اشحالكم خواتي
ابا انضم لحمله قراءه سوره البقره وربي يثبتنا ويوفقنا جميعا ويحقق مرادنا
بس عندي سؤال؟
كيفيه قراءه البقره يعني نقرا السوره كامله في يوم واحد ولا في عده ايام ولازم اتكون القرايه وقت
الثلث الاخير من الليل ولا اي وقت؟<<<<<<< حشى ماصار سؤال
هيه ولازم ننوي بالشي اللي نباه ولا مولازم ؟
يزاكم الله خير
اختى مزهريه جزاك الله خير
حبوبه النية في القلب,
و الله عالم بالنوايا ^.^
بس ممكن قبل ماتبدين قرايه,
تدعين باللي في بالج . .
.
.
بخصوص قراية سوره البقره ,
الأفضل انج تقرينها كلها في يوم واحد ,
و في جلسه وحده ,
تاخذ منج ساعه . .
لكن لو حسيتي انها صعبه في البدايه,
ممكن تقسمينها 3 أقسام ,
جزء الصبح أو بعد صلاة الفجر ( 100 آيه )
جزء العصر أو قبل صلاة المغرب ( 100 آيه )
جزء تقرينه في قيام الليل ( حدود 85 آيه أظن )
.
.
و الله يثبتنا وياكم 
يزاكم الله الف خير
بس عقب ما شفت تشجيع البنات فالمنتدي وانهم كلهم يقرونها في يلسه وحده وما تاخذ منهم غير ساعه قررت اني اقراها مره وحده…
قبل كنت آخذ ع كل جزء نص ساعة..بس الحينه تعودت عليها وخصوصا اني اقراها يوميا ومرتين فاليوم فقمت أخلصها في أقل عن ساعه….
انتي مع الوقت بتحسين عمرج تعودتي عليها وبتخلصينها بساعة او اقل,,,
وبالنسبه للنية حتى لو ما تنوين عادي اهم شي انتي شو بداخلج والله يعرف شو نيتج من غير ما تنوين…
عادي اقريها متى ما ترومين…
انا احب اقرها فالقيام واخصلها كاامله احس ان شي حلو وعظييييم…
الله إيسر لج حبيبتي ويثبتج يارب….
والسموحه حبيبتي وادعيلي ان الله يحقق لي اللي فبالي يااااااارب….