الصراحه ما اعرف كيف ادخل في الموضوع وهل هالقسم مناسب للموضوع …..
يوم الجمعه بنتي و ولدي كانو رايحين الكارفو مع خدامتهم و عيال اخت ريلي وخدامتهم المهم اتصلت وحده حق ريلي بحكم إنه معروف وانا الصراحه اشكره وجزاها الله الف خير والصراحه يتم ادعيلها طول عمري
اول ما اتصلت قالت حق ريلي عندك بنت اسمها (……) قالها هيه ليش قالتله هم كانو في الألعاب البارحه قالها هيه ليش شو مستوي قالتله والله انا شفت الخدامه تضرب بنتكم و شكلها البنت متعوده على الضرب وقالتله انا عندي عيال وقلبي عورني عليها هي الحرمه راحت عند الخدامه وسألتها شو اسمها وبنت منو المهم الخدامه ما قصرت قالتها والحرمه تقول حق ريلي الخدامه لو ما قالتلي هي بنت منو انا كنت بلحقها لين ما يروحون البيت وبخبر اهلها ….
الصراحه انا اول ما قالي ريلي كان الوقت شوي متأخر وانا كنت في العين يايه بوظبي والخدامه ما كملت عندي 3 شهور قلتلها شلي سامانج وبتلاوحين المكتب اول شي ما خبرتها بس يوم وصلت المكتب طلعت حرتي خبرت المسؤول عنهم وداوها وقتلها هاي تتكنسل ما اتم اهني
وانا الصراحه انصح كل ام تحط بالها على عيالها ما تتكل على الخدامه ولازم تحط كاميرات مراقبه انا إن شالله بحط
بس كيييف اطرشوونهم ويا الخدامة؟؟؟؟
صراحة ما يتأمن علييييهم
ان شاء الله تكونون خذتوا درررس 
والله على الظااااااالم
انتبهوا من الشغالات لا تأمنونهم على عيالكم
والحمد لله انها ما سوت شي في بنتج
تحياتي
والله حراام شكلها ضربت بنتج لين ماقالت بس والله يزاها الله خير
اللي اتصلت فيكووم والله لولاها جان ماتعرفون الشغاله شو سوت حق بنتكم
بس الحمدالله وربي لو انا بدالج لسدحها الشغاله واضربها ضرب عيل تضرب بنتي
وانا اتم ساكته مستحييييييييييييييييل بكسر راسها ..استغفر الله خدامات اخر زمن
وهاي ماكملت 3 شهور عفانالله عيل لو كملت سنه شو بتسوي في عيالج
لاحول ولاقوة الا بالله..
الخدامات مب ويه حد يأمن عليهم اليهال والله..