يا رب نخس كلنا بداية أعرفكم بنفسي أنا تخييييييييييينة جدا من 8 سنين من أول حملي و معملتش ريجيم في حياتي قبل كده غير مرتين كنت انقطع عن الأكل تماما و أخس بسرعه كيلو في اليوم كل يوم لحد ما أخس 15 أو 17 كيلو بالكتير أثبت و أزهق ابطل و أتخن تاني و طبعا أكتر من الأول و من 3 سنين معملتش أي ريجيم
دلوقتي بدأت مع دكتور جديد لأول مرة في حياتي و هو مديني أكل كتير و أنا بصراحه خايفه أكلو و عاوزة رأيكم فيه
الأول اكتبلكم الممنوعات
الجبن الرومي و البراميلي و الفيتا و الإسطنبولي و أي جبن حادق و المشروبات الغازيه حتى الدايت
و الكاتشب و الطحينة و المايونيز اللبن البودرة و الكوفي ميت و كل المشروبات 3*1
المسموحات 2 معلقة سكر او عسل ابيض او اسود او 5 ملاعق سكر فاكهه يوميا
كوب حليب كامل الدسم
الشروط 2 لتر ماء يوميا و ممنوع الشرب بعد الأكل لمدة نصف ساعه لأنه يسبب عسر هضم
و بين الوجبة الأساسية و الوجبه الخفيفه ( السناك ) لا يقل عن ساعتين و بين الوجبة الرئيسية و الوجبة الرئيسية الأخرى لا يقل عن 4 ساعات
ممنوع الأكل قبل النوم بساعتين
المشي غير ضروري هو او اي رياضه و اذا بدأتي فيها يرجعلك بس شرط المواظبة عليها
قطعة حلويات تعني جاتو او حلويات شرقيه او سينابون او باتيه او كرواسون ( مقدار نصف كف الأيد فقط ) او شيكولاته اي نوع حتى بالمكسرات بس وزنها لا يزيد على 50 جرام فقط يعني مارس و جلاكسي مفيش مشكلة
بروتينات تعني لحم او بيض او دجاج او لانشون او مشروم او كبده او برجر و مطهي بأي طريقه يعني حتى لو متحمر مش مشكلة !!!!!!
النشويات تعني بطاطس قلقاس او رز او مكرونه و الغريب ايضا انو بأي كمية و مطهي بأي طريقة يعني قالي لو حلة رز مفيش مشكلة و مطبوخة بسمنه او زيت عادي بس المهم مش بشعريه عشان كده نوعين نشويات و المطلوب واحد بس و المكرونه بالوايت سوس او الصلصة عااااادي و البطاطس ممكن متحمرة !!!!!!!!بس شيبسي لأ عشان المواد الحافظه
المهم الريجيم بأه
الفطار من 5 الى 7 صباحا لأن انا بصحى كدة و هو بيعمل لكل واحدة نظام على حياتها هي انا كمان قلتله اني بحب الحلويات
قطعة حلويات زي ما شرحتها فوق
أنا أخدت 3 أيام مارس و يوم كندر و يوم بسكوت ساده و يومين جالكسي
بعدها من الساعه 9 الى الساعه 10 رغيف عيش مع اي نوع freeيعني ممكن جبنة شيدر او لانشن او بيض او فول او طعمية بس نوع واحد فقط او قطعة حلويات تاني
أنا أخدت شيدر كل الأيام
بعدها بساعتين 2 ثمرة فاكهه او عصير اي نوع من المعلب الجاهز يعني ممكن مسكر !!!!او بولة واحده ايس كريم بشرط يكون ساده مفيهوش قطع شيكولاته او سوس من اي نوع او بسكويت
أخدت 2 يوسفي كل الأيام ما عدا يوم الميزان مخدتش حاجه
الغدا بأه مقسم يومين * 3
أول يومين بروتينات + نشويات + خضار ( مطبوخ بأي طريقة ) + سلطة
ممكن بيتزا او كشري ( أنا أكلت اسكالوب و بطاطس محمرة و سلطه ) و تاني يوم أكلت ساندوتش جمبري بانيه كبير و سلطة
ثاني يومين نشويات + خضار + سلطة أو بروتينات + بولة واحدة رز + خضار + سلطة
أنا أكلت بطاطس بيورى و سلطة و تاني يوم أكلت مكرونه بالصلصة و الجبنة و سلطة
آخر يومين بروتينات و سلطة و خضار
أنا أكلت ستيك و سلطة في اليومين
العشاء زبادي و فاكهه بأي نوع و أي كمية ما عدا البطيخ و المانجو و التين و البلح
او
سلطة و اي نوع واحد من بتوع الفطار
او ايس كريم ساده اي نوع و بأي كميه
أنا أخدت كل الأيام يوسفي و يوم واحد أخدت ايس كريم فانيليا
اليوم السابع يوم الميزان يجب عدم الأكل او الشرب قبل الميزان بساعتين على الأقل و بعد الميزان وجبة free & desert
اهم حاجه في النظام المواعيد و الهدف منه زيادة الحرق
أنا على ميزان البيت خست 2 كيلو و على ميزان الدكتور خسيت 4 كيلو و لكن كل صديقاتي مخسوش على ميزان البيت و لكن شكل جسمهم بيتغير و هما بدأو قبلي بكتر و مش بيخسوا على ميزان البيت كويس ممكن كيلو في الأسبوع بس بيخسوا على ميزان الدكتور بس شكل جسمهم بيتغير بشكل ملحوظ
فأنتم ايه رأيكم أكمل معاه والا لأ
أنا حسيت ان صحتي افضل و أنا انشط بس انا عاوزة اخس 40 كيلو قبل ما اسافر لزوجي في شهر 7 إن شاء الله قولولي رأيكم أنا معادي معاه السبت اللي جاي بس أنا الأسبوع دا مش ملتزمه اروح والا امشي مع نفسي اي ريجيم او اروح لدكتور تاني
حبيبتي الغالية :: nonnajoe
بسم الله ما شاء الله،، الدايت جدا حلو،، وانا اشوفه ممتاز،، احسن من انج تسوين دايت الخس او الخيار 
وقبل كل شي حبيت اقول ما في احسن من اتباع نصيحة الدكتور اللي عارف كل شي عنك، من الجسم والقياسات والنفسية والمواعيد ،، والاكلات اللي تحبينها او تكرهينها
احنا مهما كان علمنا قليل من هذه الناحية،، حتى لو الوحدة منا سوت مليون ريجيم
فحبيت اقولج استمري معاه،، و ماشاء الله تبارك الله النزول عندج ممتاز ..
و ملاحظة :: عجبني ان الدكتور ما وصف السكر الخاص بالريجيم او سكر الدايت،، لانه هذا يسبب خلل في الجسم على المدى البعيد،، وسمح لج بالسكر العادي بكيمة معقوله وهذا عين العقل
و بالتوفيق حبوبة
بس مش غريبة ان الناس بتنزل على ميزان الدكتور اكتر من البيت أنا و الله خايفه اضيع وقتي معاه
بمناسبة الخس و الخيار نسيت أكتب ان الخس و الخيار و الزبادي و الجزر اي وقت عند الجوع او مع اي وجبة كأنك مأكلتيش حاجه بس الطماطم لأ عشان فيها أملاح بتخزن الميه في الجسم
المشاركة الأصلية كتبت بواسطة دهن_العود 
دعواتك يجيب فايده
المشاركة الأصلية كتبت بواسطة nonnajoe بس مش غريبة ان الناس بتنزل على ميزان الدكتور اكتر من البيت أنا و الله خايفه اضيع وقتي معاه
بمناسبة الخس و الخيار نسيت أكتب ان الخس و الخيار و الزبادي و الجزر اي وقت عند الجوع او مع اي وجبة كأنك مأكلتيش حاجه بس الطماطم لأ عشان فيها أملاح بتخزن الميه في الجسم
حبيبتي انا عندي ميزانين في البيت،، و كل واحد يعطي وزن شكل هههههه
يعني انا اشوف اهم شي تغير الشكل والمقاسات
وبالتوفيق ياربي
المشاركة الأصلية كتبت بواسطة باربي الشارجة يعني انا اشوف اهم شي تغير الشكل والمقاسات
وبالتوفيق ياربي
طيب أنا حتوكل على الله و جزاك الله خيرا