ارشدوني كيف اتعامل مع هذه المعلمه 2024.

السلام عليكم ورحمة الله000 اخواتي في هذا المنتدى الرائع اسالكن بالله ان تجدوا لي الحل 000 انا معلمه ولي اربعة اطفال ملتزمة ولله الحمد وعلاقتي بزميلاتي ومديرتي طيبة ولله الحمد00 ولي في هذه المدرسه 4 سنوات تقريبا اعاني من معلمه غريبة الطباع والشخصية لم استطع ان افهم شخصيتها حتى الان 00 وهي متزوجة ولها ستة اطفال وساكنه مع ام زوجه 00 وانا من النوع اللي اي حلى او كيكه او صينيه عندي جديده اجيبها واذوقها للمعلمات ولبسي ولله الحمد انيق جدا ولله الحمد 00 وعلى درجه من الجمال 00 بدات احس انها تقلدني في كل شي وتتحداني من غير ان تتكلم وتجرح وتلمح بالكلام فاذا قلت سويت دونات لاولادي تسويها من بكرى وتجيب واذالبست الوان جديده لبست مثلي بالضبط حتى الارواج يابنات تقلدني فيهم 00 واي موقف يحصل في بيتي واقوله تنسبه لها وعقلي انا راح يطير 00 حتى الشعر يا بنات انا اسشور شعري واضع له الربطات وزمان شعرها رافعته على ورا تعالي الحين شوفي شعرها 00 استشوار وتبكير ويا سلام 00 لدرجة ان المعلمات يقولون لها انتي ماكنتي كذا يا ام فلان ايش صاير لك00 وكل ما اتكلم تقاطعني وتعا رضني في ارائي دائما 00 ومره قلت انا لا ارد على الرقم اللي ما اعرفه 00 والله يا بنات انها جلست حتى الان تستهتر بكلامي 000 ومره قلت اني امراه بيتوتيه وان خرجت اخرج مع زوجي واولادي ونادرا ما اختلط بالناس فقامت تستهتر وتقول انا يا حبيبتي ما استغني عن الناس 0000 وتستمر با لتعلق على كلامي حتى يسكتونها 00 الصراحة انها لا تطاق ابدا 00 ويعلم الله اني كم حاولت ان اعطيها اهتمام حتى ترضي غرورها 000 ولكن فشلت لانها وكما علمت ان هذا طبعها مع الناس اللي ما يعجبوها 000 الهذا اللحد وصل التعامل بين الناس 00 اللي تعامله زين يعاملك شين0 0 لااستطيع ان اتعامل معها بنفس الخلق لانه ليس من اخلاقي0000 0000 سؤالي ماهي الطريقة التي تنفع مع هذه الانسانه00 وجزاكم الله كل خير

السلام عليكم ورحمة الله وبركاته

بسالج اختي المعلمات لاحظوا عليها هالتقليد ؟

يمكن المعلمات الي في المدرسه مادحينج جدامها فغارت منج

احسن طريقه اطنشين اي شي واذا قاطعتج كملي رمستج جنها مارمست وتمي على طبيعتج الطيبه
حاولي لا ترمسين عن نفسج وهي موجوده

هذا رايي فقط لا غير

وان شالله البنات بيفيدونج اكثر باذن الله

والله يعينج

باختصار هذي تغار منج ، لأنج ماخذه اهتمام المعلمات و المديره و مهتمه في نفسج
لذلك سوي لها أكبر طااااااف في الدنيا ولو تحبي ردي عليها بأسلوب يخليها تستحي من نفسها
و اذا ظلت تتعامل معاج بنفس الأسلوب فمن باب الاحتياط أولا قولي للمعلمات الباجيات انج بتردي عليها
ووقتها لما تكلمج بأسلوب وقح ردي عليها بأسلوب وقح مثله وشوفي كيف بتتصرف وقتها
لكن من باب الاحتياط قولي للمعلمات انج تعبتي من اسلوبها و خلاص رح تردي عليها بأسلوبها
هي ممكن تتشكى و تقول والله فلانه كلمتني بأسلوب وقح ووو ، بس المعلمات رح يكونوا معاج وقتها

فيه ناس ما ينفع معاها غير العين الحمرا ، والله يعينج عليها

هذي غيورة

الله يعينج عليها بصراحة

حبيبتي هااااااااااااي تغااااااااااااااااااااااااار منج …واقري دووم الاذكاااااااار عن تحسدج بعد..

تعرفييييييييين شو تسوووييييييييين.. والللله العظيييييييييم مابتسووي شي وبتموووت قهر..

بس سويييللللها طااااف وعاااامليهاااا معااملة سطحيية ..ولاتختلطيييييييين فيها وااايد
واذا قااااطعتج وانتي تتكلميييييييين..واااجهييها وقوليلها لو سمحتي ماخصلت كلاااامي ..واذا قااالت اي شي ردي عليييييييييييها ..عقب بتسكت ولا بتحاااااول حتى انها ترمسسسسسسج…

انا تعااااااااااملت مع هالنوعية من النااااااااااااااااااس….وعندي وحدة بعد نفس هاااااي اللي عندج تقهر وترفع الضغط واللله اني مؤدبتنهاااااااا

ولاتميييييييين تفكرييييييين فييها هاااي تتمنااالج الشر وماتتمناالج الخيير
فلييش انتي تفكرييييين في وحدة تتمناالج الشر

حبيبتي داااامج انتي اوكيييه مع الكل في المدرسة فليش تسوييييلها سااالفة..طنشيييييها وخلااااص

ومب شرط انتي يووم تعاامليين حد اوكييييييه يعاملج اوكيييه
فيييييييه نااااااااااس حقوووديين وقلبهم اسووود وهاااي المعلمة نيتها انها تكووون احسن منج في كل شي وتغااار منج وتوقعي بعد انها عقب تطلع كلاااام مب زييين عنج عشااان تكووون هي الاحسسسن لانها هذا تفكيرها المتخلف

عاملييييييييييها عااادي ولاتحسسيينها بعد انها منبوذة منج..وتحذري منهاااا….
ويوووم تقووولج شي ردي عليييييييها مابتخسرييييييييين شي لانها اذا شاافت سكووتج بتزييد وبتزييييييد

يعني الحييين مثلاا يووم قاالت انا ماااستغني عن النااااااااااس.. جاان ردييتي عليييها وقلتي "انا غيييييير وانتي غيير وطبعي يختاف عن طبعج مب شرط كل الناااااااس لاازم يكوونون شرااااتج" عقب بتسكت وبتستحي على عمرهااا
وفكري في ريلج وعيااااااااااااااااااالج اللي يتمنولج الخيير احسن بدااال انج تفكييرين في انساااااااااااااااانة تتمناالج الشر

والسموووووووووووحة منج يالغلاااااااااا

ashwaq معاها حق…. انا معاها 10000%

الله يعينج عليها…بس لو منج وقامت تعلق بطريقه تستهتر بالكلام بوقفها عند حدها جدام المدرسات…وبتقفط شافج تسكتين عنها…الله يعينج عليها..انا ماتحمل حد يستهتر عليه لو منو ماكان