السلام عليكم ورحمه الله وبركاتة
خواتي انا عندي مشكلة ويا ريلي ما اعرف كيف اتصرف وياة يعني اذا يبا يكلمني بموضوع يتكلم بنفس الحزة يعني جدام الامر الواقع ؟؟؟؟؟لانة مايبيني اناقشة بالموضوع مثلا يوم الاربعاء الماضي خبرني اونة انه قرر يسافر الكويت ويا ربعي تعرفون متى ؟؟؟؟؟؟وهو ساير الدوام وطلع بسرعة يوم رجع عاد انا سكت قلت الاخ تعبان مابناقشة الحين خلية يرتاح ؟؟؟؟؟؟؟؟يعني ذرابة
المهم يوم كلمته ليش سايرين الكويت يعني انت ما عندك اجازة ؟ مع العلم اني طالبة منه ياخذ يوم اجازة عشان يخلص لنا معاملة في وحدة من الوزارات قال عدنا ضغط في الدوام وما يعطوني …….. قال اخذت اجازة يوم الاحد مع الويك اند وبنسافر الخميس ومشكلة زوجي فالنقاش ما يرد عليج يعني انا خلاص قررت وانتي برايج ويوم اناقشة دايما يتهرب ويدور لعمرة اعذار عشان يطلع برع
تعرفون اني قلت له انا مب راضية على سيرتك ويا ربعك انا ما اشتغل ولا عندى ليسن عشان اذا بغينا شى من برع ولا واحد من عيالي مرض ف الايام الى بتسافر فيها ؟؟؟؟؟؟ ما تكلم كاني اكلم طوفة
ولما رحت لامة اكلمها قالت خلية يستانس الله يحفظة ……..ويمكن انا غلط بس احس ان سفره ما لة داعي من فترة راجع من قطر وعاد السعودية حدث ولا حرج سكتنا قلنا ع الاقل رايح عمرة اداء فريضة والي قاهرني انة من يوم ما سار ما كلف ع عمرة يسال عنا ويوم رجع والله مستانس ولا كانه مسوي شي مع انه يعرف اني زعلانة ومب راضيه……….وهو ولا عايبنة شي طول اليوم برع البيت
اذا وحدة سوى صار لها نفس الموقف شو تسوي
هلا فديتج ادعيله بالهدايه الريال يوم يبا شي ما ترومين تمنعينه ونتي لا تعورين راسج خلاص يوم عارفه هذا طبعه سكتي عنه جي تاكلين في عمرج كم بتحرقين اعصابج وهو لا مبالاه؟ الله المستعان
الله يعينج يااختي
ويهدي زوجج ويصلحه
ويهدي زوجج ويصلحه
اختي كلهم الريايل جيه بس نصيحتي اسكتي عنه ولا ترمسينه في موضوع السفر واذا ياج وقال بسافر موووول اسكتي لا هي ولا لا ولا كأنج سمعتي شي احسن حل وياهم والله يهديه لج ان شاء الله ويهدي كل الريايل
الله يهديه
ام المر وام رشودى الوفية بيرلا ليتشي وينسونة مشكورات ع الرد انا صابرة عشان عيالي ولا هو شارى حياتة بس الي متي انا ابا حل ومشكورات
مب كل الرياييل جي منو قال اذا كلمته بحزم وتحسسه انه مقصر فيها بيفكر بيقول لي متى بتم جيه استانس وحرمتي مب راضيه اذا هو بعدها حياته لربعه وسفرات وجي شحقه معرس عيل؟؟؟؟