افضل طريقه للتخفيف من الحكه الناتجه عن التشققات عن تجربتي 2024.

اول شي قبل ما تدخلين الحمام وانتي بكرامه تفركين المنطقه الي فيها حكه بزيت زيتون يعني اتحطين كميه ع ايديج واتفركين فيه المنطقه بحركات دائريه واتمين تفركين مده نص ساعه وانتي بتلاحظين من كثر الفرك انه المنطقه لانت وانه الجلد المتقشر بدا يظهر ع ايديج واتمين تفركين تفركين – وعقب تدخلين الشور اتبللين جسمج بالماي الدافي او بدرجه الحراره الي تستحملينها اتمين جذه 10 دقايق لين ما تتشرب المنطقه بالماي وعقب اتيبين صابونه حمام المغربي تفركين المكان فيييه وعقب تشطفينه بالماي وعقب ييبي الليفه المغربيه افركي المنطقه بحركات دائريه بس براض لا تفركين المنطقه بقو لا على اقل من مهلج عسب ما تسببين للمنطقه اي جروح او اي ضرر نحن من هذا كله بس نبغي انخوز الجلد المتقشر بتشوفين وانتي تفركين المنطقه بان الجلد بدا يظهر تمي افركي وافركي لين ما تشوفين المنطقه صارت ناعمه وعقب اشفطي المنطقه بالماي الدافي وقد ما تقدرين لا تحطين اي صابون عالمنطقه – وعقب خلاص اتسبحي سبوح عادي اذا بغيتي تسبحين – وعقب نشفي المنطقه عن طريق الطبطبه وليس المسح يعني اهتمي بالمنطقه – وعقب ما تظهرين من الشاور حطي زيت زيتون بس اشويه عسب اترطبين المنطقه ….

وان شاء الله اكون افدت كل وحده اتعاني مثلي – وانا من النوع الي كنت اهتم بالمنطقه وكل يوم احط كريمات وارطب المنطقه لانه في بعضهم قالوللي انج اكيد ما ترطبين المنطقه – انا سرت المستشفى وسالت عن الحجه قالتلي هالشي لا محال لازم يصير حتى لو ترطبين المنطقه لانه الجو برد ولا زم يتقشر المكان – فانا قلت بخترع طريقه يمكن اتساعدني وان شاء الله اذا ساعدتني بحطها فالنتدى عسب خواتي يستفيديون – واتمنى تستفيدون من الي سويته وتتخلصون من الحكه نهائيا او انها تخفف منها ….

وسامحوني ااذا قصرت في شي واي وحده تبغي تستفسر عن شي انا حاضره وترى هالموضوع من مجهودي الشخصي واي وحده تبغي تنقل الموضوع تذكر المصدر وان شاء الله كل حد يستفيد من هالشي

وادعولي الله يسهل علي الولاده ويهون علي الطلق ..
اختكم :Helm_art