سلمكم الله بنات انا مالجه بس اللي مالجه عليه مايدخل قلبي ابد ماحبه احس اني اكرهه
طبعا انا وافقت عليه من ضغط هلي عليه الحمدالله ريال فاهم مصلي وعارف ربه والحمدالله انا اول وحده ادخل بحياته ماعرف بحياته كلها غيري بس انا ابدا مش متقبلتنه مع انه ولله الحمد ماعليه قصووور بس ابدا ماشي من بينا تفاهم يبي يغير كل شي بحياتي انا شو ذنبي مادام هو عايش في بيئه غير عن البيئه اللي عايشه بها انا
دايم يقولي انا بخليج ع راحتج مادامج عند اهلج بس بعد العرس يقولي بتتغيرين 360 درجه
ونا من سابع المستحيل اواافق ع هالشي وع فكرة دايم لما اقوله شي يقولي عيل انا خواتي مايسون جيه وارد عليه واقوله انا عيل خواتي يسون جيه وكل واحد متعود ع شي وكلن له طريقة حياته
يقولي انا مابي حد من هلي يرمس عليج من وراج قلت له مادام انا واثقه من عمري وشو لا بسة ولا شو مسويه هاي حياتي ماله حد يخص فيها تخيلووو حتى ع الاضافر نختلف احسه انسان جاهلي مايفهم بالحياة والمصيبه انه عايش في بوظبي ويقولي انت بتستوي منا وفينا يعني لازم اتصيرين شرات خواتي نفس مايسون انتي اتسوين ولما اقوله هيه وشو بعد تبي خبرني من اللحين يقولي لا مابكرهج فيني من الحين اقووله بس ع الاقل وصلي فكرة يقولي بعد العرس وبعد لما يقولي شي اكووون قاسيه جافه بردي وكله اقوله لا لا لا مابي مابي ماعرف مادري ومن هيك كلمات
وع فكرة انا احب وااااحد غيره ومن سابع المستحيل افكر اخليه بيوم او اطلعه من قلبي واحطه بداله
انا اموووت بتراب اللي يمشي عليها وهو نفس الشي ولو بتقولن لي ليش ماخطبج بقولكم ليش يقولي انا ابيج مثل مابطلعين من بيت اهلج مرتاحه ابيج عندي بعد شي تعيشين معززة مكرمة
يبيني اخلص دراستي لين مايهتم شوي بضغووط هله وشغله ويبني البيت فديته والله
والله بنات احيانا افكر انتحر قبل عرسي او انه المووت ياخذني قبل العرس
ماتخيل
ماتخيل
ماتخيل
ماتخيل
اعيش مع غيره الله يخليكم شو اسوي انا تعبت
وعن اللي قاله لج انا عادي تعوديت يوم عند اهلي اسافر واروح اعراس الحين ولا شي خصوصا اعرس مافي واذا رحت اغطي شعري والخافي اعظم
انا اقول خلي قلبج يحب خطيبج احسن لك
وهاي رايي
اول شي انتي الحين على ذمة ريال يعني ما يجوز تفكرين بواحد غيره و تتفدينه هذي خيانة لريلج يالغالية يعني هو يحليله انتي اول وحدة بحياته و ما يفكر بغيرج و انتي تتفدين غيره تخيلي شعوره !!!!
ثاني شي بالنسبة انه هو يتحكم بج من الحين و يقولج ابا جي و ما ابا جي ،، احس كل الرياييل جي ايام الملجة يعني يحب
يفرض كل شي على حرمته و يتم يقولها يوم بنعرس تري ما ابا الشي الفلاني و اباج تسوين جي ومن هالكلام
لكن عقب العرس كل شي بيكون بالتفاهم و خاصة انج تقولين ان ريلج زين و مصلي
لا تهدمين حياتج بإيديج و لو اللي يحبج كان يباج من صدقه بيسوي المستحيل عسب ياخذج ما بيماطل و بيقولج
كملي دراستج و من هالكلام تري يستوي تكملين دراستج عقب العرس عادي
الله يوفقج الغالية وييسرلج امووورج
ويحنن قلبج على المسكين اللي معج
المشاركة الأصلية كتبت بواسطة نسايم روح 
وعن اللي قاله لج انا عادي تعوديت يوم عند اهلي اسافر واروح اعراس الحين ولا شي خصوصا اعرس مافي واذا رحت اغطي شعري والخافي اعظم
انا اقول خلي قلبج يحب خطيبج احسن لك
وهاي رايي
معاج ميه بالميه صح لسانج
حبيبتى نادرا ان الريال يتزوج واحده كان يعرفها ربنا يقول (وادخلو البيوت من ابوابها) ويقول ( لاتواعدوهن سرا) واللى يُبنى على خطأ من البدايه فهو خطأ للنهايه
خلى قلبج يفتح شوى لخطيبج وانتى بتشوفين عيوبه مميزات
وادعى اللهم اصلح لى شأنى ولا تكلنى الى نفسى طرفة عين
وربنا يوفقج لما فيه الخير لج
المشاركة الأصلية كتبت بواسطة نسايم روح وعن اللي قاله لج انا عادي تعوديت يوم عند اهلي اسافر واروح اعراس الحين ولا شي خصوصا اعرس مافي واذا رحت اغطي شعري والخافي اعظم
انا اقول خلي قلبج يحب خطيبج احسن لك
وهاي رايي
خلاص فديتج دامج مالجة فكري بريلج و تراج مثل ما حبيتي قبل صدقيني مع الايام بتحبين ريلج و بتضحكين ع ايام اول ..
اهم شي الريال شارنج و صدقيني عقب بتتذكرين كلامي و بتقولين شيخوووه قالت ..
اتمنى لج كل التوفيق و الله يخليكم لبعض ..