أمش شفت ببرنامج نشوي على قناة دبي الخطابة( ام سعود )..
والموضوع بالحلقة كلها عن الزوج اللي ما يصرف على زوجتة ومبهذلها اخر بهذلة .. وجابت نماذج لزوجات مظلومات.. متعرضين لذل واهانة وظلم .. وبعدين استضافت مفتي ازهري كثير تضايق من الزوج اللي يخدع زوجتة وياخذ فلوسها وهي تشتغل … ويضيع فلوسها بالمخدرات …وقال هذول الازواج يستهلو ضرب النار ….
شي ما يشجع على الزواج ابد ابد..
وباخر الحلقة جايبة الخطابة أم سعود وتكلمو عن توفيق راسين بالحلال … وتقول نشوي اخر الحلقة .. (اديكم عرفتو السكة …. هههههههههه ملكمش حجة هههههههههههه)
قصدها سكة الزواج ..
الا بسالكم خواتي …
الزواج عن طريق الخطابة ناجح .. ولا لا ..
وهل الزواج من شخص ما شفتية الا شوفة شرعيه شي لطيف ولا المفروض تعرفينه ( من الاقارب ولا زميل عمل … الخ الخ .. ولا تفهموني غلط ))
لاني محتارة .. اقعد ساعات افكر كيف بتزوج .. ومن مين .. وهل مجتمعنا يسمح ان احد يشوفك ويقرر بسرعة الزواج منك .. ولا الزم الوحدة تسعي هي واهلها بحضور المناسبات ورزة الويه .. في كل مكان وعند اللي يسوي واللي ما يسوي .. ويمكن تعجب .. ويمكن لا .. لان هنا انتي تحت قرار أمرأة أخري .. هو ما شفاك لسه .. ولا عرف عنك … طيب يمكن أعجبة … مو مهم .. لازم امه ولا اخته تعجب هي فيك اول … بعدين لو تجاوزتي الامتحان .. يشوفون .. والمنافسة على اشدها ..
ولا تفكر بوحدة من صحباتها عندها احد من اخوانها ماعرس وتقعد تلف وتدور تقنع اخته انها احسن بنت بالوجود … ويمكن صاحبتها تحن عليها وتعرض الموضوع علي اهلها ..((( والغالب ان صديقتها بتدور وحده غريبة )))) نظام نذالة ..
ولا شلون …
انا احترت … وافكر كثير بموضوع الزواج …
بيني وبينكم (((( خاطري اتزوج )))) …
ويقولون اهل اول ((( المزوج بالسما – اللي هو رب العالمين )))
((( ربي لا تذرني فردا وانت خير الوارثين ))
وسلامتكم
ومب لازم ارز بويهي بكل مكان المكتوب بيصير
حلاتها يوم اتيج باصدفه
وحتى لو سرتي عند خطابة.. اذا الله راد بيصير واذا ماراد ما بيتم الموضوع فديتج
انا اقولج وكيلي امرج لله.. وصدقيني بييج ريال صالح
فوضي امرج لله ولا تياسين
ادعي ربج واستغفري وتقربي منه
واسال الله العظيم ما اتي السنة اليديده الا وانتي مالجه
آميييين