الحقوا علي ولدي كله يااااااااااكل 2024.

السلام عليكم والرحمه الله وبركاته
شخباركم خواتي امهات سيدات الامارات … أن شاء لله تمام
مشكلتي ويا اكل ولدي عبودي الي بعد شهر بيكمل سنتين أن شاء الله .. ,انا وقفت عنه الحليب من كان عمره سنه وكمن شهر لأني كنت حامل ( وبعدين سقطت ) وما رديت اعطي حليب..
وايد كنت اعاني شو اكله لأني ما اعرف شو يحب لأني الحبيب وايد يتشرط في اكله وجربت واايد اشيا …
والحين من شهرين كله كله يبا ( اكوت شاي )
ينش من الرقادالفير ع ساعه 4 او 5 ويصيح(أكوت شاي)
وينش من الرقاد ويصيح (اكوت شاي)
ونحن نتغدى ما يبا عيش يصيح يبا (اكوت شاي)
وفي العشا مايبا لا دياي و لا خبز ويصيح يبا (اكووووت شااااااي )
وقبل الرقاد يبا (اكوت شاااي)

وانا اصارخ ومتحطمه واقول بس
(أكووووووووووووووووت شااااااااااااي )
خلاص مب زين الشاي على كل وجبه .. كله نيكوتين … بعدين بيتعود على الشاي
اوه نسيت اقول شو اكوت شاي = بسكوت شاي
والحبيب ما يبا بسكوت وحليب مثلا
لا … لااااااااااازم شاي ومرات احط شوي حليب يمشي وياكل بس إذا زذت على الحليب وخليته اكثر ن الشاي ما ياكل ولا بعد يزعل ….
شوووووووووووو اسوي ويا ها المخلوق فديته والله ؟؟؟؟ اخاف إذا قطعت عنه اكوت شاي ما ياكل شي واعاني اكثر !!!!!!!! شو اسوي؟؟؟؟؟؟؟؟

الله يخليلج ولدج حاولي فيه قوليله ماشي خلاص بسكوته (عيالنا يسمونه بسكوته وبنتي الصغيره كوته )

وخليه يشوف العلبه فاضيه وعطيه كل مره نوع لين ما يتعود على اكل غير الكوتهالي ياكلها

الغاليه المشكله مب في البسكوت في الشاي … بلعكس انا بستانس اذا كل بسكوت وبس من دون شاي … والشاي ما اقدر اخش عنه لأن دله الشاي على طول جدام عيونه سواء وقت الريوق او بعد الغدا والعشا بعد

آآآآآآآآآآخ
انضرب الحين تعرفون ليش؟؟ … شكله يعرف اني احش فيه جان يفلعني بسيارته اللعبه على راسي في غفله من دون احساس ضربته بس صدق اتعورت

يحلييييييييييله وبعد سهران

الله يحفظه لج

والله نحن الامهات مانصدق يوم عيالنا ياكلون

ودوووووم جيه مايحبون اللي ينفعهم واحنا اللي نتعب

والله ماعرف شو اقولج لاني اعاني مثل مشكلتج

والمشكله في عيالي لما اصووووم احسهم يصومون ماياكلون وايد لين الفطور

لاااازم آكل عشان ياكلون وكم يوم وبخلص ومسويه لهم نظام غذائي وبحاول اعودهم عليه

وبغير كل شي ياكلونه وخااااااااصه هالاندووووووومي اموت قهر منه

ماعرف ليش كل الاطفاااااااال يحبووووووونه

ههههههههههههه فديته وانا اقول شو اكووت شاي افتر مخي

انجييييين بالعافيه عليه بس مب زيييين كل الوقت ويا هالاكوووت

انتي حاولي اتحببيبنه فالحليب قوليله اكوت بالحليب الز خخخخ

والله يخلييييييييييه لج ياربي

هيه والله صدقج خلينا نحن نفتك من الاندومي أول بعدين هم

حطي مع البسكوت جبن او جام
ممكن بعد تفتتين البسكوت وتحطينة مع وجباته وخليه يشوف انج تفتتينه