شخباركم وعلومكم حبوبات
بدخل في الموضوع
انا محتارة من موضوع واايد افكر فيه وخيفاانه منه بغيت مشورتكم حبيباتي شورن علي واللي مرت بهذي وعانت منه وقدرت اتعالج هالموضوع تشور علي
والله من الضيج ما ني عارفه كيف ابدا
فديتكم انا مخطوبة تقريبا من 4 سنين والحمدلله الكل كان يمدح فأخلااق خطيبي بس المشكله اني تقريبا من 4 شهور عرفت عنه اشيااء وانصدمت فيها حبيباتي اللي كانت تعاني من سفرات ريلهاا طبعاا اللي يسافرون عالبحرين وسوريا ولبنان هالامااكن هل قدرتوا تغيرون فيهم هالشي والله يستر من هالسفرات وكيف قدرتوا تعالجون فيهم هالشي
بس بغيت مشورتكم شوا سوي مع اني ما اقدر ارفضه اللحين لان خلاص بيون هالاسبوع بيتفقون على كل شي بس قولوا باللي مريتوا بهاا التجربه وبغيت نصيحتكم هل ممكن يتغير بعد الزواج ولا لا وسااعدوني كيف اغير في هالشي
انا كتبت الموضوع لاني مالي بعد الله غيركم خوااتي
المشاركة الأصلية كتبت بواسطة om-yousif 
شلي من بالي هالشي حبيبتي . . بو طبيع مايووز عن طبعه !!
الحمدلله انا ما مريت في هالشي
بس اعرف وايد بنات شراتج ( بناخذه و عقب العرس بنغيره ) ، مستحيييييل يتغير لان هذا هو خلاص !
فديتج مافيها شي لو رديتي و استخرتي و كثري من الاستخاره
وحاولي تتأكدين من اللي سمعتيه اذا صدق ولا رمسه بس
هذا نصيب و انتي بترتبطين وياه طووول عمرج ، تخيلي ! لو لا سمح الله ماتغير بتندمين انج وافقتي عليه
ردي استخيري و وكلي امرج لله
و اللي الله كاتبه بيصير 
السموحه
ومب شرط ان الريال بيسافر ويه ربعه يعني عنده شي ووراه شي…
واذا كان محتاج شي وحصله بره بعد العرس بيحصله في البيت..
اختي انا من رايي انج تسألينه بطريقه حلوة عن الاماكن اللي سافر لها وشو كان يسوي ومع منوه كان يسير… طبعا بدون ما تحسسينه انج شاكه فيه او انج سامعه عنه رمسه.. وفي نهاية رمستكم هذي قوليله بطريقة حلوة ان شاء الله كل الاماكن اللي سرت لها بروحك بسيرها وياك بعد ما نعرس وبنسير اماكن وايد بعد.. وشوفي شو بيكون رده وانتي بتعرفين نواياه..
انا عن نفسي ريلي قبل الزواج في السنه فوق اربع و خمس مرات يسافر
وبعد الزواج ونحن مكملين سنه ما سافر غير مره وحده ….اسبوع ورد
بس انتي استخيري ربج …. الله يوفقج