحمدلله من بعد رب العالمين حملت وكنت اتعالج عند الدكتوره نورميلا وفي وحده يمدوحونها تمسح في الجزيره أسمها حصه جان تبغين رقمها راسليني على الخاص

والله يرزقج بالذريه الصالحه يارب

وينكم يا بنات ؟
وجزاكم الله الف حير للي رديتوا علي

يمكن تطلعين حامل ليش لا !!!!
لان الحمل فبدايته ما يبين بالسونار سوي تحليل دم احسن وتحليل المنزلي 99 بالمية صح
ويمكن هذي موب دورة لان فبداية الحمل تنزل نقاط دم ودامج فيج التهابات فهذا التهابات تسبب اجهاض عليييج بالمثبت
وان شاء الله باذن الواحد الأحد تطلعين حامل