بدأت بالعلاج الطبيعي ، لأنه ماشاء الله عندي عيااال وما أفكر أحمل أبدااااااا .. وكان فخاطري أسوي عمليه تجميليه .. بس الدكتورة نصحتني وقالت عليج بالرياضه . المهم دكتورتي قالت : إحنا ما نوافق ع العمليه التجميليه إلا للحالات اللي تستدعي الحاله .. " هذا كلام دكتورة الوصل " ،، وأنا عن حالتي يستدعي ،، ليش ؟ بتسألج كمن سؤال ومن خلالها بتعرف إنج تحتاجين ولا لا .. مثلا : عضلات الرحم نازله ،، عدم التحكم أحيانا "وإنتو بكرامه " بالبول عند الضحك أو البروده أو شو كان السبب ،، إحساسج بالتوسع " آسفه ع الإحراج ،، الولادات المتكرره ورا بعض …إلخ
بديت بالعلاج الطبيعي ،،
واللي كانت إتابعني دكتورة أجنبيه فمستشفى الوصل ،، وقالت لي : ليش كل وحده إتربي تبغي إتسوي عمليه !!! …
قلتلها أنا ماشاء الله عندي ( … ) عيال . وماااااااا أبغي أحمل أبدااا .. وخبرتها بشوه أحس !
قالت لي : ببدأ وياج بالعلاج طبيعي ،،وبتلاحظين الفرق .. بس العلاج الطبيعي بيطول ،، تبون الصدق في نفسي أقول : شو الله كاظني أسوي هالعلاج ،، أسوي عمليه فيوم وأفتك !.
المهم طولت بالي وقلت خلني أتابع .. قالت لي عضلات الرحم ضعييييفه ،،يعني يبالج تقريبا 3 شهور علاج عسب يشد .. لأنه مواعيد مره كل إسبوع ،، قالت ممكن إتسوين رياضه فالبيت لين وقت الموعد ..
وعلى فكره عندها مثل الجهاز إدخـــله من عنق الرحم ،، بس ما جربته لأنه كل موعد يصادف فيني الدوره ..وهالجهاز يساعد على تقوية العضلات " الرحم " .
لين ألحين ما تكلمنا عن تمارين الكيجل //
أول شيء قالت لي إنسي شيء إسمه تمارين الكيجل !!! سوينا دراسه وإنه هالتمرين يؤثر ع المخ " بصراااحه ما فهمت عدل عدل ،، بس قالت لاااا إطبقوووونه .. بيييب الجواب الصح وبرد أخبركم ..
المهم : بديت آخذ حبوب منع الحمل ،، وهالنوعيه أول مره آخذها ،، ويااااليتني ما خذيتها ،، حملت على طووووول .. كيف !! بإرادة الله .
وقفت التماااارين .. وكنسلت مواعيدي العلاج الطبيعي …
إستغر الله …
إذا عضلاااات الرحم مرتخيه ،، عقب هالولاده شو بيستوي ^____^ ..هههه .. والله إني مقهووورة …
يوم أقرأ تجارب البنات ويا عمليات التجميل أخاااف أجازف ..وتمارين الكيجل ما تنحصني الدكتورة …وتبون الصدق ما سوا شيء سنيييين وأنا أسويها .. يعني الوحده شو تسوي ؟!! ..
وبس .
حبيت أخبركم تجربتي ويالدكتورة …
واللي عندها فكره ياااااليت إتساعدني .. عسب أرتب عقب ما أربي ..
والله اول مرة أعرف انه عندهم علاج طبيعي في الوصل وبالذات حق هالاشياء … ولو كنت أدري جان سرت … بس ان شاء الله بسأل عنه في مراجعتي الياية ….
اذا ولدتي بالسلامه كل شي ينحل بس انتظري عشان تشوفين وضعك
ما يخصها احس ؟
عيل شو طبيعه العلاج الطبيعي اللي لازم نسويه عقب الولادة يا ليت اللي تعرف تخبرنا
بس يالغاليه .. شو هي التمارين الرياضيه ؟!! وشو هالعلاج الطبيعي .. كيف نمارسه !!
سبحان الله العظيم