اتمنى تكون قصتي عظه لكل بنيه . الكل يدخل ويقرا القصه ويرد علي 2024.

وأنا ما كنت محتاجه التيلفون مع مرور الايام قام يتصل يوم ورا يوم على أختي وويوم ما أكون موجوده يقولها روحي ناديها بسلم عليها في مره من المرات قالي انا أحبج واتمنى تكونين لي وانا ما علقت عالموضوع وسكت سألني انتي تحبيني قلت بكل صراحه لا لأن الحب مايييي فيوم وليله مرت الأيام وبعد سنه بدبديت أحس بشعور غريب يعني بديت أحبه انتقلت لمرحلة الثانويه وكان تفكيري منشل طول الوقت أفكر فيه حتى فالكلاس مافي انتباه في مره من الكلاسات قالت لي المدرسه تعالي اقعدي جدام عشان انتبه غيرت مكاني وقعدت جدامها بالضبط المس تشرح وانا سرحانه المهم المدرسه عدالي تناديني عشان أقوم أجاوب وأنا خبر خير ما أدري وين الله حاطني المهم البنيه اللي عندي تقتني على جتفي عقب انتبهت عقب قالت المدرسه لازم اشوف ولي امرج سرحانج مش طبيعي سألتني عندج مشاكل فلبيت قلتلها لا المدرسه عصبت علي وقالت لازم أشوف ولي أمرج واليوم الثاني المدرسهنست الموضوع وانا ما عطيتها مجال انها تشوني وانا سرحانه حاولت اني انتبه على الدرس مرت الأيام ورحت قعدت مع أمي وقلتلها : أماه أنا أحب انصدمت أمي قالت هاه وكيف ومنو هذا اللي تحبينه قلتلها يا امايه لا تعصبين أحسن أقولج عن كل شي أسوي ولا أسوي أشياء من وراج عقب هدت فهمتها الموضوع عقب قمت اتواصل مع هذا الانسان بتيلفوني لكن بعد أمي اقتنعت بروحها وطلعت لي تيلفون وامي واثقه فيني انا ما أسوي شي الا بشورها الكل اللي فالبيت عرف انه انا الانسان لي وانا له يوم حبيت الانسان كنت صغيره ما كنت اقدر ارد عليه او حتى ابرر له موقفي حتى لو ما كنت غلطانه كان يعصب علي ويصارخ وكنت ما أعرف اتصرف كلي كنت اسويه الصياح فهو يوم يشوفني يهدى حتىما كنت ارد عليه وأدافع عن نسي مرت الأيام وفهمت انه أنا لازم أرد عليه اذا يحملني غلط انا ماسويته وانه لازم اتفاهم واتناقش معاه الحياه تفاهم فهو حس اني ميته عليه فقام بتغلى ويوم كنت اتصلبه اقوله وينك ليش ما تتصل كان يقولي مشغول أنا عند عيال عمي أقول خلاص اوكى وتيي فتره ما يتصل الا نصايف الليل يوم يحيدني بنام تم ساكته عنه لأني أكون زعلانه عليه ليش يقولي تصدقين تخليني أكون مشتاقلج يوم اتصل اتخليني اندم لأني اتصلت أقوله خلاص سكر عني مرت الايام والسنين وكنا نحب بعض بس كان في مشاكل صغيره يعني تنحل على آخر فتره فقدت وايد اشياء منه اهتمامه فيني كان قليل وكلامه كان جاف معاي ما كنت ادري ليش اتغير تم فتره طويله على هالحال وانا كنت دايما أحاول أعرف السبب اللي يخليه يجلب علي مره وحده اقول يمكن انا زعلته ولا غلطت فحقه اسأله شوفيك ليش متغير علي انا مالي حد غيرك ومن هالكلام عشان يتكلم واعرف ليش متغير والرال خبر خير مسوي طااااف من الخاطر اول ماينش يتصل يكلمني بشوي عقب يسكر ومايتصل الا آخر الليل أكون نايمه ارد عليه نايمه أقولها هيه أوكى خلاص برايج في يوم من الأيام قالي انا اشتركت فالجات بس فالتيلفون وما كنت اعرف شو السالفه تم يخبرني هذي وحده تراسلني بالجات وهذي الثانيه وهاي وحده غيرها بعد قلت ليش مشترك فهاي الخدمه لازم اتكنسلها قالي اوكى مره كنت انا فبيت اختي وهو كان موجود مسكت التيلفون وصله مسج وانا بالغلط فتحته مكتوب من الجات وحده كاتبه وينك انا من اطرش لك وماترد علي اتنرفت بطريقه مشطبيعيه عقب ياني الفضول قعدت افتش فالتيلفون مطرشلها انا اسمي فلان وعمري كذا ومن المكان الفلاني كذا …. انا اسمراني وطويل وما أدري شو المهمسكت عن الموضوع وسويت نفسي ماشفت شي يوم شفته ذكرته انه يكنسل خدمة الجات ورحت عنه قالي اوكى وتم يطلع اعذار ليش ما كنسلها طنشت الموضوع قلت يمكن صدق مره الايام وزل لسانه جدامي قلت وين كنت قالي رحت اشوف وحده انصدمت كييييييف ؟؟؟؟ قالي طرشت لي مسج تبى رقمي واذتني طرشتلها رقمي فهي طرشت صورتها قلت له على اي اساس تعطيها رقمك اليوم اللي وراه كان طاله ودقت له سألته انت وين قالها برع قالتله تعاللي عند المكان الفيلاني اريد اشوفك من بيعد وراح يشوفها ما فكر فيني وكل اللي صار هو يخبرني عنه مافكر فيني ولا حتى راعى مشاعري وقدرها ما أدري كيف مسكت أعصابي ومارديت عليه سمعته لين ما خلص كلامه ورحت عنه الغرفه تم فيني قهر يحرق قلبي ليل ونهار وحسيت نفسي ما اقدر اتكلم معاه فيوم من الايام كنت اريد اتصل على ربيعتي وغلطت فالرقم طلع واحد واعتذت وسكرت عقب هذا اللي مغلطه على رقمه تم يتصل وانا كنت اصده ما اسوي سالفه عقب قلت اذا اتصل مره ثانيه برد عليه وبكلمه مثل مثل ما يعاملني بعامله كنت ما أدري اني كنت أعالج الغلط بالغلط المهم الانسان اللي غلطت على رقمه اتواصلت معاه فالتيلفون وكان تفكيرنا نفس الشي كنا متفاهمين هذا الشخص اتعلقت فيه وايد لأنه حلصت منه أشياء كنت فاقدتنها من الانسان اللي أحبه كملت مع الشخص 7 شهور وانقطعنا عن بعض ما أقول الله يسامح من كان السبب والشخص اللي أحبه ما اكشف اني ولا عرف اني اكلم شخص ثاني فتمت الأمور مثل ماهي حاولت مره ثانيه نعاه يرجع نفس قبل ويهتم فيني يكون يوم زين ووباقي الايام منجلب حاله يعني بس عالمزاج خلصت دراستي خذت الليسن واشتغلت وهو من مجلس التعاون فعشان جيه ما قدر يحصل شغل فالامارات بسهوله حاولت اساعده قدمت اوراقه فالشركات وفالمواقع بس عشان يشتغل ويكون نفسه من بعدها يخطبني رسمي من هلي حتى ما كنت كنت اذا محتج شي ولا شي ناقصنك قولي لا تستحي مني انا وانت واحد مرت الايام والشهور بعد احس فيه شي ناقص مش مرتاحه كنت أقولهليش انت متغير ليش صارت حياتنا كلها مشاكل كان يقولي لأنه نحنا بيعيدين عن بعض يوم بنكون فبيت واحد مابتصير المشاكل وكنت اصدق واسكت صبرت وصبرت وصبرت مافي فايده انا مليت من انتظار تعبت كل مره بتقدمون لي وانا ارفض واحد من اخواني ما كان يعرف لأنه أغلبيت الأيام مايكون موجود مسافر عشان الشغل أخوي كن يستغرب ليش انا أرفض وامي تقول شقول حق أخوج رديت علىامي وقلت لها اماه اذا حد اتقدملي ارفضي على طول لأنه انتي تعرفين انا منو أريد وتعرفين حياتي مع منو ما أنكر انه في ايام كانت وايد حلوه ومتفاهمين مع بعض وايام حلوه بس للأسف هو جبرني استمر فالغلط لأني ماكنت اشوف اهتمامه وحبه وكنت اشوف هالأشياء عند غيره من اهتمام واحترام وبعدين اتطور قام يعق علي كلام ويجرح فيني وانا اسكت اقول معليه معصب يقول اي شي مره مرتين الثالثه ما قمت اهتم لأنه صار مايحترمي وابتعد عنه شهر اتصل حق اختي انا ما اصبر عنها ومن هالكلام فكلمتني اختي انا قلت لا عقب حاولت تقنعني فقلت لها خلاص بتفاهم معها كلمته وقلت له انا ما اريد منك شي غير انك تحترمني اذا ما احترمتني احين متى بتحترمني أول شي إيي الاحترام عقب الحب شو الفايده حب بدون احترام ورجعنا الحمدلله مثل أول وأحسن بس شي واحد ماتغير فيه لسااااااانه يوم يعصب يعق كلام مثل السم يعق خيط وخيط وماكنت اسكت له ارد عليه اسكر يوم يهدى انا اسف وانا ما ادري شو انا حسيت بغلطتي وارجع واسامحه وانسى ولا كنه شي صار مجرد ما يحس بغلطته ويعتذر وعلى هذا الموال وطفرت لدرجه اني بغيت ابتعد عنه بهدوء يوم من الايام غلط على رقمي واحد فأنا قلته أخوي غلطان تم يتصل وبتصل وانا هذي الفتره حياتي كلها مشاكل مع الشخص اللي أحبه كنت اسكر منه معصبه ولايعه جبدي وفجاءه اتصل الشخص اللي قلتله غلطان ورديت مع إني اعرف انه هو مش مغلط اللي يغلط مره مش الف مره ومع هذا رديت عليه كنت في حالة ضعف كنت اريد اسولف مع اي حد عشان اطلع اللي فيني من قهر كنت اسولف واضحك ويوم اسكر اقعد اصيح انا ليش اسولف مع غيره واكلم غيرهوانا احبه انا ليش جيه اسوي ؟؟؟ وعلى هالحال لين مره من المرات الشخص اللي كنت أحبه شاف مسج فتيلفوني وكنت ناسيه التيلفون فبيت اختي وكان رقم مش ميجل فستعرب وسجل الرقم عنده يوم كشفني قلته بصراحه انا كلمت هالشخص وفي شخص ثاني كلمته وانت اجبرتني اغلط فحقك واكلم غيرك فججأه ابتعد عني واتغيرت علي كل شي فيك اتغير وانا كنت احاول فيك ما كنت تفهمني و كنت اطنش الحين تقولي وتعاتبني ليش انا سويت هالأشياء من وراك رمست هاي وغيرها والله يعلم منو كلمت وتقولي رحت شفت هاي وهاي شو تتريا تكون ردت فعلي اكون مثلك انا عالجت أغلاطك بأغلاط وللأسف انا ندمانه وااااااااااااااااااااااااااااااااااااااااااااااااا ااااااااااااااايد قالي خلاص خلين نفتح صفح يديده وبحترمج ولا بجرح فيج وأعق عليج كلام يزعلج ولا يجرحج قلت أوكى علو وعسى تمينا فتره اوكى مع بعض كانت تستوي المنازع والزعل بس كنت اسيطر عالوضع وارد انا اعتذر حتى لو مش انا الغلطانه لأني ما كنت اريد أخسره وفجأه اتغير بطريقه فضيعه لا تطلعين لا تروحين حفلات ولا عزايم ربيعات ماشي كنت أقول اوكى بس عشان ما ازعلهمع انهماله الحق يتحكم فيني لأنه مش ريلي وانا كنت اشاوره فصغيره وكبيره أنا حبيته وكنت توني صغيره أحس هو اللي رباني علمني على اشياء وايده ما كنت اعرفها نصني من اشياء وايد وكان يحذني من اشخاص ما كنت اعرف هم شو يوقف معاي اذا كنت في مشكله هو انسان طيب بس ما أعرف ليش الفتره الأخيره جلب كل ماتستوي مشكله بين اختي وريلها اللي هو أخوه تنجلب السالفه علي وانا قبل قلت له لا تدخل بين حرمه وريلها حتى لو كان أخوك مال خص كان يدخل عمره فسوالف غيرهواستوت مشاكل بعد ثانيه بين اختي واخته واخته من النوع الحساس أو اللي يزعل على اي شي ادخل فالمشكله الشخص اللي انا احبه وريل اختي كبروا الموضوع وما كان له اي داعي فيوم من الايام الاسنان اللي انا أحبه راح عندي امي وقال لها بنتج غلطت علي وسبتني انصدمت امي قالت لي اذا انت غلطانه عليه مالج حق وبخبر اخوانج عشان يصفعونج قلته وحلفتلها الف يمين اني ما غلطت عليه وسكت وماقلت لها انه طول الفتره اللي كنت وياه هو كان يغلط علي ويهيني سكتقلت ما اريد اكبر الموضوع زياده المهم امي عرفت كلام فاضي واضايقت عقب بعد يومين اتصل فقلت له ليش اخوك كل تستوي مشكله بينه وبين حرمته يدخلنا فالسالفه قالي هو مايدخلكم فالموضوعقلت له يدخلنا فالموضوع جدام أخواني قلت له سألت أمي وامي كانت يالسه وسمعت كلام أخوك جان يقول بكل وقاحه امج اتألف حرام عليه حتى امي ماسلمت من لسانه اللي تمدحه جدام الكل قلت له انا سمحت لك تغلط علي وتجرحني وتهيني بس ما اسمحلك تغلط على أمي دامك ما احترمت امي يعني ما بحترمني عقب قلت له لا تتصل وما اريد اشوف رقمك طرشت له رساله اني ما اقدر اكمل معاه وانه المشاكل زادت واحس حياتنا مع بعض مستحيله مر اسبوع ومطرش لي رساله طويله كم صفحه كلام يعور القلب انا اعرف عنج اشياء وايد وساكت انا حتى الطير اللي يطير فوق راسي احسبه وكتبلي والله انت كنت طالعه مع اختج ورايحه مسيره الاتحاد وعاقه الشيله وكنت ترقصين ولد عمي شافج والله العظيم والله عزيز اني ماسويت هذا كله وانا ياما شفت بنات جمال وبياض وجسم وانت فيج وفيج وفيج مخاى كلمه قلته اذا انا فيني عيب خله حقي وانت مش مجبور اتكمل مع وحده فيها عيوب الدنيا دورلك على وحده شريفت أحسن عني لكن صدقني مافي وحده بستحمل إهاناتك ولسانك انا غلط فحقك يوم كلمت غيرك واعترفت بغلطتي وندمانه بس انت مش راضي تقتنع اي نقاش بسيط قعد يعايرني ليل ونهار تذكرين يوم سويتي وكلمتي الانسان يغلط ومش معصوم عن الغلط بس مايتم هالأنسان يتعاير طول حياته ويذكرونه بأغلاطه انا عمري ما عايرته ولا هنته بكلمه كنت اعصب عليه لكن قبل ما اتكلم احسب الف حساب اذا كلامي بيجرحه ولا بتهينه ولا بتهز من كرامته هدى الموضوع والكل هى فالبيت حتى أمي وفجأه اشوف امي معصبه علي راح عند امي وقالها والله بنتج كانت تعرف فلان ورمست فلان انقهرت قلت انا غلطت اعترفت بغلطتي له ليش يروح يخبر امي ويقهرها مهما كان هذي ام الكلام يحرقها كلمت امي وفهمتها قلتها انا غلطت وسامحيني انا مش معصومه عن الغلطاول مره اسوي شي من وراج وبست راسهاماكنت اتوقع هالانسان بيخرب حياتي فتحت له قلبي فالنهايه يخون فيني ويخبر امي شو كنت مسويه والله يا خواتي كنت مستعده اتغرب عن بلادي عشان خاطره هو كنت اقول حق امي هنيه عيشه وبلاده عيشه مافيها شي كنت بظحي بعيالي اللي كنت بييبهم منه فكرت بقلبي مافكرت بعقلي كيف بيعيشون اذا مرضوا كيف اعالجهم بيخلصون دراسه صعب يحصلون شغل كنت راضيه حتى لو يشتغل ب 2000 درهم بس عشان انكون فبيت واحد وانكون اسره حلوه وانا كنت بساعد معاه لكن كل التضحيات والأشياء اللي سويتها عشانه والحب اللي كان فقلبي له هدمه فلحظه انا مستحيييييييييييييييييييييييييييييييييييييل ارجع له لو كان ريال فالدنيا ما ارجع له رغم كل اللي سواه انا سكت وماسويتله مشاكل مع هله لكن مو مشكله الله فوق وبيرد على انسان ظلمني وجرحني وهاني الله فوق والله كبير أكبر منهم كلهم مثل ما اتكلم علي وعلى غيري بيرد عليه ربي يمهل ولا يهمل يوم لك ويوم عليك وصدقوني الدنيا دواره واتمنى ياخواتي تردون علي وتنصحوني اكثر اذا كان اللي سويته صح ولا لا واتمنى تكون قصتي عظه ونصيحه لكل بنيه تحب اتحط حدود لحبها انا حبيت بدون حدود شوفوا اللي تكبته آسفه طولت عليكم بس اتمنى تردون علي وتنصحوني خواتي … …. ….