استفسار عن التربية

في وحده في العايلة بنتها عمرها سنه و9 شهور

مشكلتها وايد تعض ما خلت حد من اليهال فحاله ع قولت امها انه يدتها ام زوجها معلمتنها..

الام ما تقول شيء لبنتها ولا تخلينا نقوللها شيء اونه صغيرة ما تفهم شو تبوني اقوللها… انتبهوا ع عيالكم … هي طالقة بنتها تعضض ونحن عيالنا الصغار زاخينهم ما نقدر نغفل عنهم ثانيه.. بعضهم طلعت منهم الدمان

احاول انتبه ع بنتي اللي ما كملت سنه الف راسي ثانيه القى هذيج الصرخه عاد بنتي تبا تتحرك وتعلب ما تحب تقعد فحظني..
هي مب ساكنه ويانا فالبيت بس نلتقي وايد .. المهم استوى تش بسبت اليهال فقالت ما بتي بيت اهلي يوم انا موجوده .. هو سبب سخيف بس انا ما ابا بنتي تتعور وهي ما تبا حد يرمس بنتها ولا يهزبها …..

انا ابا اعرف يوم اربي بنتي ما اباهر تكون شرية تضرب عيال الناس فكيف اربيها واعلمها … عدنا بيبي فالبيت بيكبر وانا اخاف بنتي تضارب عقب ..

المشاركة الأصلية كتبت بواسطة الغندورة

سمعت مدرسه ف الاذاعه كان عندها طفله تعض الاطفال فمسكت ايدها وعضتها بخفه طبعا وصارت كل ماتعض حد المدرسه تعضها البنت قامت تخاف تعض حد
دايما اطلبي من بنتج تسوي اشيا للبيبي تساعدج ف انها تناولج اغراضه واحيانا وصيها انها تنتبه عليه لين ماترجعين بس طبعا تكونين حذالهم بس هي بتحس انها مسؤوله منه وبتحافظ عليه وامدحيها وايد انها شاطرة وتحب البيبي بتستلنس
الله يهديها ويسخرها لج

آمين تسلمين فديتج ع الرد .. البيبي مب لي لاهل زوجي .. بس اسألج عشان ما يصير شي فالمستقبل. بس حلوووة الفكرة عشان يوم ايبلها اخو ولا اخت..

وحبيت قصة المدرسة بس ليت ام اللي تعض تقتنع انه في اساليب للتعليم التأديب

مفذوض الام تنتبه على بنتها اكثر يعني اذا ظهرت تجابلها وتراقبها واذا غضت حد تقوللها ان تصرفها غلط وتعودها عالاعتذار
ويوم تكبر اكثر وتفهم تستخدم اسلوب كرسي العقاب

خلاص اليهال عقب عمر السنة لازم مانسكت عنه لو غلطتوا .. مب لازم ضرب. لا. بالكلام والنظرة.. عشان يعرف الياهل انه هالشي غلط

هو مب زين بعد نخاف وايد عاليهال. كل ما اختطلتوا بيهال اكثر تقوى شخصيتهم