اختي الغاليه ..كلنا انعرف انه وقت الدوره الشهريه نتوقف عن الصلاة والصيام ولكن هناك عباداااات كثيره نقدر نقوم ابها ونستمر عليها ..بتقولين وليش نستمر نحن عندنا عذر وعندنا آلآم ووجع بطن ونبغي نرتاح. انا معاج نرتاح بس الشيطان مايرتاح يحاول يبعدج عن ربج ويستغل عدم طهارتج ويزين لج اشياء كثيره ولاحظي بعد ماتخلص تصلين بتثاقل وتقرين قرآن بتثاقل وتجاهدين نفسج مره ثانيه علي العبادات وكله السبب الشيطان.
فانا نصيحتي الكم خواتي الاستمرار علي العبادات اقري قرآن وكملي ختمتج عن طريق الكمبيوتر واقري اذكار المساء والصباح واستغفري وسبحي اكثر عن قبل كل وقت صلاة سبحي واستغفري وخلج علي وضوء علي طول بتقولين ايجوز اتوضا وانا حائض بقولج مابيضرج شي اصلا لو توضيتي بالعكس بتكسرين الشيطان وتقهرينه.
اقراي كتب دينيه واحاديث واشغلي وقتج بالذكر واسمعي الاذان ورددي معاه وادعي ربج وخلج قريبه منه بالدعاء وحتي عند قيام الليل قومي واقري قرآن وادعي لنفسج وصدقيني بترتاحين وايد وبتشتاقين انج اتصلين ومابتحسين باي تثاقل ولا غربه عن العبادات وبتقهرين الشيطان.
صدقيني بتحسين براحه عجيبه ولج نفس اجر المصليات ويمكن اكثر واتمني انكن تسمع نصيحتي وصدقوني مجربه والله يوفقكن ان شاء الله ويثبتنا علي الطاعه والدين.
حبيبتي بس عسب قراية القرءان ما ظني انه يستوي لان ما يمسهو الا المطهرون
فما ظني نقدر نقراه حتى من الكمبيوتر والله واعلم
صدقج والله هذا مب عذر ..
العبادة مب بس صلاة فيها أذكار و إستغفار و تسبيح و تهليل و دعاااء ..
الله يثبتنا ع الصراط المستقيم و يجمعنا في الفردوس الأعلى ..
اللهم آآآمين
اللهم آآآمين
اللهم آآآمين