اليوم بنكمل سلسلتنا وبنتكلم عن الكونسيلر
الكونسيلر كلنا نعرف انه يستخدم لتغطية بعض البقع الداكنة او التصبغات الصعبة ويكون على مناطق معينة بالوجهه والبشرة وليس على كل البشرة
وهاي غلطة لاحظتها على بعض الماكيرات أو البنات انه اتييب لج الكونسيلر وتصبغ به وييهها كامل.. الكونسيلر تغطيتها قويية جدا وثقيل على البشرة وراح يسد لج المسامات وبيتعب البشرة وبيطلع لج حبوب واحنا بغنى عن هالمشاكل
اما بالنسبة لأفضل الماركات الي استخدمها حاليا هي
1- كوستال سينتس وماك
حبييييتها ومن بعدها ما صرت استخدم غير هالكونسيلر بالنسبة لي هو الكونسيلر المثالي من ناحية ثباته على البشرة ونوعيته ونسبة الدهن والترطيب الي فيه
تغطيتها كاملة
وثاابت ويتم لوقت طوويل
وتقريبا نفس كونسيلر ماك
2- بن ناي العجلة wheal
تقريبا مثل كوستال سينتس بس شوي consistency مختلف ارتحت لكوستال سنت اكثر لانه ستيكي اكثر
3- كيريولاين
حلو بس ثقيييل على البشرة وحاولي ما تستخدمينه كل يوم وايد تعب لي بشرتي
4- بلته فورايفر
جميييلة تقريبا مثل بن ناي
5- بلته فورايفر 52
واايد حبيتها تغطيتها متوسطة وخفيفة على البشرة استخدمها بروحها من غير فاونديشين والفينيشن لها وايد ناتشورال تنفع لكل يوم جربوها واايد حلوة
وهني صورةهم
عندج بعد ان واي اكس كونسيلر ان أ جار
وجربت لوريال وايف سان لوريال حلوين لكل يوم تغطيتهم مب ثقيلة يادوب خفيفة تنفع للتصبغات الخفيفة فقط حلوين لكل يوم
لوريال تغطيته اقوى عن ايف سان لوريال نقول من متوسطة الى خفيفة
جربت ستيك بن ناي وايد كريمي ويسيح ما ياز لي
ماكس فاكتور حلو لكن الوانهم تعيسة ما ناسب درجة بشرتي
وشي ماركة جي اس خذتها من كندا واايد حبييييييييته شكله مثل الرروج تغطيته مثالية وما تعب بشرتي مثل كريولاين ودرجاتهم حلوة وثابت ما يسيح ولا يطير
الي جربت شي غير تخبرنا عن رايها
لمزيد من كل ما يخص الجمال ووصفات الطبخ تابعوني على الانستغرام beautyandfood11
وسلامتكم
انا حبيت باليته فور ايفر
المشاركة الأصلية كتبت بواسطة ماحد شراتي 
انا حبيت باليته فور ايفر
الله يعافيج حبيبتي
المشاركة الأصلية كتبت بواسطة ميميه88 هههههههه
هو ستيك فاونديشن
بس تغطيته قوية وانا ماحب استخدم الاستيك الا ككنسيلر لانه معروف تغطيتهم وااايد قوية ويتعب البشرة حتى كيريولاين ستيك فاونديشن بس استخدمه كونسيلر
بس صح يمكن تطيته قويه بس مادري مرتاحه له يعني ماحسه يتعب بشرتيه احط عالخفيف منه واوزعه بالاسفنجه
انا جربت الكريمي ما ارتحت له وايد لانه بشرتيه جافه شوي
ومافيه عيوب بويهي او اثار حب اللهم شويت نقط كلف على اي كريم تختفي
برايج شو احسن شي استخدم؟