يامتزوجاات عاملي زوجك بهالطريقة عشان تكسبينه
مافي أهم ولا اغلى من زوجك فحاولي تحببينه بنفسك وتقربينه منك اكثر
– لما يرجع زوجك من العمل او اي مكان استقبليه بابتسامة حلوه
وقربي له وعوديه انك تبوسينه وتبوسين يده وتشيلين اي شئ معاه واذا مامعاه شئ شيلي الشماغ من على راسه واذا ودك بعد شيلي له جزمته وجهزي له كل اغراضه
– دائما اهتمي بمظهرك وشكلك … لبس حلو وانثوي … ريحتك حلوه واتعمدي تحطين الروائح اللي يحبها ويفضلها
– اختاري كلماتك قدامه … انتقي احسن الكلمات … شاركيه اهتماماته وميوله وترى الرجال يحب الوحده الفاهمه يعني حاولي تفهمين مثلا طبيعة عمل زوجك وتناقشي معه وممكن تعطينه حلول لأي مشكلة تواجهه بالشغل .. ودعميه بكلمات حلوه ترفع المعنويات مثل ( انت ناجح – الله يخليك لنا – الله لايحرمني منك – انا محظوظة فيك )
– تعودي على كلمة احبك وردديها عليه ( عشان تزيد وسامته ههههههه
– لاتقصرين بحقه ابدا … القهوه جاهزه بالوقت اللي يحبه والجريدة مجهزة على جنب وجلسه مريحة واجلسي معاه
– اذا قالك ( لا ) قولي ابشر وزي ماتبي … بعدين خذي اللي تبين بطريقتك .. ترى الرجال مايحبون الحرمة العلة اللي تراددهم 
— لاتثقلين الطلبات على زوجك .. اعرفي ميزانية زوجك وقدراته وتحركي على اساسها
ترى من اغبى انواع الزوجات اللي تطلب اشياء مايقدر عليها زوجها
– اذا رجع من السفر .. فاجئيه بأي تغيير فيك ..(بس تغيير حلو ) يعني مو تروحين تدورين شئ ينرفز زوجك وتسوينه لاطبعا .. سوي شئ حلو ويعجبه وخصوصا اذا كان زوجك من النوع الملول
– اذا عاملك معاملة مو حلوة في حقك .. التمسي له الأعذار .. يمكن يكون مافهمك صح أو في شئ مضايقه
– لاتستخدمين كلمة دائما الا اذا قلتي (احبك) لكن انتبهي تقولين انت دائما بارد .. انت دائما تنرفزني … الخ … هذا اكبر غلط
– اذا مرض زوجك .. كوني له الأم والزوجة بنفس الوقت .. اعتني فيه زي ماتعتنين بطفلك .. دلعيه … أكليه وشربيه وداريه .. ولاتطلعين من البيت وتتركينه .. وسمعيه من الكلام الحلو (ماقدامك الا العافيه .. الله يشفي التعبانين الحلوين وانتي وشطارتك عاد
– اهتمي بالمفاجآت والهدايا … اذا مريتوا بأزمة أو كل بين فترة وفترة اشتري لزوجك هدية حتى لو كانت بسيطة وقولي له وانتي تقدمينها ( الله يعطيك العافيه تعبناك معنا حبيبي , انت شايل همنا عساك على القوة , الله لايحرمنا منك انت ذخر لنا وحنا من غيرك مانسوى شئ عشان تمسحين كل الهموم والتعب .
– اهلك زوجك هم أهلك .. وأم زوجك هي أمك الثانيه .. انتبهي تنتقدين أهله قدامه أو تعيبين فيهم
بالعكس احرصي انك تمدحينهم وتذكرينهم بكل خير .. ترى الرجال يكره الزوجه اللي ماتقدر اهله ولاتحبهم … حطيهم بعيونك واكسبيهم
– اذا جاء يتكلم معك زوجك .. اعطيه كل الاهتمام .. اتركي اللي بيدك وناظري عيونه وهزي راسك ( يعني ترا كل ذهني معك ) وشاركيه الحديث بلباقة ووذوووق
– اذا كان مسافر وكلمك وضحي انه انك فاقدته وان البيت مايسوى الا بوجوده ورددي كلمة (وحشتني )
– اذا قالك بطلع او اتصل فيك وقالك بتأخر عند اصحابي قولي له ( اهم شئ راحتك وتكون مبسوط بس بتوحشني )
– اختاري دائما الأكلات اللي يحبها وسويها وتفنني بتقديم الأكل..
– اذا قالك انا مشغول مو فاضي .. مو تنشبين فيه … قولي خذ راحتك عيوني وانتي اشغلي نفسك بأي شئ … ولاتصدعين راسه بتفاصيل كثيرة
اتبعوا النصاائح وصدقوني ماراح تندمون
بتكسبين زوجك وبيحبك اكثر
ودعواتكم يا الغاليات ربي يحفظ اولادي ويعطيهم الصحه والعافيه
المشاركة الأصلية كتبت بواسطة منى الروحm 
تسلمين الغاليه
شكرا الغاليه وماقصرتي