مشكلتي ويا عمتي

السلام عليكم…
اشحالكم خواتي في موضوع مضايجني وحبيت اخذ رايكم فيه …
السالفه ان عمتي اللي هي ام ريلي وايد تتأمر يعني يا فلانه قومي سوي وهاتي حتى بنتها اللي هي اصغر وحده سيري سبحيها غديها درسيها وعشيها البنت صف اول ولين احين يلقمونها ماعرف ليش وعلى فكره هي عندها بناتها ما يسون اللي انا اسويه وهم اصغر عني بكم سنه والله منقهره
صح انها عمتي ع عيني وراسي بس كل شي له حدود
وانا بروحي انظف الحجره واغسل ثياب ريلي واكوي ودايما تقولي انتي كله يالسه في الحجره ابدا ما يعذرون الواحد اذا عنده شغل وما تتصل الا اذا تبى شي والله مليت حتى ما حب ايلس وياهم والمشكله طبعي اني مارد حد وما عرف اقول لا …
قولولي شو اسوي يعني من حقها تتأمرعليه وايد وبناتها اللي اصغر عني يالسين والله مليت…

هلا اختي ..

بصراحه هو وياج حق بس بعد انتي فكري فيها هيه اكيد عادتنج مثل بناتها ولا جان ما قالت لج سوي ..

ترا ساعات الواحد يوم يحب حد ويثق فيه يخليها يسوي اشياء المفروض هو يسويها ويمكن عمتج جي تفكيرها ..

انا لو مكانج بحاول افكر جي عشان ما اتعب نفسي .. هاذي عمتج وتعتبر فحسبت امج ..

^_^

الله يهديها يارب ..

اممم بصرااحه البنيه كبيره؟؟ بس يمكن هااي اخر العنقود دلوعه

بس انتي حاولي لاتزعلين عمتج يعني خذيها بسلوب حلو علشان عقب ما تكرهج وحاولي يا بنيه بسلوب يعني بدال ما تسبحينها قوليله قوم تسبحي وخلصي وتعال بشوفج وجي000 وحتى الاكل بسلوب عقب بتتعود تسوي هالشي بروحه000 والله يوفقج

الله يوفقج يالغلا ،، وصدقينيه هي لو ما تحبج و تعزج جان ما أمرت عليـــج

انا استانس يوم عمتيه تأمر عليه ،، أحس هالشغلات تقربنا من بعض أكثر و اكثــــــر ^^

ربيه يسعدج و يهنيــــــج طيوووبه ،،

الله يعينج

ullah y3eench

الله يعينج استحمليها