اسراااااااااار اهتمامي بشعري الطويل و الغزير ماشاء الله 2024.

من صغري و امايه الله يطولي بعمرها لآزم تحط لي زيت زيتون كل اسبوع و تحني شعري كل اسبوعين

فديت امايه والله

و القص شي اسااااااااسي يعني كان شعري دوووم قصير لين ما وصلت اول ثنوي خلتني اطوله بس كل شهرين او شهر و نص تقص لي الاطراف

و انصح كل الحريم ما يطولن شعور بناتهن الصغارعلييييكن بالقص ,, الوالده دووم توصي ^ـــ^

الحين بخبركم الخلطات اللي خلت شعري رووووووعه ,,
يوم تحطين اي خلطه لازم تسوين مساج حق فروة الشعر ,,

الخلطه الاساسيه

المكونات :

زيت نارجيل اللي علبته خضرا يبيعونها في اي مكان حتى عند راعي الدكان قوليله ابا زيت جوز الهند اتوقع ب 8 دراهم + 10 م ك حلبه مطحونه + علبه كرافت العوده فاضيه

الطريقه :
اخلطي الزيت مع الحلبه و خليهم يتخمرون لمده 7 ايام

الخلطه رقم 1

المكونات :

الخلطه الاساسيه + زيت الجرجير + زيت زيتون + زيت سمسم+ نقطه زيت حبه السودا + لب الصبار

الطريقه :

اخلطيهم مع بعض و حطيهم على شعرج و سكري شعرج بـ كيس نايلون و فوق الكيس قطعه قماش
لمده 3 ساعات او 4

الخلطه رقم 2

المكونات:

الخلطه الاساسيه + 3 حبات ثوم مقطع الى انصاف + زيت فاطمه الاخضر ( اللي مش متوفر عندها تقدر تستبدل الزيت بزيت الجرجير و زيت الزيتون )

الطريقه :

حطي الخلطه الاساسيه و الثوم على النار لين ما تحسين الثوم شوي تحمر طلعي الزيت على طول
خلي الزيت يبرد
صفيه
و اخلطيه مع زيت فاطمه الاخضر (او زيت الجرجير + زيت الزيتون )
و خليه في شعرج لمدة 3 ساعات

الخلطه رقم 3

المكونات :

الخلطه الاساسيه + روب + عسل + نقطه من زيت الحبه السودا + صفار بيضه + جرجير

الطرييقه :

اخلطي المكونات فالخلاطه وخلي الخليط على شعرج لمده 3 ساعات او 4

بتقولين اي خلطه استخدم ؟

انا بصراااحه اقعد ع الخلطه الوحده شهر, مرتين فالاسبوع
بعدين الشهر الثاني اغير الخلطه و هكذا

بتشوفون النتيجه من اول استخدام ,, استمري على الخلطات لمده 6 شهووور و بتشوفين نتيجه و لا اروع

بتقولين يععع ثوم و حلبه ريحتي بتغدي خايسه .,, عندي الحل طال عمرج ^^

ييبي طاسه حطي شويه شامبو وكمن قطره خل و ماي و غسلي شعرج و بعدين شمي شعرج و لا كانج حطيتي الثوم و الحلبه