صديقتي معجبة في واحد عندهم في الدوام من تقريبا سنتين وبينهم بس نظرات وهي بصراحة إتشوف إنه مميز في كل شي وشخصيته روعة .
وهي إتحس إنه يبغي يكلمها بس مب عارف الطريقة فشو الحل من وجهة نظركم ؟
هي بصراحة حاولت إنها تنساه بس ماقدرت وأنا نصحتها أكثر من مرة إنها تترك التفكير فيه بس هي إتحاول ومب قادرة فشو الطريقة ؟
المفروض انها اتم ثقيله ولاتعطيه اي سالفه حتى لو انه يناظرها ويسوي لها حركات
ف سمعتها وشرفها اهم من اعجابها فيه
وغير جي هو لو جاد في اعجابه لها يروم ايدش من الباب ولا شو رايج انتي !
انصحيها والله يقدم اللي فيه الخير ..
ويستر علينا وعلى بنات المسلمين
الله يهديها بس .
مشكورات خواتي على ردودكم الحلوة والله يجزيكم كل خير .
الاعجاب او الحب
في كلا الحالتين تدخل ضمن الامور المنهي عنها شرعـاً
فلتتحكم في عوطفها قليلاً ولتبتعـد عن الحب الحرام
وتدخر حبهـا ومشاعرهـا لزوج المستقبـل
فالسعـادة تكمن في الحلال 
يعني الاعجاب شي وارد..بس تحتفظ فيه لنفسها أحسن ..مب لشي
لانها بجي بتتعود انها كل مرة تقول مواقفه أو شو قال أو هي شو قالت!!
يعني بيتتريا تشوف ربيعتها عشان تكلمها بالسالفة .. وهالشي يشغل بالها .. بالتفكير فيه
ويمكن هو ولا على باله
يمكن معرس ..مخطوب .. ما يفكر ..و وووو
يعني بجي هي بتطيح في الحب الي من طرف واحد !!
اذا انتي ربيعتها .. انصحيها .. تسيطر على مشاعرها .. يمكن كلام صعب
بس اذا هي حاولت بتقدر
ولاتفسر كل النظرات بالاعجاب .. يمكن تكون نظرات عابرة .. أو حتى ممكن هي فاهمة هالنظرات غلط!!
لأن للأسف ..مب كل من ضحك لك فرحان لك.. ساعات يكون يضحك عليك!!!