هلا والله فيكم باحلى خوات في احلى منتدي
صراحة انا بعد ما نزلت صوري وتطبيقاتي لبعض الاكلات منهم من وصفاتي الخاصة
لم اتوقع النجاح وكمية الاسئلة على الخلطات للبيتزا وعمل الملوخية والخ .. الخ..
وقررت اعمل وصفاتي على اجزاء
بجد فرحت كتير وانبسطت انو عمايل ايديا بعجبكم
وقررت انو انزل وصفات خلطات البيتزا على المنتدي الحبيب هديه مني لكم
ويارب تحوز اعجابك ورضاكم وللعلم الصور المعروضة هنا كلها جديدة *****
طبعا انا مدمنه على استخدام عجينة الكنز في كل معجناتي للاخت الحبيبة الصديقة (شوكولاتةuae) واستخدمها في كل معجناتي
لا تروحو باقي الموضوع تحت
ارجو عدم الرد الا عند الانتهاء
أول شي أحب انزله واكتبه لكم هو (( وصفات وخلطات البيتزا )) اللي هي الحشو
اللي هي عادة تكون مكونة من خضار ونوع من انواع اللحم او السوسيج معاها
انا احضر الحشو كالاتي: (هذي الكمية تكفي ل صنيتين كبيرتين)
المقادير:
بندورة مفرومه ناعم بدون بذر ( لان البذر بنزل ميا على العجين وبضل ني)
كاتشاب او 3 ملاعق صلصة (لو رح تستخدمي الصلصه ملحيها شوي لانها ما يوجد فيها ملح)
زعتر اردني
فطر مقطع شرائح رفيعة
حبة فلفل اخضر مقطعة ناعم
بصلة كبيرة مفرومه على المولينكس ناعمة كتير او مبشور
زيتون اسود دوائر بدون بذر (او اخضر ازا تفضلينة)
جبنة موزاريلا بالكمية اللتي تريدينها
الطريقة:
بعد فرد العجينة ووضعها في صينيها مدهونة اول خطوة هي احط الصلصة او الكاتشاب وافرده بظهر الملعقة على وش العجينة بس لا تكتري وتنبية انو الصلصه ما تطلع على الحواف للعجين عشان بعد الاستواء ما بكون شكلها حلو .. حافظي على ان تكون في الوسط فقط.
يعدها رشي رشة من الزعتر خفيفة في الوسط تم اخلطة البندورة مع البصل المفروم وضعي نصف الكمية في الوسط وبالتساوي واضغطيها بحنية على العجينة .
ضعي شرايح الفطر بطريقة مرتبة او دوائر ازا حبين من اكبر الا اصغر وبعدها ضعي القليل في كل فراغ بسيط الفلفل الاخضر المفروم ثم السوسيج او اللحم المفضل لديك بس ما بكون كتيير .. ثم ضعي الزيتون بطريقة حلوة لانه اخر نوع سيوضع قبل الجبن. ثم ضغط بسيط وبحنية فوق الكل حتى تحسي انو مستوي واحد..
الان خطوة وضع الجبن.. ضعي كمية جبن الموزاريلا في الوسطة ثم وزعيها لباقي الطرياف مع مراعاة لا يصل فوق اطراف البيتزا لانها تحترق بسرعة .
ثم ضعي البيتزا في فرن تم تسخينة مسبقاً على نار بين عاليه ووسط ثم اول ما يستوي القعر من تحت ويتحمر ولعي النار من فوق لتحمير العجين والجبن
بس خلي بالك لان النار اللي فوق بتحرق بسرعه .. يعني او ما يتحمر وتسكري النار شيليها فورا من الفرن ولا تتركيها بالداخل لسببين انو رح تنشف و كمان الحراره اللي جوا ممكن تحرق الوش شوي
( بس للاسف اكلناها قبل ما اصورها هههههه)
استخدم في الحشو تماما متل السوبر سوبريم بس نستغني عن نوع اللحم الموجود بزيادة الخضرا فقط متل الفطر او الفلفل الاخضر
وفيكي تلوني في البيتزا شوي بعني متلا ازا تحبين الفلفل الحلو استخدمي كذا لون منو في البيتزا وهكذا.
طبعا اللي بحبونها الاولاد الضغار كتيييييييييييييييييييييييير وانا كمان بموت فيها
ومقاديرها كلآتي:
كيس صغير من الجبن الموزاريلا الابيض المبشور
4 ملاعق صلصة مملحة
بصلة وسط مبشورة ناعم
نصف ملعقة صغيرة توم بودرة
رشة اوريجانو مجفف
3 حبات صغيرة بندورة مقطعة صغيييير بدون بذر
بهارات بسيطة
الطريقة:
حطي رشة زيت زيتون في قدر على نار هادية وعليها البصل .. او ما يصير طري ضيفي عليه الصلصة وحركي بسرعة قبل ما تلزق او تحترق ثم ضيفي عليها رشة الاوريجانو والثوم البودره وشويه بسيطة بهارات وتاكدي من الملح لو كان قليل ضيفي شوي مو كتير ثم سكري النار وارفعي القدر وصيفي عليه البندورة وحركي بسرعه.
ثم اتركية يبرد شوي ثم افرديه على العجينة بالتساوي وابعدي عن الاطراف ثم ضعي الجبن الموزاريلا كلها في الوسط وغطي الصينية كلها بالجين .. يمي يمي صح ؟
بيتزا البيبيروني هي تطبق عليها نفس المقادير هاي بس بتحطي شرحات البيبيروني فوق الصلصه قبل وضع الجبن فقط. ولكن خلي بالك انو تخففي الملح لان البيبيروني بكون اصلا مالح كتير ومبهر.
أتمنى حبيباتي انو موضوعي احاز اعجابكم جميعا
وانتظر ردودكم ودعاوتكم الحلوة
ان شاءالله بجربها
و لا هننتي
تسلم يدينج
ميروووه