حلمت من اسبوع بان امراه وبنتها زارتنا في بيتنا القديم وهي منسدحه على سرير امي ومحطيه ايدينها وراء راسها وانا اكلمها وهي متجاهلتني تماماً وتكلم بنتها وانا عصبت من تصرفها، بعدها رحت المطبخ لقيتها جايبه لنا طاسه في (جامي عليه دهنه طيبه) وامي قالت بان هذي الحرمه (عايشه) فانا زعلت وقلت لو كنت اعرف انها عايشه ماكلمتها اساساً… وامي كانت معصبه جدا من عايشه بس ماعرف شو السبب؟!
بعدها كانو حريم في حوش بيتنا يتحنون وانا رحت فتحت سياره اختي علشان اخذ منه غرض وكانت السياره لونها اسود (فالحقيقه سياره اختي لونها ابيض)…
المهم كنت اريد اروح الصالون عشان اتحنى (المشغل) وكنت محتاره باحسن صالون اروح له فقلت بسير صالون اسمه ظبي ليوا بعدها قلت بسير صالون ثاني قريب بيت خالتي القديم وجاني سايق مصري عنده باص صغير عشان يوصلني وقالت حسابي 10 دراهم بس لان المسافه بسيطه بس انا خفت اركب معاه وركضت بشكل سريع جداً لان خفت يلاحقني السايق.
(انا) متزوجه وعندي عيال جامعيه وعاطله عن العمل ديني جيد
(شقيقتي ) صاحبه السياره آنسه وموظفه ملتزمه
(عايشه )سمعنا كلام من ناس بانها تشوه سمعت خواتي وخاصه لو عرفت بان الموضوع في خطبه او زواج لخواتي
تمت الموافقه
خيرا نتلقاه و شرا نتوقاه
ان صدقت الرؤيا
ربما ياتي لك وظيفه و انت تتخوفي منها
و الرؤيا تبشرك بالامان مما يخيفك و الله اعلم
خيرا نتلقاه و شرا نتوقاه
ان صدقت الرؤيا
ربما ياتي لك وظيفه و انت تتخوفي منها
و الرؤيا تبشرك بالامان مما يخيفك و الله اعلم